Health Tips: భోజనం తర్వాత కడుపు ఉబ్బరంతో బాధపడుతున్నారా..? ఇలా చేస్తే చిటికెలో ఉపశమనం..
అనారోగ్యకరమైన ఆహారం కడుపుపైతక్షణ ప్రభావాన్ని చూపుతుంది. చెడు ఆహారం కడుపుని పాడుచేయడంతోపాటు.. జీర్ణక్రియకు హాని కలిగిస్తుంది. ఈ విషయం మనకు తెలిసినప్పటికీ వాటిని నివారించడం చాలా కష్టంగా మారుతుంది.
అనారోగ్యకరమైన ఆహారం కడుపుపైతక్షణ ప్రభావాన్ని చూపడం ప్రారంభిస్తుంది. చెడు ఆహారం కడుపుని పాడుచేయడంతోపాటు.. జీర్ణక్రియకు హాని కలిగిస్తుంది. ఈ విషయం మనకు తెలిసినప్పటికీ వాటిని నివారించడం చాలా కష్టంగా మారుతుంది. కొన్ని ఆహారాలు తినడం వల్ల అసిడిటీ, మలబద్ధకం, అజీర్ణం వంటి సమస్యలు వస్తాయి.
మనం తీసుకునే ఆహారం వల్ల కొన్ని సందర్భాల్లో కడుపు నొప్పి కూడా వస్తుంది. ఇలాంటి పరిస్థితుల్లో కొన్నింటిని తినడం ద్వారా కడుపు ఉబ్బరం, తదితర సమస్యల నుంచి బయటపడొచ్చు. జీర్ణక్రియకు సంబంధించిన సమస్యలను ఎలా నయం చేయాలో ఇప్పుడు తెలుసుకోండి..
పెరుగు వినియోగం: పెరుగు కడుపుకు మేలు చేస్తుంది. పెరుగులో జీర్ణక్రియ లక్షణాలు కనిపిస్తాయి. ఇందులో ఉండే మంచి బ్యాక్టీరియా, పేగులను ఆరోగ్యంగా ఉంచి, జీర్ణక్రియకు సంబంధించిన సమస్యలను దూరం చేస్తుంది. ఉబ్బరం ఉన్నపుడు జీలకర్ర పొడిని పెరుగులో కలిపి తింటే సమస్య తీరిపోతుంది.
సోంపు నీరు: సోపు జీర్ణక్రియకు ప్రయోజనకరంగా ఉంటుంది. అందుకే చాలామంది అన్నం తిన్న తర్వాత సొంపు గింజలను తింటారు. దీని పానీయం చేసుకుని తాగడం వల్ల జీర్ణక్రియకు సంబంధించిన అనేక సమస్యలు దూరమవుతాయి. గ్యాస్, మలబద్ధకం నుంచి ఉపశమనం పొందవచ్చు.
Gastric Problem
మజ్జిగ తాగండి: మజ్జిగ కడుపుకు చల్లదనాన్ని కలిగిస్తుంది. మజ్జిగలో ఉండే ఎంజైమ్‌లు జీర్ణక్రియను మెరుగుపరుస్తాయి. కడుపు ఉబ్బరం, మంట ఉంటే మజ్జిగలో జీలకర్ర, నల్ల ఉప్పు వేసి తాగితే తక్షణ ఉపశమనం లభిస్తుంది.
అల్లం నీరు: అల్లంలో యాంటీ బ్యాక్టీరియల్ గుణాలు ఉన్నాయి. ఇవి జీర్ణవ్యవస్థను బలోపేతం చేయడానికి పని చేస్తాయి. అల్లం తినడం వల్ల కడుపు ఉబ్బరం సమస్య దూరం అవుతుంది. అల్లం నీళ్లలో వేసి మరిగించి తాగడం వల్ల ఆరోగ్యానికి చాలా మేలు జరుగుతుంది.