Viral News: ఈ గ్రామంలో దశాబ్దం పాటు కేవలం అమ్మాయిలు మాత్రమే పుట్టారు.. విచిత్రమైన స్టోరీ..

Only Girls Village

ఈ ప్రపంచం వింత విషయాలతో నిండి ఉంది. కొన్ని సంఘటనలు, విషయాల గురించి చెబితే కనీసం నమ్మాలని కూడా అనిపించదు. ఇప్పుడు అటువంటి ఆసక్తికర విషయాన్నే మీ ముందుకు తీసుకొచ్చాం. అమ్మాయిలు మాత్రమే పుట్టే గ్రామం గురించి మీరు ఎప్పుడైనా విన్నారా ?. ఏంటీ సిల్లీ క్వచ్చన్ అని నిట్టూర్పులు వద్దు. ఎందుకంటే అటువంటి గ్రామం నిజంగానే ఉంది. అక్కడ బాలికలు మాత్రమే జన్మించారు.. జన్మిస్తున్నారు. అబ్బాయికి జన్మనిచ్చే దంపతులకు బహుమతి ఇస్తామని ఇక్కడి మేయర్ ప్రకటించారంటే పరిస్థితి ఎలా ఉందో మీరు అర్థం చేసుకోవచ్చు. భలే ఉందే… ఇంతకీ ఈ వింత గ్రామం ఎక్కడుందా అని ఆలోచిస్తున్నారు కదా.. అక్కడికే వస్తున్నాం.

పోలాండ్, చెక్ రిపబ్లిక్ సరిహద్దులో ఉన్న ఈ గ్రామం పేరు మిజ్స్కే ఓడ్రేజ్ స్కీ.  ఈ విలేజ్‌కు ఒక స్పెషాలిటీ ఉంది. ఈ గ్రామంలో ఆడపిల్లలు మాత్రమే పుడతారట. సుమారు 10 సంవత్సరాల క్రితం ఈ గ్రామంలో ఒక అబ్బాయి జన్మించాడు. అయితే, అతని కుటుంబం మొత్తం గ్రామాన్ని విడిచిపెట్టి వెళ్లిపోయింది. ఈ గ్రామ జనాభా సుమారు 300గా చెబుతారు. ఇందులో మగవారి సంఖ్య చాలా తక్కువ. ప్రతి కుటుంబంలో ఇక్కడ అమ్మాయిలు మాత్రమే ఉన్నారు. అబ్బాయిల పుట్టుక చాలా అరుదు. అందువల్ల, కొడుకు పుట్టబోయే ఇంటికి బహుమతి ఇస్తామని మేయర్ ప్రకటించారు. అయితే ఎట్టకేలకు గత ఏడాది ఈ గ్రామంలో ఓ బాబు జన్మించడంతో వారి ఆనందాలు అంబరాన్ని అంటాయి. ఆ బిడ్డకు జన్మనిచ్చిన దంపతులను అక్కడ సెలబ్రిటీలుగా ట్రీట్ చేస్తున్నారు.

అంతుచిక్కని మిస్టరీ..

ఈ గ్రామంలోని పరిస్థితి ఇప్పటికీ చర్చనీయాంశంగానే ఉంది . అందరి మనసులో ఉన్న ఏకైక ప్రశ్న ఏమిటంటే ఈ గ్రామంలో అమ్మాయిలు మాత్రమే ఎందుకు పుడుతున్నారు అని. ఈ రహస్యాన్ని పరిష్కరించడానికి చాలా ప్రయత్నాలు జరిగాయని చెబుతున్నారు. అయితే, ఈ రోజు వరకు దీని వెనక మిస్టరీని మాత్రం కనుగొనలేకపోయారు. దీనిపై పరిశోధనలు నిరంతరం జరుగుతున్నాయి.

Also Read: చూడ చక్కని రూపాలు ఇప్పుడు ఫోటోలకే పరిమితం.. అక్కా తమ్ముడ్ని మింగేసిన లారీ.. ఆ తల్లి బాధ వర్ణణాతీతం

పెరట్లో పేడ దిబ్బ తొలగిస్తుంటే… చేతికి అస్థిపంజరం తగిలింది.. ఆరా తీయగా షాకింగ్ ట్విస్ట్