Diabetes: కేవలం 15 రోజులు ఇలా చేస్తే షుగర్ మాయం.. మీ జన్మలో రమ్మన్నా రాదు
షుగర్ వ్యాధి ఒకసారి వస్తే జీవితాంతం తగ్గదని చాలామంది భావిస్తారు. అయితే15 రోజుల ఆహార ప్రణాళికతో షుగర్ స్థాయిలను సమర్థవంతంగా నియంత్రించవచ్చని, సాధారణ స్థితికి తీసుకురావచ్చని నిరూపించబడింది. అనేకమంది ఈ పద్ధతిని పాటించి అనూహ్యమైన ఫలితాలను సాధించారని, తెలుగు రాష్ట్రాలను షుగర్ రహితంగా మార్చే దిశగా కృషి చేస్తున్నారు కొంతమంది నిపుణులు.
ఆధునిక వైద్య విజ్ఞానం ప్రకారం, టైప్ 2 షుగర్ వ్యాధికి ప్రధాన కారణం ప్యాంక్రియాస్ లోపం కాదని, కేవలం 10-15% మాత్రమే. మిగిలిన 85-90% షుగర్కు కారణం శరీరంలో పేరుకుపోయిన అనవసర పదార్థాలు అని, ఇవి కణాలలో పేరుకుపోయి ఇన్సులిన్ రెసిస్టెన్స్కు దారితీస్తాయని తెలిపారు. ఈ ఇన్సులిన్ రెసిస్టెన్స్ను ఆహార నియమాల ద్వారా సరిదిద్దవచ్చని తెలుపుతున్నారు. షుగర్ అనేది భయంకరమైన భూతం కాదని, మన కుటుంబాలకే దానిని మన తెలుగు గడ్డ మీద నుంచి తరిమేయగలిగే సామర్థ్యం ఉందని తెలుపుతున్నారు వైద్యులు.
నీటి చికిత్స: నీటిని సరైన పద్ధతిలో, సరైన సమయంలో తాగడం షుగర్ నియంత్రణలో కీలక పాత్ర పోషిస్తుంది. ఉదయం నిద్రలేవగానే: రెండు గ్లాసుల నీళ్లు , ఒక గంట తర్వాత: మళ్ళీ రెండు గ్లాసుల నీళ్లు, భోజనానికి అరగంట ముందు: రెండు గ్లాసుల నీళ్లు, భోజనం తర్వాత ఒకటిన్నర గంట విరామం తీసుకుని: సాయంత్రం వరకు ప్రతి గంటకు ఒక గ్లాసు నీళ్లు, సాయంత్రం 5:30 గంటలకు: మరొకసారి రెండు గ్లాసుల నీళ్లు. ఈ పద్ధతిలో నీళ్లు తాగడం ద్వారా షుగర్ స్థాయిలను సమర్థవంతంగా నియంత్రించవచ్చని ప్రణాళిక సూచిస్తుంది.
ఉదయం అల్పాహారం: మొలకలు తీసుకోవడం ఉత్తమం. మొలకలు తినడానికి అరగంట ముందు: ఒక గ్లాసు పుదీనా, కొత్తిమీర, తులసి ఆకు జ్యూస్లో అర చెంచా లేదా ఒక చెంచా తేనె, నిమ్మరసం కలిపి తాగాలి. పుదీనా, కొత్తిమీర ఎక్కువగా, తులసి తక్కువగా ఉండాలి. ఇది ప్రకృతి సిద్ధమైన ఔషధం లాంటిదని పేర్కొనబడింది. మొలకలు సాధ్యం కాకపోతే, నూనెలో వేయించని ఇంటి టిఫిన్లు (ఇడ్లీ వంటివి) చేసుకోవచ్చు.
మధ్యాహ్న భోజనం: 50% కూర, 50% అన్నం నిష్పత్తిని పాటించాలి. అంటే, 100 గ్రాముల అన్నం తింటే 100 గ్రాముల కూర తీసుకోవాలి. ఆకుకూరలు లేదా మీకు నచ్చిన కూరగాయలను ఎంపిక చేసుకోవచ్చు. ఉప్పు, కారం, నూనె వినియోగాన్ని ప్రస్తుత వాడకంలో సగానికి తగ్గించాలి. మాంసాహారం, వేపుడు కూరలు, నిల్వ పచ్చళ్లకు దూరంగా ఉండాలి.
సాయంత్రం పానీయం: సాయంత్రం 4:30 గంటలకు: ఒక గ్లాసు మునగాకు, కరివేపాకు జ్యూస్ తాగాలి.
రాత్రి భోజనం: రాత్రిపూట కేవలం పండ్లను మాత్రమే తీసుకోవాలి. జామ, బొప్పాయి, పుచ్చకాయ, కీరదోస, కర్బూజా వంటి నీటి శాతం, పీచు పదార్థం ఎక్కువగా ఉండే పండ్లను ఎంపిక చేసుకోవాలి. షుగర్ ఉన్నవారు పండ్లు తినకూడదనే అపోహను తొలగించి, పొట్ట నిండా పండ్లు తినడం వల్ల షుగర్ తగ్గడమే తప్ప పెరిగే అవకాశం లేదని తెలుపుతున్నారు