Watch Video: బిల్డింగ్‌ పైనుంచి దూకిన యువతి.. ఆ తర్వాత ఏం జరిగిందంటే! వీడియో
ఓ యువతి ఉన్నట్టుండి పెద్ద భవనంపై నుంచి కింద పడిపోయింది. అయితే ఆమె నేరుగా కింద పడిపోకుండా దాని కింద ఉన్న టెర్రస్ పై పడిపోయింది. తీవ్రగాయాల పాలైన యువతి కదలలేని స్థితిలో పడి ఉండటంతో చుట్టు పక్కల వారు గమనించి..
భోపాల్‌, అక్టోబర్ 17: ఒక యువతి బిల్డింగ్‌ పైనుంచి అమాంతం కిందకి దూకేసింది. అయితే ఆమె నేరుగా కింద పడిపోకుండా కింద ఉన్న టెర్రస్‌పై పడిపోయింది. వెంటనే గమనించిన స్థానికులు ఆ యువతిని అక్కడ నుంచి కిందకు దించి కాపాడారు. ఈ ఘటనలో తీవ్రంగా గాయపడిన యువతిని వెంటనే హాస్పిటల్‌కు తరలించారు. ఇందుకు సంబంధించిన వీడియో క్లిప్ ఒకటి సోషల్‌ మీడియాలో వైరల్‌గా మారింది. ఈ షాకింగ్‌ ఘటన మధ్యప్రదేశ్‌లోని ఇండోర్‌లో గురువారం చోటు చేసుకుంది. వివరాల్లోకెళ్తే..
మధ్యప్రదేశ్‌లోని ఇండోర్‌లో విజయ్ నగర్ ప్రాంతంలో గోల్డెన్ గేట్ సమీపంలో ఓ యువతి ఆత్మహత్య చేసుకోవాలనుకుంది. అంతే బహుళ అంతస్తులున్న ఓ బిల్డింగ్‌ పైనుంచి అమాంతం కిందకి దూకేసింది. అయితే ఆమె ఆ భవనం కింద ఉన్న పైకప్పు టెర్రస్‌పై ఆమె పడింది. పెద్ద శబ్దం రావడంతో ఏం జరిగిందోనని స్థానికులు పెద్ద ఎత్తున గుమి కూడారు. యువతి భవనంపై నుంచి దూకిన తర్వాత కింది అంతస్తు పైకప్పుపై పడిపోయింది. స్థానికులు అతి కష్టం మీద అక్కడికి చేరుకుని, జాగ్రత్తగా కిందకు దించారు. టెర్రస్ పడిపోయిన తర్వాత యువతి కదలలేని స్థితిలో ఉండటం గమనించిన స్థానికులు చేతులతో పైకెత్తి కిందికి దించారు. అనంతరం సమీపంలోని ఆసుపత్రికి తరలించారు. యువతి ఎవరనేది ఇంకా తెలియరాలేదు.
ఆ యువతి ఆత్మహత్య చేసుకోవడం కోసం బిల్డింగ్‌ పైనుంచి దూకిందా లేదా ప్రమాదవశాత్తు అక్కడి నుంచి పడిపోయిందా అనే విషయం ఇంకా నిర్ధారణ కాలేదు. ఈ విషయం తెలుసుకున్న పోలీసులు సంఘటనా స్థలానికి చేరుకుని ఈ సంఘటనపై ఆరా తీయడం ప్రారంభించారు. స్థానికులు ఆ యువతిని రక్షించిన వీడియో క్లిప్ ప్రస్తుతం సోషల్‌ మీడియాలో వైరల్‌గా మారింది.
మరిన్ని జాతీయ వార్తల కోసం క్లిక్ చేయండి.