UPIతో PF డబ్బుల విత్డ్రా.. యాప్కు సంబంధించి ఈ ముఖ్య విషయాలు తెలుసుకోండి!
ఈపీఎఫ్ఓ చందాదారులకు శుభవార్త! 2026 ఏప్రిల్ నాటికి యూపీఐ ద్వారా ఈపీఎఫ్ డబ్బులను విత్డ్రా చేసుకునేందుకు కొత్త మొబైల్ యాప్ను ప్రవేశపెట్టనుంది. ఈ యాప్ ద్వారా సభ్యులు తమ ఈపీఎఫ్ బ్యాలెన్స్ చూసి, యూపీఐ పిన్ ఉపయోగించి నిధులను నేరుగా బ్యాంక్ ఖాతాలోకి బదిలీ చేయవచ్చు.
EPFO లక్షలాది మంది చందాదారులకు గుడ్న్యూస్ చెప్తూ.. త్వరలోనే పీఎఫ్ డబ్బులను UPI ద్వారా విత్డ్రా చేసుకునే సులభ విధానాన్ని అందుబాటులోకి తీసుకురానుంది. కార్మిక మంత్రిత్వ శాఖ ఏప్రిల్ 2026 నుండి కొత్త ప్రత్యేక మొబైల్ అప్లికేషన్ను ప్లాన్ చేస్తున్నట్లు సమాచారం. ఈ కొత్త యాప్ EPFO చందాదారులు UPI చెల్లింపు గేట్వే ద్వారా తమ ఉద్యోగుల ప్రావిడెంట్ ఫండ్ (EPF) ను నేరుగా వారి బ్యాంకు ఖాతాల్లోకి విత్డ్రా చేసుకోవచ్చు.
ప్రస్తుతం సభ్యులు తమ EPF ఖాతాలను యాక్సెస్ చేయడానికి, వారి సేవలను పొందడానికి యూనివర్సల్ అకౌంట్ నంబర్ (UAN) పోర్టల్ లేదా UMANG యాప్ను ఉపయోగిస్తున్నారు. ఈ సేవలు రెండు ప్లాట్ఫామ్లలో అందుబాటులో ఉంటాయని, కొత్త యాప్ EPFO చందాదారులకు సేవల యాక్సెసిబిలిటీ, డెలివరీని మరింత మెరుగుపరుస్తుందని తెలుస్తోంది. మొబైల్ యాప్లో చందాదారులు తమ సీడెడ్ బ్యాంక్ ఖాతాలకు బదిలీ చేయడానికి అందుబాటులో ఉన్న అర్హత కలిగిన EPF బ్యాలెన్స్ను చూడొచ్చు.
లావాదేవీని పూర్తి చేయడానికి వారు తమ లింక్ చేయబడిన UPI పిన్ను ఉపయోగించవచ్చు. తద్వారా వారి బ్యాంక్ ఖాతాలకు నిధుల సురక్షితమైన బదిలీని నిర్ధారిస్తారు. సేవ సామర్థ్యాన్ని మెరుగుపరచడానికి, సేవలో ఉన్న ఏవైనా సాంకేతిక లోపాలను తొలగించడానికి EPFO ప్రస్తుతం 100 డమ్మీ ఖాతాలను ఉపయోగించి ట్రయల్స్ నిర్వహిస్తోంది.
చందాదారులు తమ పీఎఫ్ డబ్బును విత్డ్రా చేసుకోవడానికి పట్టే సమయాన్ని తగ్గించడానికి, EPFO పై భారాన్ని తగ్గించడానికి కొత్త వ్యవస్థను అభివృద్ధి చేస్తున్నారు. ఎందుకంటే ప్రతి సంవత్సరం 5 కోట్లకు పైగా క్లెయిమ్లు, ఎక్కువగా EPF ఉపసంహరణలకు సంబంధించినవి జరుగుతున్నాయి.
EPFOకి ఎటువంటి బ్యాంకింగ్ లైసెన్స్లు లేనందున, దాని సభ్యులు EPF ఖాతాల నుండి నేరుగా డబ్బును విత్డ్రా చేసుకోలేరు. అయితే ప్రభుత్వం బ్యాంకులతో సమానంగా EPFO సేవలను మెరుగుపరచాలని భావిస్తోంది.