Women’s Health: 40 ఏళ్లు వచ్చాయా.. మహిళలు ఇది మీ కోసమే.. డోంట్ మిస్!
ఇంటి సభ్యుల గురించి పట్టించుకునే మహిళల తమ ఆరోగ్యాన్ని మాత్రం నిర్లక్ష్యం చేస్తూ ఉంటారు. కానీ వయసు పెరిగే కొద్దీ మాత్రం ఖచ్చితంగా ఆరోగ్యం పట్ల జాగ్రత్త తీసుకోవాలి..
కుటుంబం ఆరోగ్యంగా, ఆనందంగా ఉండాలంటే అందుకు ముఖ్య కారణం ఆ ఇంట్లోని మహిళలే. ఇంటి సభ్యుల క్షేమం కోసం మహిళలు ఎంతో శ్రమిస్తారు. కానీ వారి కంటూ సరైన సమయం కూడా తీసుకోరు. దీని వలన వారిలో రోగ నిరోధక శక్తి తగ్గి.. అనేక అనారోగ్య సమస్యలు ఎటాక్ చేస్తాయి.
ఇంటి సభ్యుల ఆరోగ్యంతో పాటు మహిళల ఆరోగ్యం కూడా చాలా ముఖ్యం. యుక్త వయసులో ఉండే శక్తి.. వయసు పెరిగే కొద్దీ ఉండదు. కాబట్టి 40 ఏళ్లు వచ్చాయంటే మహిళలు తమ ఆరోగ్యంపై ఖచ్చితంగా శ్రద్ధ తీసుకోవాలి.
తమ డైట్‌లో హెల్దీ డైట్ చేర్చుకోవాలి. తమకంటూ కొద్ది సమయాన్ని కేటాయించుకోవాలి. ఎందుకంటే 40 ఏళ్లు వచ్చాక మీ శరీరంలో శక్తి అనేది తగ్గుతూ వస్తుంది. త్వరగా నీరసం, అలసట చెందుతూ ఉంటారు. అనేక వ్యాధులు కూడా ఎటాక్ చేస్తాయి.
కాబట్టి పండ్లు తీసుకోవడం మొదలు పెట్టండి. సీజనల్ ఫుడ్స్ ఖచ్చితంగా చేర్చుకోండి. ప్రతి రోజూ ఒక గ్లాస్ పాలు తాగాలి. డ్రై ఫ్రూట్స్ కూడా ప్రతి రోజూ కొద్ది మొత్తంలో తీసుకోవాలి. పెరుగు, జున్ను, నెయ్యి వంటివి కూడా తీసుకోవాలి.
బెర్రీ పండ్లు అనేవి ఎక్కువగా తీసుకుంటే చాలా మంచిది. అలాగే కూరగాయలు, ఆకు కూరలు కూడా యాడ్ చేసుకోవాలి. గింజలు, చేపలు కూడా తింటూ ఉండాలి. మీ కంటూ ఆహారాన్ని ఖచ్చితంగా ప్రిపేర్ చేసుకోవాలి. అప్పుడే మీతో పాటు కుటుంబం కూడా ఆరోగ్యంగా ఉంటుంది.