Breaking News
  • వెదర్ రిపోర్ట్: తెలంగాణలో ఈరోజు, రేపు అతి భారీ వర్షాలు. ఉత్తర కోస్తా ఒరిస్సా, గ్యాంగేటిక్ పశ్చిమ బెంగాల్ పరిసర ప్రాంతాల్లో కొనసాగుతున్న అల్పపీడనం. దీనికి అనుబంధంగా 7.6 కి.మీ ఎత్తు వరకు కొనసాగుతున్న ఉపరితల ఆవర్తనం. రాగల 24 గంటల్లో ఇది మరింత బలపడే అవకాశం. భారతదేశం మీదుగా 5.8కి.మీ నుంచి 7.6 కి.మీ మధ్య ఏర్పడిన తూర్పు- పశ్చిమ shear జోన్. ఈరోజు అక్కడక్కడ ఉరుములు, మెరుపులతో పాటు తేలికపాటి వర్షాలు. ఈరోజు, రేపు ఆదిలాబాద్, నిర్మల్ ,కొమురం భీం- ఆసిఫాబాద్ ,మంచిర్యాల, నిజామాబాద్ ,జగిత్యాల, రాజన్న సిరిసిల్ల, పెద్దపల్లి, కరీంనగర్ ,జయశంకర్ భూపాలపల్లి ,ములుగు, వరంగల్ పట్టణ, గ్రామీణ, భద్రాద్రి కొత్తగూడెం, ఖమ్మం, నల్గొండ ,సూర్యాపేట జిల్లాలో భారీ అతి భారీ వర్షాలు. -వాతావరణ శాఖ సీనియర్ సైంటిస్ట్ రాజారావు.
  • అమీన్ పూర్ కేసును పర్యవేక్షించాలని ఉమెన్స్ సెక్యూరిటీ వింగ్ అడిషనల్ డీజీ స్వాతి లాక్ర కు డిజిపి అదేశం. కేసు విచారణ కొరకు ప్రత్యేక అధికారిని నియమించాలని ఆదేశం. కేసుకు సంబంధించి ఎప్పటికప్పుడు పర్యవేక్షించాలన్న డీజీపీ మహేందర్ రెడ్డి. కేసు నమోదు అయినప్పటి నుంచి నిందితుల అరెస్ట్ వరకు వివరాలు తేప్పించుకున్న స్వాతి లక్రా. ఉమెన్స్ సెక్యూరిటీ వింగ్ నుంచి ప్రత్యేక అధికారిని నియమించిన స్వాతి లక్రా. నిందితుల అరెస్టు, trails, కేసు విచారణ వరకు ప్రత్యేక దృష్టి పెట్టి నున్న స్వాతి లక్రా.
  • నల్గొండ ఎస్పీ రంగనాథ్ కు డీఐజి గా పదోన్నతి ఇస్తూ ప్రభుత్వం ఉత్తర్వులు . డీఐజి హోదాలో నల్గొండ ఎస్పీ గా పనిచేయనున్న రంగనాథ్.
  • విజయవాడ: ప్రకాశం బ్యారేజి కి భారీగా వరద నీరు. 70 గేట్లు అడుగు మేర ఎత్తివేత. ప్రకాశం బ్యారేజి కి ఇన్ ఫ్లో 70 వేల క్యూసెక్కులు. ఔట్ ఫ్లో 50750 క్యూసెక్కులు.. తాగు సాగు నీరు కోసం 10800 క్యూసెక్కులు ఈస్ట్ కెనాల్, వెస్ట్ కెనాల్ ద్వారా విడుదల. రెండు రోజుకు పాటు వరద ప్రవాహం ఉంటుందని అంటున్న అధికారులు. దిగువ ప్రాంత ప్రజలు అప్రమత్తంగా ఉండాలని సూచన.
  • తిరుపతి: కరోనా తో మృతి చెందిన వ్యక్తి మృతదేహానికి అంత్యక్రియలు చేసిన ఎమ్మెల్యే. గోవిందదామంలో దహనక్రియలు నిర్వహించిన ఎమ్మెల్యే భూమన కరుణాకర్ రెడ్డి, నగరపాలక సంస్థ కమిషనర్ గిరీష. కోవిడ్ వల్ల చనిపోయిన వారికి వైరస్ 6 గంటల పైనే ఉండదని ప్రజలకి అవగాహన కల్పించెందుకు ఇలా అంత్యక్రియలు చేశామన్న ఎమ్మెల్యే. కరోనా వైరస్ తో చనిపోయిన వారు దహన క్రియలకు కుటుంబ సభ్యులు రాకపోవడం చాలా బాధించిందన్న ఎమ్మెల్యే.
  • విజయవాడ రమేష్ ఆసుపత్రికోవిడ్ కేర్ సెంటర్ అగ్నిప్రమాద ఘటనలో ముగిసిన డాక్టర్ మమత విచారణ ఆరుగంటలపాటు పలు ప్రశ్నలపై డాక్టర్ మమతను ప్రశ్నించిన ఏసీపీ సూర్యచంద్రరావు మృతుల బంధువుల ఆరోపణల పై డాక్టర్ మమత నుంచి వివరాలు సేకరించిన పోలీసులు కోవిడ్ కేర్ సెంటర్ లో రమేష్ ఆసుపత్రి వసూలు చేస్తున్న ఫీజులపై వాస్తవాలు రాబట్టే ప్రయత్నం చేసిన పోలీసులు నోటీసులు ఇవ్వటం తో విచారణకు హాజరు అయ్యాను -డాక్టర్ మమత పోలీసులు అడిగిన ప్రశ్నలన్నింటికీ సమాధానం చెప్పాను -డాక్టర్ మమత నన్ను పోలీసులు ఎలాంటి ఇబ్బంది పెట్టలేదు -డాక్టర్ మమత

ప్రాంతీయ భాషలే పట్టుగొమ్మలు

one nation one language no hindi with pressure, ప్రాంతీయ భాషలే పట్టుగొమ్మలు

ఒకే దేశం.. ఒకే భాష… ఈ మాట అమిత్ షా నోటి వెంట వచ్చిన మరుక్షణం కొన్ని రాష్ట్రాల్లో గగ్గోలు మొదలైంది. ముఖ్యంగా దేశాభిమానం కంటే భాషాభిమానమే ఎక్కువగా వుండే తమిళనాడులో పాలక, ప్రతిపక్షాలనే తేడా లేకుండా అమిత్ షా వ్యాఖ్యలపై మండిపడ్డారు. బలవంతంగా హిందీని రుద్దితే సహించేది లేదని ఢంకా బజాయించి మరీ సవాల్ చేశారు. నిజానికి అమిత్ షా మాటలను తరచి చూస్తే హిందీని బలవంతంగా రుద్దే ఉద్దేశమేమీ కనిపించలేదు. నిజానికి ఆమాటల కంటే ముందు ఆయన తమిళ భాషను.. దాని చరిత్రను పొగిడారు కూడా.. కానీ స్టాలిన్, కమల్ హాసన్ లాంటి వారికి హిందీ వ్యాఖ్యలు తప్ప ఇంకేమి వినిపించినట్లు లేదు. దాంతో హిందీ వ్యతిరేక పోరాటానికి సైతం సిద్ధమన్న స్థాయిలో వ్యాఖ్యలు చేశారు స్టాలిన్, కమల్. ఏది ఏమైనా దేశవ్యాప్తంగా ఒకే భాష సాధ్యమా అంటే సాధ్యం కాదనే చెప్పాలి. వేర్వేరు భాషలు, సంస్కృతులు పరిఢవిల్లిన దేశంలో మొత్తం 28 రాష్ట్రాలు, 9 కేంద్ర పాలిత ప్రాంతాల్లో ఒకే అధికారిక భాష అమలు చేయడం అసాధ్యమనే చెప్పాలి.

one nation one language no hindi with pressure, ప్రాంతీయ భాషలే పట్టుగొమ్మలు

 

హిందీ అనుసంధాన భాషగా ఉండాలని, అప్పుడే దేశం సమైక్యంగా ఉండి ప్రపంచంలో ఆ భాషకు గుర్తింపు వస్తుందని హిందీ భాషా దినోత్సవం సందర్భంగా కేంద్ర హోం మంత్రి అమిత్ షా అన్నారు. అంటే భిన్నత్వంలో ఏకత్వం కాకుండా ఏకత్వంతో ఐక్యత గురించి మాట్లాడుతున్నారన్న అభిప్రాయాలు వ్యక్తమయ్యాయి. అమిత్ షా హిందీని బలవంతంగా అమలు చేస్తామని చెప్పలేదు కాని గతానుభవాన్ని బట్టి చూస్తే అలాగే కనిపిస్తోంది. 2019నాటి జాతీయ విద్యా విధానం ముసాయిదా పత్రంలోనూ హిందీని దేశమంతా అమలు చేయడం గురించే మాట్లాడారు. దీనివల్ల ‘ఒకే దేశం, ఒకే భాష‘ అన్న సూత్రాన్ని బిజెపి ప్రభుత్వం అమలు చేయాలనుకుంటోందన్న అభిప్రాయాలు వినిపించడానికి కారణమైంది.

ఇది మన దేశంలో భాషా ప్రాతిపదిక మీదే రాష్ట్రాల పునర్విభజన జరిగిందన్న వాస్తవాన్ని విస్మరించడమే. నిజానికి మన దేశం ‘భిన్న భాషల సమాఖ్య’. ఆ రకంగా తమిళులు కావడానికి భారతీయులు కావడానికి తేడా లేదు. ‘ఒకే దేశం, ఒకే భాష’ అన్న సూత్రం భారత జాతీయతనే మసకబారుస్తోంది. భాషా భేదాలను, ప్రాంతీయ భేదాలను విస్మరిస్తోంది. ఇప్పటి దాకా అనుసరిస్తున్న విధానం ప్రయోజనకరంగా ఉంది. దేశమంతటికీ ఒకే భాషను రుద్దాలన్న ప్రయత్నం ఘర్షణలకు, వైరుధ్యాలకు, చీలికలకు దారి తీస్తుంది.

అసలు భాషే ప్రజాస్వామ్య వ్యవస్థ. అంతర్గతంగా అది బహుళత్వంతో కూడింది. భాషకు ప్రజలు చేసే పనితో, జీవన విధానాలతో సంబంధం ఉంటుంది. ప్రజలు బాగుంటేనే భాష కూడా అభివృద్ధి చెందుతుంది. అంటే ప్రజలకు జీవనోపాధి మార్గాలు సవ్యంగా ఉంటేనే భాష పరిఢవిల్లుతుంది. 2010లో నిర్వహించిన ప్రజా భాషల సర్వే ప్రకారం మన దేశంలో 780 సజీవ భాషలున్నాయి. కానీ ఆ తరవాత దశాబ్ద కాలంలో 220 భాషలు అంతరించాయి. వలసలు, నిర్వాసితులు కావడంవల్ల ఈ భాషలు అంతరించాయి. భాషల్లో వైవిధ్యాన్ని ఆహ్వానించాలి, మన్నించాలి. అనేక భాషలు అంతరించినందుకు విచారించాలి.

వలసలు ఉన్నప్పుడు భాషా సంబంధమైన ఏ సమస్యనైనా పరిష్కరించడానికి కావాల్సింది భాషల విషయంలో సజాతీయత కాదు. సహజీవనం అవసరం. బహు భాషలు మాట్లాడే నగరాల్లో ఒకే భాషను, ఆధిపత్యం చెలాయించే భాషను రుద్దడంవల్ల, రాజ్య విధానాలు, ప్రభుత్వ విధానాలు దానికి అనుగుణంగా ఉన్నందువల్ల వివిధ భాషా సంస్కృతుల గురించి తెలుసుకోవడానికి అవకాశం లేకుండా పోతుంది. దీనివల్ల నిరసన వ్యక్తం అవుతుంది. ఒకరి భాషకు, ప్రాంతీయ భాషలకు మధ్య సంబంధం ఎందుకు ఉండకూడదు? భాషల అభివృద్ధి సంస్కృతుల మధ్య పరస్పర సహకారంతో సాధ్యం అవుతుందా లేక ఒక భాషను బలవంతంగా రుద్దడంవల్ల సాధ్యం అవుతుందా? భిన్న భాషల మధ్య సహజీవనం, భిన్న సంస్కృతులు, ప్రాపంచిక దృక్పథాల మధ్య సంబంధాలు, సమన్వయం అవసరం.

ఎక్కువ మంది హిందీ మాట్లాడతారు కనక అది అనుసంధాన భాషగా ఉపకరిస్తుందన్న వాదనలున్నాయి. దక్షిణాది భాషలు మాట్లాడే వారు తమ భాషలు ప్రాచీనమైనవని, సుసంపన్నమైనవని భావిస్తారు. అలాంటప్పుడు హిందీ విశాల భారతావనికి మధ్య అనుసంధానం సాధించగలుగుతుందా? హిందీని రుద్దడం కాకుండా అది స్వతస్సిద్ధంగా ఎదగడానికి కృషి చేయవలసిన అవసరం ఏర్పడుతుంది. ప్రభుత్వ భాష ఎన్నటికీ ప్రజా భాష కాజాలదు. ఒక భాషను రుద్దడం అంటే సోదర భాషలను అంతమొందించడమే. అది ఉర్దూ కావచ్చు లేదా అత్యంత వేగంగా పెంపొందుతున్న భోజ్ పురి లాంటి కొన్ని మాండలికాలూ కావచ్చు. లేదా అంతరిస్తున్న కుమావూని భాషా కావచ్చు. హిందీ మాట్లాడే ప్రాంతాల్లో ఆ భాషను వదిలేసి ఇంగ్లీషు మాట్లాడే వారిలాగా మారాలనుకుంటున్నారు. చాలా మందికి హిందీ మాట్లాడే వాళ్లం అనిపించుకోవడం భారంగా తయారవుతోంది. ఇలాంటి వారిలో ఆత్మ న్యూనతా భావం కూడా కొట్టొచ్చినట్టు కనిపిస్తోంది.

అనేకమంది యువకులు తాము ఎదిగే దశలో ఇలాంటి వ్యధనే అనుభవిస్తున్నారు. తాము జీవితంలో ఎదగాలంటే ఇంగ్లీషు మీద పట్టు సంపాదించాలనుకుంటున్నారు. అందువల్లే హిందీ మాట్లాడే వారికి కూడా ఆ భాష మీద గౌరవం సన్నగిల్లుతోంది. వాళ్లు ఇంట్లో కూడా ఇంగ్లీషు మాట్లాడడానికే ప్రాధాన్యత ఇస్తున్నారు. ఒక భాషను ఉద్ధరించడానికి చేసే ప్రయత్నం మరో భాషను రుద్దడానికి దారి తీస్తుందా?

మరో వైపున జీవితానికి ఉపకరించే భాష, నేర్చుకునే భాష మధ్య అంతరాలను రూపుమాపాలన్న ప్రయత్నమూ కనిపిస్తోంది. స్థానిక భాషల్లో తగిన బోధనా సౌలభ్యాలు ఉన్నాయా? స్థానిక భాషల్లో జ్ఞానం అందుబాటులో ఉందా? పండితులు, సాహితీ వేత్తలు స్థానిక భాషల్లో రాయడం వల్ల ప్రయోజనం ఉంటుందనుకుంటున్నారా? సామాజిక, ఆర్థిక అంతరాలను అధిగమించి ప్రజలలో చైతన్యం కలిగించే శక్తి స్థానిక భాషలకు ఉందా అన్నది ఆలోచించదగిన అంశం. కావాల్సింది అనుసంధాన భాషగా ఒక భాషను రుద్దడం కాదు. ప్రజల మధ్య సమన్వయం సాధించే భాషను పెంపొందించాలి. ఒకే భాష కాకుండా బహుళ భాషలే భారతీయతకు గుర్తింపు. అందుకే ప్రాంతీయ భాషలే దేశానికి ఆయువు పట్టు అని గుర్తించాలి.

Related Tags