కిచెన్ మరకల కోసం ఖరీదైన క్లీనర్లు అక్కర్లేదు.. నిమ్మతొక్కతో ఇలా చేస్తే తళతళ మెరిసిపోవాల్సిందే..
మనం రోజూ వంటగదిలో చేసే అతిపెద్ద పొరపాటు ఏమిటో తెలుసా? నిమ్మరసం పిండాక ఆ తొక్కలను పనికిరాని చెత్తలా పారేయడం.. కానీ, మీరు పారేసే ఆ తొక్కల్లో మీ వంటగదిని తలతళలాడించే అద్భుత శక్తి ఉందని మీకు తెలుసా? ఖరీదైన క్లీనర్లు కూడా చేయలేని మ్యాజిక్ ఈ నిమ్మ తొక్కలు ఎలా చేస్తాయో అనే విషయాలు ఈ స్టోరీలో తెలుసుకుందాం..
సాధారణంగా మనం నిమ్మరసాన్ని సలాడ్లలోనో లేదా జ్యూస్ల తయారీకో వాడి, తొక్కలను పనికిరానివిగా భావించి చెత్తబుట్టలో పారేస్తాము. కానీ ఆ తొక్కల్లో ఖరీదైన డిష్వాషింగ్ లిక్విడ్లు, రసాయన క్లీనర్లను సైతం మించిన సహజ శక్తి ఉంటుందని మీకు తెలుసా? పాత్రలపై ఉండే మొండి జిడ్డు మరకలైనా, రంగు మారిన ఇత్తడి, రాగి వస్తువులైనా.. కొద్దిపాటి నిమ్మ తొక్కతో వాటిని కొత్తవాటిలా మెరిపించవచ్చు.
బేకింగ్ సోడా మిశ్రమం: వంట పాత్రలపై తరచుగా జిడ్డు పొర ఏర్పడుతుంటుంది. దీనిని సాధారణ సబ్బుతో తొలగించడం కష్టం. అటువంటప్పుడు నిమ్మకాయ, బేకింగ్ సోడా మిశ్రమం అద్భుతంగా పనిచేస్తుంది. నిమ్మకాయలోని సిట్రిక్ యాసిడ్ జిడ్డును కరిగించగా, బేకింగ్ సోడా మురికిని వదులు చేస్తుంది. ఒక గిన్నెలో బేకింగ్ సోడా తీసుకుని, అందులో కొన్ని చుక్కల నిమ్మరసం పిండండి. ఆ మిశ్రమాన్ని పాత్రలపై పూసి 10 నిమిషాల పాటు వదిలేయండి. ఆపై అదే నిమ్మ తొక్కతో రుద్ది కడిగితే, జిడ్డు వదిలి పాత్రలు తళతళలాడుతాయి.
రాగి, ఇత్తడి వస్తువులకు కొత్త మెరుపు: మీ ఇంట్లోని రాగి పాత్రలు లేదా ఇత్తడి విగ్రహాలు నల్లగా మారాయా? వాటి కోసం ఖరీదైన పాలిష్లు అవసరం లేదు. వాడిన నిమ్మకాయ ముక్కపై కొద్దిగా ఉప్పు చల్లి, నల్లగా మారిన పాత్రలపై బాగా రుద్దండి. నిమ్మలోని పులుపు, ఉప్పు కలిపి చేసే చర్య వల్ల మొండి నలుపు కూడా తొలగిపోయి, అసలు మెరుపు తిరిగి వస్తుంది. ఆపై గోరువెచ్చని నీటితో కడిగి, పొడి గుడ్డతో తుడిస్తే అవి కొత్తవాటిలా కనిపిస్తాయి.
సోకింగ్ పద్ధతితో లోపలి మరకలకు స్వస్తి: ప్రెషర్ కుక్కర్ లోపల లేదా టీపాట్ల అడుగున పడే మరకలను చేత్తో రుద్ది వదిలించడం చాలా కష్టమైన పని. అటువంటప్పుడు సోకింగ్ పద్ధతిని వాడండి. ఒక పాత్రలో నీళ్లు పోసి, అందులో 2-3 నిమ్మ తొక్కలు వేసి 5-10 నిమిషాల పాటు మరిగించండి. వేడి నీటిలో నిమ్మరసం కరిగి మురికిని సులభంగా తొలగిస్తుంది. నీరు మరిగిన తర్వాత బయటకు పోసి, తేలికగా రుద్దితే పాత్ర లోపలి భాగం శుభ్రంగా మారుతుంది.
నేచురల్ స్ప్రే: నిమ్మ తొక్కల ఉపయోగం కేవలం పాత్రలకే పరిమితం కాదు. సింక్ డ్రెయిన్లు, పైపులు, కిచెన్ కౌంటర్టాప్లను శుభ్రం చేయడానికి నిమ్మ, వెనిగర్ స్ప్రేని తయారు చేసుకోవచ్చు. ఒక స్ప్రే బాటిల్లో సమాన పరిమాణంలో వెనిగర్, నీరు తీసుకుని అందులో తరిగిన నిమ్మ తొక్కలను వేయండి. రెండు రోజుల తర్వాత ఈ మిశ్రమాన్ని టైల్స్పై లేదా పైపులపై స్ప్రే చేసి తుడిస్తే మురికి పోవడమే కాకుండా, వంటగది ఆహ్లాదకరమైన సువాసనతో నిండిపోతుంది.