Egg Prices: గుడ్ న్యూస్.. కోడి గుడ్ల ధరలు భారీగా తగ్గాయోచ్.. తెలుగు రాష్ట్రాల్లో రేట్లు ఎలా ఉన్నాయంటే..
మార్కెట్‌లో రేట్లు మండిపోతున్నాయి. ఇటీవల బియ్యం, కూరగాయల ధరలు భారీగా పెరిగాయి.. అంతేకాకుండా చికెన్, గుడ్ల రేట్లు కూడా ఎన్నడూ లేనంతగా భారీగా పెరిగాయి. ఈ క్రమంలోనే ఉత్పత్తి పెరగడంతో చికెన్ రేట్లు తగ్గగా.. గుడ్ల రేట్లు మాత్రం పెరుగుతూ వచ్చాయి. తాజాగా గుడ్ల రేట్లు కూడా తగ్గాయి. సంక్రాంతి పండుగ నేపథ్యంలో గుడ్ల ధరలు తగ్గాయి.
మార్కెట్‌లో రేట్లు మండిపోతున్నాయి. ఇటీవల బియ్యం, కూరగాయల ధరలు భారీగా పెరిగాయి.. అంతేకాకుండా చికెన్, గుడ్ల రేట్లు కూడా ఎన్నడూ లేనంతగా భారీగా పెరిగాయి. ఈ క్రమంలోనే ఉత్పత్తి పెరగడంతో చికెన్ రేట్లు తగ్గగా.. గుడ్ల రేట్లు మాత్రం పెరుగుతూ వచ్చాయి. తాజాగా గుడ్ల రేట్లు కూడా తగ్గాయి. సంక్రాంతి పండుగ నేపథ్యంలో గుడ్ల ధరలు తగ్గాయి.
గత కొంత కాలం నుంచి తెలుగు రాష్ట్రాల్లో కోడిగుడ్డు ధరలు చుక్కలు చూపిస్తున్నాయి. వారం రోజుల్లోనే డజన్ ఎగ్స్ ధర ఏకంగా రూ. 84కు పైగా పెరిగింది. దీంతో ఒక్కొ గుడ్డును బహిరంగ మార్కెట్‌ లో 7 రూపాయలు పలికింది. ప్రధానంగా కోళ్ల దాణ రేట్లు పెరగడం వలన గుడ్డు రేటు కూడా పెరిగిందని కోళ్ల ఫారం, షాపుల నిర్వాహకులు చెబుతున్నారు. గతంలో కోళ్ల దాణ కిలో 15 నుంచి 17 రూపాయలు ఉండగా.. ఇప్పుడు రూ.28 కి చేరింది.
అంతేకాకుండా డిమాండ్ తగ్గట్టు గుడ్ల ఉత్పత్తి లేకపోవడం, రవాణా, దాణ ఖర్చు.. ఇలా అన్నింటిని కలిపి కోడి గుడ్డు ధరను పెంచారు. అయితే, రోజుకు 15 నుంచి 20 లక్షల అమ్మకాలు జరుగుతుండంతో డిమాండ్ పెరిగిన నేపథ్యంలో రేటు కూడా పెరుగుతూ వచ్చింది.
ఈ క్రమంలో తెలుగు రాష్ట్రాల్లో కోడి గుడ్డు ధరలు భారీగా తగ్గాయి. ఏపీలో ఒక్క గుడ్డు ధర రూ. 5.83 ఉండగా.. డజన్ (12 గుడ్లు) రూ. 69.96 గా ఉంది. తెలంగాణలో ఒక్క గుడ్డు ధర రూ. 5.60 ఉండగా.. డజన్ (12 గుడ్లు) రూ. 67.20 గా ఉంది. అయితే బహిరంగ మార్కెట్‌లో ఒక్కో గుడ్డును 6 రూపాయలుగా విక్రయిస్తున్నారు.
ఇదిలాఉంటే.. చికెన్ ధరలు కూడా భారీగా తగ్గాయి. తెలుగు రాష్ట్రాల్లో కేజీ చికెన్ ధర డ్రెస్సెడ్ 140 నుంచి 150 వరకు ఉండగా.. స్కిన్ లెస్ 160 వరకు ఉంది.