Credit Score: మీ క్రెడిట్ స్కోర్ ఎంతో తెలియదా.? ఇలా సింపుల్గా చెక్ చేసుకోండి..
ప్రతీ ఒక్కరికీ మంచి క్రెడిట్ స్కోర్ ఉండాలని తెలిసిందే. పర్సనల్ లోన్ మొదలు హౌజింగ్ లోన్ వరకు అన్నింటికీ క్రెడిట్ స్కోర్ ఉండాల్సిందే. బ్యాంకులు ఇచ్చే రుణం, దానికి వర్తించే వడ్డీ కూడా మన వ్యక్తిగత క్రెడిట్ స్కోర్పై ఆధారపడి ఉంటుంది. అయితే ఇంతకీ క్రెడిట్ స్కోర్ను ఎలా చెక్ చేసుకోవాలో చాలా మంది తెలియదు. అలాంటి వారి కోసమే ఈ కథనం..
క్రెడిట్ స్కోర్ తెలుసుకోవాలంటే కచ్చితంగా మీ దగ్గర ప్యాన్ కార్డ్ ఉండాల్సిందే. మీ పాన్ కార్డ్ వివరాల ఆధారంగానే క్రెడిట్ స్కోర్ను తెలుసుకునే అవకాశం ఉంటుంది.
క్రెడిట్ స్కోర్ తెలుసుకోవడానికి దేశంలో పలు క్రెడిట్ బ్యూరోలు ఉన్నాయి. ఇవి మీ క్రెడిట్ రిపోర్ట్ను అందిస్తాయి. ఇలాంటి వాటిలో సిబిల్, ఈక్విఫ్యాక్స్, ఎక్స్పీరియన్ వంటి వెబ్ సైట్ల గురించి ప్రముఖంగా చెప్పుకోవాలి.
క్రెడిట్ స్కోర్ తెలుసుకోవడానికి ముందుగా ఏదైనా ఒక క్రెడిట్ బ్యూరో వెబ్సైట్లోకి వెళ్లాలి. అనంతరం హోం పేజీలో కనిపించే క్రెడిట్ రిపోర్ట్ ఆప్షన్ను సెలక్ట్ చేసకోవాలి.
వెంటనే పాన్ పాన్ కార్డు నెంబర్ను ఎంటర్ చేయాల్సి ఉంటుంది. అలాగే కొన్ని వెబ్సైట్స్లో పేరు, పుట్టిన తేదీ వంటి వివరాలను అడుగుతారు. అనంతరం సబ్మిట్ బటన్పై నొక్కాలి.
వివరాలు ఎంటర్ చేయగానే మీ క్రెడిట్ రిపోర్ట్ వస్తుంది. దీంతో మీ క్రెడిట్ స్కోర్తో పాటు మీకు ఎన్ని క్రెడిట్ కార్డులు ఉన్నాయి. మీపై ఎన్ని లోన్స్ ఉన్నాయి.? ఈఎమ్ఐలు చెల్లించడంలో ఎలాంటి జాప్యమైనా ఉందా.? లాంటి వివరాలన్నీ పొందొచ్చు.