Blood Sugar Control Diet: రక్తంలో షుగర్‌ను నియంత్రించే బ్రొకొలీ తింటున్నారా? ఎన్ని లాభాలో..
నేటి కాలంలో మధుమేహంతో బాధపడేవారి సంఖ్య తక్కువేమీ కాదు. దాదాసే ప్రతి ఇంట్లో షుగర్‌ వ్యాధిగ్రస్తులు ఉంటున్నారు. మనదేశంలో ముఖ్యంగా ఇది అతి పెద్ద సమస్య. ఆధునిక జీవనశైలి రక్తంలో చక్కెర సమస్యలను మరింత తీవ్రతరం చేస్తోంది..
నేటి కాలంలో మధుమేహంతో బాధపడేవారి సంఖ్య తక్కువేమీ కాదు. దాదాసే ప్రతి ఇంట్లో షుగర్‌ వ్యాధిగ్రస్తులు ఉంటున్నారు. మనదేశంలో ముఖ్యంగా ఇది అతి పెద్ద సమస్య. ఆధునిక జీవనశైలి రక్తంలో చక్కెర సమస్యలను మరింత తీవ్రతరం చేస్తోంది.
చాలా మందికి తమ శరీరంలో చక్కెర స్థాయి ఎలా పెరుగుతుందో తెలియదు. రక్తంలో చక్కెర పెరిగిన తర్వాత దానిని ఎలా నియంత్రించాలి? అలా చేయలేకపోతే, మిగిలిన శరీరానికి జరిగే నష్టం ఏమిటి? అనే విషయాలు ప్రతి ఒక్కరూ తప్పక తెలుసుకోవాలి. ఫలితంగా రక్తంలో చక్కెరను అదుపులో ఉంచుకోవడానికి అవకాశం ఉంటుంది.
రక్తంలో చక్కెరను నియంత్రించడానికి సాధారణంగా మందులు తీసుకుంటూ ఉంటారు. కానీ అదే సమయంలో ఆహారంలో కూడా తగిన జాగ్రత్తలు తీసుకోవాలి. రక్తంలో చక్కెర స్థాయిలను అదుపులో ఉంచడంలో బ్రోకలీ సహాయపడుతుంది. బ్రొకలీ రోజువారీ ఆహారంలో తీసుకుంటూ రక్తంలో చక్కెర స్తంభింపజేస్తుంది.
పోషకాహార నిపుణుల అభిప్రాయం ప్రకారం.. బ్రోకలీలో చాలా ఫైబర్ ఉంటుంది. ఫైబర్ రక్తంలో చక్కెర స్థాయిలను అదుపులో ఉంచుతుంది. ఇది గ్లూకోజ్ శోషణను కూడా నెమ్మదింపజేస్తుంది. బ్రోకలీలోని 'గ్లూకోసినోలేట్స్' రక్తంలో చక్కెర స్థాయి హెచ్చుతగ్గులను నియంత్రిస్తాయి. బ్రకోలీలో విటమిన్లు, మినరల్స్, యాంటీ ఆక్సిడెంట్లు ఉంటాయి. ఇవి మధుమేహ వ్యాధిగ్రస్తులను ఆరోగ్యంగా ఉంచడమే కాకుండా అనేక ఇతర శారీరక సమస్యల ప్రమాదాన్ని తగ్గిస్తాయి.
మధుమేహ వ్యాధిగ్రస్తులకు కూరగాయలు తినడం తప్ప వేరే మార్గం లేదు. బ్రోకలీని కూరలు చేయడం ద్వారా మాత్రమే కాకుండా ఇంకీ అనేక రకాలుగా తినవచ్చు. దీనితో సలాడ్లు, జ్యూస్‌లు కూడా చేసుకోవచ్చు.