ఆర్మీ అమ్ములపొదలో మరో ఫైటర్ జెట్..!

భారత్ వాయుసేన మరింత బలోపేతం కానుంది. మేడ్ ఇన్ ఇండియా టెక్నాలజీతో ఫైటర్ జెట్ రెడీ అవుతోంది. ప్రొటోటైప్ ‘తేజస్ ఎన్’ యుద్ధవిమానం.. ఇప్పటికే కొన్ని టెస్టులు పూర్తి చేసుకుంది. నేవీ ఎయిర్​క్రాఫ్ట్ క్యారియర్ ‘ఐఎన్ఎస్ విక్రమాదిత్య’పై జరిపిన ట్రయల్ ల్యాండింగ్స్ సక్సెస్ అయ్యాయి. స్వదేశీ పరిజ్జానంతో రూపొందిన ‘తేజస్ ఎన్’.. వచ్చే ఆరేళ్లలో ఎయిర్​ఫోర్స్​లోకి చేరనుంది. రెండు ఇంజిన్లతో కూడిన ఈ ఫైటర్ జెట్​ను డెవలప్ చేసేందుకు ఎయిరోనాటికల్ డెవలప్​మెంట్ ఏజెన్సీ (ఏడీఏ) ఇప్పటికే అనుమతి ఇచ్చింది. తేజస్ ఫైటర్​ప్రిన్సిపల్ డిజైనర్ కూడా ఏడీఏనే. రక్షణ మంత్రి రాజ్​నాథ్ సింగ్​తో గతనెల చివరిలో జరిగిన సమావేశంలో ఏడీఏ ఈ మేరకు ‘తేజస్​ఎన్’​పై చర్చించింది. ఈ మీటింగ్ తర్వాతే కొత్త ఫైటర్ విమానం తయారీకి సంబంధించిన ఆపరేషనల్ రిక్వైర్​మెంట్స్ ను రక్షణ శాఖ ఇంటిగ్రేటెడ్ హెడ్ క్వార్టర్స్ జారీ చేసింది. ఈ ప్రొటోటైప్ ఫైటర్ జెట్​ను ఐఎన్ఎస్ విక్రమాదిత్య, ఐఎన్ఎస్ విక్రాంత్ లపై మోహరించేందుకు రూపొందించారు. వచ్చే ఆరేళ్లలో దీన్ని పూర్తిగా అందుబాటులోకి తీసుకురావడానికి రక్షణ శాఖ ఫ్లాన్ చేసింది. తేజస్ ఎన్ ప్రోటోటైప్ డిజైన్​ను పూర్తిగా స్వదేశీ పరిజ్జానంతో తయారు చేశారు. రెండు ఇంజన్లతో కూడిన జెట్ ను గోవా తీరంలోని ఐఎన్ఎస్ విక్రమాదిత్యపై ప్రయోగాత్మకంగా పదర్శన నిర్వహించారు. అరెస్టెడ్ ల్యాండింగ్స్, టేకాఫ్స్​ను సక్సెస్​ఫుల్​గా పూర్తి చేసుకుంది. రెండు ప్రోటోటైప్ జెట్లు ఈ మేరకు సిద్ధమయ్యాయి. ఐఏఎఫ్ అడ్వాన్స్‌‌‌‌డ్ మీడియం కంబాట్ ఎయిర్‌‌‌‌క్రాఫ్ట్ కోసం అభివృద్ధి చేస్తున్న టెక్నాలజీలను ఈ కొత్త జెట్ లో ఏర్పాటు చేయొచ్చని ఈ ప్రోగ్రామ్​లో పాల్గొన్న ఎక్స్​పర్టులు చెబుతున్నారు. కొత్త జెట్లు అందుబాటులోకి వస్తే.. మన ఎయిర్ కెపాసిటీ పెరుగుతుందంటున్న రక్షణ శాఖ నిపుణులు.

This is how the developmental LCA (N) MK1 made the Maiden Arrested Landing on board the #AircraftCarrier #INSVikramaditya today. pic.twitter.com/Kfbj9aF1Rz

— SpokespersonNavy (@indiannavy) January 11, 2020