Presidential Election 2022 Results Highlights: భారతదేశ చరిత్రలో సంచలనం.. రాష్ట్రపతిగా తొలి ఆదివాసి మహిళ

జూలై 25న రాష్ట్రపతిగా ద్రౌపది ముర్ము ప్రమాణ స్వీకారం చేయనున్నారు. అస్సాంకు చెందిన 22 మంది, బీహార్‌కు చెందిన 6 మంది ఎమ్మెల్యేలు క్రాస్ ఓటింగ్ చేశారు. మధ్యప్రదేశ్‌లో 16 మంది ఎమ్మెల్యేలు క్రాస్ ఓటింగ్ చేశారు.

ద్రౌపది ముర్ము గెలుపుపై కేంద్ర హోంమంత్రి అమిత్ షా ట్వీట్ చేశారు. అతి సామాన్య గిరిజన కుటుంబానికి చెందిన ఎన్‌డిఎ అభ్యర్థి శ్రీమతి ద్రౌపది ముర్ము జీ ఎన్నిక కావడం యావత్ దేశానికి గర్వకారణం, నేను ఆమెను అభినందిస్తున్నాను అని అన్నారు.

2022 రాష్ట్రపతి ఎన్నికల్లో ద్రౌపది ముర్ము విజయం సాధించడంపై విపక్షాల అభ్యర్థి యశ్వంత్‌ సిన్హా ముర్ముకు శుభాకాంక్షలు తెలిపారు. మూడు రౌండ్లలో ద్రౌపది ముర్ముకు భారీ ఆధిక్యం లభించింది.

15వ రాష్ట్రపతిగా ద్రౌపది ముర్ము ఎన్నికయ్యారు. ఓట్ల లెక్కింపులో ముర్ము అఖండ విజయం సాధించారు. దీంతో ప్రధాని నరేంద్ర మోడీ, జేపీ నడ్డా ద్రౌపది ముర్ము ఇంటికి వెళ్లి శుభాకాంక్షలు తెలిపారు. తూర్పు భారతదేశంలో మారుమూల ప్రాంతంలో జన్మించిన గిరిజన సామాజిక వర్గానికి చెందిన మహిళ ఎన్నికైందని ఈ సందర్భంగా మోడీ అభినందించారు.

రాష్ట్రపతి ఎన్నికల్లో ఎన్డీయే అభ్యర్థి ద్రౌపది ముర్ము విజయం సాధించారు. విపక్షాల అభ్యర్థి యశ్వంత్‌ సిన్హాపై ముర్ము అఖండ విజయం సాధించారు. అయితే ప్రధాని నరేంద్ర మోడీ కొద్దిసేపట్లో ముర్ము ఇంటికి వెళ్లి శుభాకాంక్షలు తెలుపనున్నారు.

ద్రౌపది ముర్ము దేశానికి 15వ రాష్ట్రపతి కానున్నారు. ముర్ము క్రాస్ ఓటింగ్ ద్వారా ఇప్పటివరకు 104 మంది ఎమ్మెల్యేలు, 17 మంది ఎంపీల మద్దతు పొందారు. ఇప్పటి వరకు 16 రాష్ట్రాల్లో 104 మంది ఎమ్మెల్యేలు క్రాస్ ఓటింగ్ ద్వారా ద్రౌపది ముర్ముకు ఓటు వేశారు.

15వ రాష్ట్రపతి అభ్యర్థిగా ద్రౌపది ముర్ము ఘన విజయం సాధించారు. మొదటి గిరిజన రాష్ట్రపతిగా ముర్ము చరిత్ర సృష్టించారు. 3 రౌండ్లలోనూ ద్రౌపది భారీ ఆధిక్యం లభించింది. ముర్ముకు 2,161 ఓట్లు, యశ్వంత్‌ సిన్హాకు 1,058 ఓట్లు వచ్చాయి.

ఢిల్లీలో రాష్ట్రపతి ఎన్నికల ఓట్ల లెక్కింపు ముగిసింది. ఇందులో ఎన్డీయే అభ్యర్థి ద్రౌపది ముర్ము విజయం సాధించారు. కాగా, విపక్షాల అభ్యర్థిగా యశ్వంత్‌ సిన్హా ఓటమి చెందారు. ఎప్పుడెప్పుడా అని ఎదురు చూసిన రాష్ట్రపతి ఫలితాలు వచ్చేశాయి.

ఈ ఓట్ల లెక్కింపులో ద్రౌపది ముర్ముకు ఓట్లు రాగా, యశ్వంత్‌ సిన్హాకు ఓట్లు వచ్చాయి. మొదటి రౌండ్‌ నుంచి ద్రౌపది ముర్ము ఆధిక్యంలో ఉండగా, యశ్వంత్‌ సిన్హా వెనుకంజలో ఉంటూ వచ్చారు.

రెండో రౌండ్ కౌంటింగ్ ముగిసిన తర్వాత ఇప్పటివరకు 10 రాష్ట్రాల్లో ఎంపీలు, ఎమ్మెల్యేలందరూ పోల్ చేసిన మొత్తం ఓట్లలో 72 శాతం ఓట్లతో ఎన్డీయే అభ్యర్థి ద్రౌపది ముర్ము ఆధిక్యంలో ఉన్నారు.ఇప్పుడు మూడో రౌండ్ ఓట్ల లెక్కింపు కూడా పూర్తయింది. ఫలితాలు త్వరలో వెల్లడికానున్నాయి.

రాష్ట్రపతి ఎన్నికల కౌంటింగ్‌లో ఎన్డీయే అభ్యర్థి ద్రౌపది ముర్ము విపక్షాల అభ్యర్థి యశ్వంత్ సిన్హాపై ఆధిక్యంలో ఉన్నారు. మూడో రౌండ్‌ కౌంటింగ్‌ కొనసాగుతోంది. మరోవైపు బీజేపీ ప్రధాన కార్యాలయంలో వేడుకలకు సన్నాహాలు ప్రారంభమయ్యాయి. పెద్ద సంఖ్యలో జనం అక్కడ గుమిగూడారు.

రాష్ట్రపతి ఎన్నికల ఓట్ల లెక్కింపు కొనసాగుతోంది. ఇప్పటి వరకు 10 రాష్ట్రాలకు చెందిన ఓట్లను లెక్కింపు జరిగింది. ఏపీ, అరుణాచల్‌ ప్రదేశ్‌, అసోం, బీహార్‌, గుజరాత్‌, హర్యానా, హిమాచల్‌ ప్రదేశ్‌, జార్ఖండ్‌, ఛత్తీస్‌గఢ్‌, గోవా రాష్ట్రాల ఎన్నికల ఓట్ల లెక్కింపు పూర్తయ్యింది. ఫలితాలు రాత్రి వరకు వచ్చే అవకాశం ఉంది

రాష్ట్రపతి ఎన్నికల ఓట్ల లెక్కింపులో ఎన్డీయే అభ్యర్థి ద్రౌపది ముర్ము విజయం దాదాపు ఖరారు కావడంతో తెలంగాణలో సంబరాలు జోరందుకున్నాయి. ప్రధాని మోదీ, అభ్యర్థి ద్రౌపది ముర్మూ ప్లకార్డులు పట్టుకుని జై బీజేపీ, జై తెలంగాణ, జై బండి సంజయ్ అంటూ నినాదాలు చేస్తున్న బీజేపీ కార్యకర్తలు. ఈ సంబరాల్లో బండి సంజయ్ కుమార్ కూడా పాల్గొన్నారు.

రాష్ట్రపతి ఎన్నికల్లో ఎన్డీఏ అభ్యర్థి ద్రౌపది ముర్మూ విజయం దాదాపుగా ఖరారవడంతో బీజేపీలో సంబరాలు మిన్నంటాయి. వేములవాడ రాజన్న ఆలయం ఎదుట బాణసంచా పేలుస్తూ డ్యాన్సులు చేస్తూ సంబురాలు చేసుకుంటున్న బీజేపీ కార్యకర్తలు.

రాష్ట్రపతి ఎన్నికల ఓట్ల లెక్కింపు కొనసాగుతోంది. మొదటి నుంచి ఎన్డీయే అభ్యర్థి ద్రౌపది ముర్ము విపక్షాల అభ్యర్థి యశ్వంత్‌ సిన్హాపై ముందంజలో ఉన్నారు. ఫలితాలు రాత్రి 8 గంటల వరకు వచ్చే అవకాశం కనిపిస్తోంది.

రాష్ట్రపతి ఎన్నికల ఓట్ల లెక్కింపు కొనసాగుతోంది. ఎన్డీయే అభ్యర్థి ద్రౌపది ముర్ము విజయం ఖాయమంటూ విజయవాడలో బీజేపీ నేతలు సంబరాలు చేసుకుంటున్నారు. తీన్మార్ డెన్సులతో ఉత్సాహంగా రాష్ట్ర కార్యాలయంలో చిందులేస్తున్నారు బీజేపీ కార్యకర్తలు

హైదరాబాద్‌: నాంపల్లిలో బీజేపీ రాష్ట్ర కార్యాలయం వద్ద సంబరాలు కొనసాగుతున్నాయి. ద్రౌపది ముర్ము గెలుపు దిశగా వెళ్తుండగా, బీజేపీ శ్రేణులు సంబరాలు చేసుకుంటున్నారు. టపాసులు కాలుస్తూ డప్పు, వాయిద్ఆయలతో బీజేపీ నాయకుల సందడి నెలకొంది.

రాష్ట్రపతి ఎన్నికల్లో క్రాస్ ఓటింగ్‌ జరిగిందని బీజేపీ ఎంపీ డా.లక్ష్మణ్‌ అన్నారు. ద్రౌపది ముర్ముకు కాంగ్రెస్‌ నేతలు ఓటు వేశారని అన్నారు. క్రాస్‌ ఓటింగ్‌లో బీజేపీ ఒత్తిడి లేదని స్పష్టం చేశారు. రాష్ట్రపతిగా ద్రౌపది ముర్ము ఎన్నిక చరిత్రాత్మకం.

రాష్ట్రపతి ఎన్నికల ఓటింగ్‌ కొనసాగుతోంది. రెండో రౌండ్‌లోనూ ద్రౌపది ముర్ము ఆధిక్యంలో ఉన్నారు. రెండో రౌండ్‌ ముగిసే సరికి ముర్ముకు 1,349 ఓట్లు రాగా, విపక్షాల అభ్యర్థి యశ్వంత్‌ సిన్హాకు 537 ఓట్లు వచ్చాయి. ద్రౌపది ముర్ముకు పోలైన ఎంపీల ఓట్ల విలువ 4,83,299 కాగా, యశ్వంత్‌కు పోలైన ఎంపీల ఓట్ల విలువ 1,79,279.

ఢిల్లీలో రాష్ట్రపతి ఎన్నికల ఓట్ల లెక్కింపు కొనసాగుతోంది. మొదటి రౌండ్‌లో ద్రౌపది ముర్ము ఆధిక్యంలో ఉండగా, రెండో రౌండ్‌లోనే ముందంజలో ఉన్నారు.

నేడు దేశంలో కొత్త చరిత్ర సృష్టిస్తామని కేంద్ర మంత్రి ధర్మేంద్ర ప్రధాన్ అన్నారు. దేశానికి తదుపరి రాష్ట్రపతిని త్వరలో ప్రకటించనున్నారు. ఒక గిరిజన కుటుంబానికి చెందిన ద్రౌపది ముర్ము దేశ తదుపరి రాష్ట్రపతిగా ఎన్నికవుతారని మంత్రి అన్నారు. నేడు కొత్త చరిత్ర సృష్టించబడుతుందని ఒక గిరిజన ఇంటి కుమార్తె దేశానికి తదుపరి రాష్ట్రపతిగా ఎన్నుకోబడుతుండటం గర్వంగా ఉందన్నారు మంత్రి ధర్మేంద్ర ప్రధాన్

కొత్త అధ్యక్షుడిని ఎప్పుడైనా ప్రకటించవచ్చు . ఎంపీల తర్వాత ఎమ్మెల్యేల ఓట్ల లెక్కింపు కొనసాగుతోంది. రాష్ట్రపతి ఎన్నికల ఫలితాలు ఎప్పుడైనా రావచ్చు. విపక్షాల అభ్యర్థి యశ్వంత్ సిన్హాపై ద్రౌపది ముర్ము గణనీయమైన ఆధిక్యం సాధిస్తోంది.

ఒకటి నుండి ఒకటిన్నర గంటల్లో ఫలితం రావచ్చు రాష్ట్రపతి ఎన్నికకు సంబంధించి ఎమ్మెల్యేల ఓట్ల లెక్కింపు కొనసాగుతోంది. ద్రౌపది ముర్ము గ్రామంలో సంబరాల వాతావరణం నెలకొంది.

ఢిల్లీలో రాష్ట్రపతి ఎన్నికల ఓట్ల లెక్కింపు కొనసాగుతోంది. మొదటి రౌండ్‌లో ఎంపీల ఓట్ల లెక్కింపు ముగిశాయి. అయితే ఈ మొదటి రౌండ్‌లో ఎన్డీయే అభ్యర్థి ద్రౌపది ముర్ము ఆధిక్యంలో ఉన్నారు. ఇక ముర్ము విజయం ఖాయమని సంబరాలు చేసుకుంటున్నారు. ఫలితాలు రాకముందే ఆమె సొంత రాష్ట్రంలో వేడుకలు జరుపుకొంటున్నారు. జానపద కళాకారులతో కలిసి కేంద్ర మంత్రి ధర్మేంద్ర ప్రధాన్ గిరిజన నృత్యం చేశారు.

ప్రస్తుతం రాష్ట్రపతి వీడ్కోలు కార్యక్రమం రేపు ఢిల్లీలో జరగనుంది. ప్రధానమంత్రి ఆతిథ్యం ఇవ్వనున్నారు. రేపు సాయంత్రం 5:30 గంటలకు ఢిల్లీలోని హోటల్ అశోక్‌లో పదవీవిరమణ చేస్తున్న రాష్ట్రపతి రామ్‌నాథ్ కోవింద్‌కు ప్రధాని నరేంద్ర మోదీ వీడ్కోలు, విందును ఏర్పాటు చేస్తున్నారు.

ప్రస్తుత రాష్ట్రపతి రామ్‌నాథ్‌ కోవింద్‌ ఈనెల 24తో తన పదవీ కాలం ముగియనుంది. దీంతో రాష్ట్రపతి వీడ్కోలు కార్యక్రమంలో పాల్గొనేందుకు సీఎం యోగి ఆదిత్యనాథ్ రేపు ఢిల్లీకి వెళ్లనున్నారు. అలాగే యూపీ ఉప ముఖ్యమంత్రులిద్దరు రాష్ట్రపతి వీడ్కోలు సభకు హాజరు కానున్నారు. జూలై 25న కొత్త రాష్ట్రపతి ప్రమాణ స్వీకారానికి హాజరు కానున్నారు.

రాష్ట్రపతి ఎన్నికల కౌంటింగ్‌ కొనసాగుతోంది. మొదటి రౌండ్‌లో ద్రౌపది ముర్ము ఆధిక్యంలో ఉన్నారు. ముర్ము ఓట్ల విలువ 3,78,000, యశ్వంత్‌ సిన్హాకు ఓట్ల విలువ 1,45,600. మొత్తం 4809 ఓట్లలో 776 మంది ఎంపీలు, 4033 మంది ఎమ్మెల్యేలు ఉన్నారు. ఇందులో ముర్ముకు 540 ఎంపీ ఓట్లు రాగా, సిన్హాకు 208 ఎంపీ ఓట్లు పడ్డాయి. చెల్లని ఎంపీ ఓట్లు 15 ఉన్నట్లు అధికారులు తేల్చారు.

ఒడిశా: ఢిల్లీలో రాష్ట్రపతి ఎన్నికల ఓట్ల లెక్కింపు కొనసాగుతోంది. పహాద్‌పూర్‌లోని ఎన్‌ఎల్‌ఎస్‌ మెమోరియల్‌ రెసిడెన్షియల్‌ స్కూల్‌లో వేడుకలు జరుగుతున్నాయి. ఎన్డీయే అభ్యర్థి ద్రౌపది ముర్ము గెలుపు ఖాయమని, ఫలితాలు రాకముందే అక్కడి ప్రజలు, విద్యార్థులు సంబరాలు చేసుకుంటున్నారు.

ద్రౌపది ముర్మును రాష్ట్రపతి అభ్యర్థిగా ఎంపిక చేసినప్పుడే చాలా సంతోషించామని ముర్ము సోదరుడు వ్యాఖ్యానించారు. మా కుటుంబ సభ్యులమంతా హ్యాపీగా ఉన్నాము. గ్రామస్తులు కూడా సంతోషంగా ఉన్నారు. ముర్ము పోరాట పటిమ ఉన్న నాయకురాలు అని అన్నారు.

ప్రస్తుత రాష్ట్రపతి రామ్‌నాథ్‌ కోవింద్‌ పదవీ కాలం ఈనెల 24తో ముగియనుంది. కొత్త రాష్ట్రపతి ఈనెల 25న ప్రమాణ స్వీకారం చేయనున్నారు. ఎన్డీయే అభ్యర్థిగా గిరిజన మహిళ ద్రౌపది ముర్ము, విపక్షాల అభ్యర్థిగా యశ్వంత్‌ సిన్హాలు పోటీలో ఉన్నారు. వీరిలో ద్రౌపది ముర్ము విజయం ఖాయమని రాజకీయ విశ్లేషకులు తేల్చి చెబుతున్నారు. ఇప్పుడు మొదటి రౌండ్‌ ముగిసింది.

రాష్ట్రపతి ఎన్నికల ఓట్ల లెక్కింపు కొనసాగుతోంది. మొదటి రౌండ్‌ ఫలితాలు విడుదలయ్యాయి. ఈ రౌండ్‌లో ద్రౌపది ముర్ము ఆధిక్యంలో ఉన్నారు. ముర్ముకు 510, యశ్వంత్‌ సిన్హాకు 208 ఓట్లు వచ్చాయి. చెల్లనివి 15 ఓట్లు ఉన్నాయి.

ద్రౌపది ముర్ము గ్రామంలో ప్రజలు సంతోషం వ్యక్తం చేస్తున్నారు. గెలుపు ప్రకటన రాకముందే ఊరంతా సంబరాల్లో మునిగిపోయింది. బాలికలు, పాఠశాల విద్యార్థినులు నృత్యాలు, పాటలతో సంబరాలు చేసుకుంటున్నారు. గ్రామంలో 20 వేల లడ్డూలు తయారు చేశారు.

రాష్ట్రపతి ఎన్నికల ఓట్ల లెక్కింపు ముగిసిన తర్వాత ప్రధాని నరేంద్ర మోదీ ఈరోజు సాయంత్రం 4 గంటలకు ద్రౌపది ముర్ము ఇంటికి వెళ్లనున్నారు.

మోడీ మంత్రివర్గం అంతా ద్రౌపది ముర్ము ఇంటికి చేరుకుని అభినందనలు తెలుపనున్నారు. రాష్ట్రపతి ఎన్నికల కౌంటింగ్ ముగిసిన తర్వాత మోడీ మంత్రివర్గం మొత్తం ద్రౌపది ముర్ము ఇంటికి చేరుకుని ఆమెకు శుభాకాంక్షలు తెలుపనున్నారు. జేపీ నడ్డా కూడా రోడ్ షో చేసిన తర్వాత ద్రౌపది ఇంటికి చేరుకుంటారని తెలుస్తోంది. అదే సమయంలో ద్రౌపది నివాసంలో సాధారణ ప్రజలకు అనుమతించనున్నారు.

అన్ని రాష్ట్రాల బ్యాలెట్ పత్రాలను క్రమబద్ధీకరించిన తర్వాత రాష్ట్రపతి ఎన్నికల ఓట్ల లెక్కింపు పార్లమెంట్ హౌస్‌లో ప్రారంభంకానుంది.

తొలుత ఎంపీల ఓట్లను లెక్కిస్తున్న సిబ్బంది

776 మంది ఎంపీల్లో ఓటు హక్కు వినియోగించుకున్న 763 మంది ఎంపీలు

వీరిలో 719 మంది పార్లమెంటులో తమ ఓటు హక్కు వినియోగించుకోగా, మరో 44 మంది ఎంపీలు వేరువేరు రాష్ట్రాల్లో అసెంబ్లీలో ఓటు హక్కు వినియోగించుకున్నారు

రాష్ట్రపతి ఎన్నికల్లో ముందుగా ఎంపీల ఓట్లను లెక్కిస్తారు. ఆ తర్వాత అందులో ఇతర ఓట్లను కలుపుతారు.

పార్లమెంట్ హౌస్‌లో బ్యాలెట్ పేపర్ల లెక్కింపు ప్రక్రియ కొనసాగుతోంది. వివిధ రాష్ట్రాల్లో ఎమ్మెల్యేలు వేసిన ఓట్ల బాక్సులను ఇద్దరు అభ్యర్థుల ఏజెంట్ల సమక్షంలో తెరిచారు.

ద్రౌపది ముర్ము గ్రామంలో ప్రజలు సంతోషం వ్యక్తం చేస్తున్నారు. గెలుపు ప్రకటన రాకముందే ఊరంతా సంబరాల్లో మునిగిపోయింది. బాలికలు, పాఠశాల విద్యార్థినులు నృత్యాలు, పాటలతో సంబరాలు చేసుకుంటుండగా.. గ్రామంలో 20 వేల లడ్డూలు తయారయ్యాయి. 

కేంద్ర మంత్రి కిరెన్ రిజిజు మాట్లాడుతూ.. తొలి మహిళా గిరిజన అధ్యక్షురాలు కావడం గిరిజనులకే కాదు.. దేశంలోని ప్రతి ఒక్కరికీ గర్వకారణమని అన్నారు.

రాష్ట్రపతి ఎన్నికల ఓట్ల లెక్కింపు ఈ ఉదయం 11 గంటలకు ప్రారంభమైంది. ఈ ఎన్నికల్లో ద్రౌపది ముర్ము గెలుపు దాదాపు ఖాయమని భావిస్తున్నారు. అదే సమయంలో ముర్ము గ్రామంలో ప్రజలు సంబరాలు చేసుకుంటున్నారు. ఇందులోభాగంగా 20 వేల లడ్డూలను సిద్ధం చేశారు.

ఎన్డీయే రాష్ట్రపతి అభ్యర్థి ద్రౌపది ముర్ము నివాసంలో సన్నాహాలు జరుగుతున్నాయి..

కౌంటింగ్‌ ప్రాసెస్‌ను చీఫ్‌ రిటర్నింగ్‌ ఆఫీసర్‌ అయిన రాజ్యసభ సెక్రటరీ జనరల్‌ పీసీ మోదీ పర్యవేక్షిస్తారు. ఇవాళ సాయంత్రానికి రిజల్ట్‌ తెలుస్తుందన్నారు. ఎంపీల ఓట్ల కౌంటింగ్‌ పూర్తయ్యాక ఒకసారి, ఆల్ఫాబెటికల్‌ ఆర్డర్‌లో 10 రాష్ట్రాల ఓట్ల కౌంటింగ్‌ పూర్తయ్యాక రెండోసారి పోల్‌ ట్రెండ్స్‌ గురించి చీఫ్‌ రిటర్నింగ్‌ ఆఫీసర్‌ వెల్లడింస్తారు. 20 రాష్ట్రాల ఓట్ల లెక్కింపు కంప్లీట్‌ అయ్యాక ఇంకోసారి బ్రీఫింగ్‌ ఇస్తారు.. ఆపై కౌంటింగ్‌ పూర్తయ్యాక రిజల్ట్‌ ప్రకటించనున్నట్లుగా సమాచారం

రాష్ట్రపతి ఎన్నికల ఓట్ల లెక్కింపునకు ముందు ద్రౌపది ముర్ము ఓ ట్వీట్ చేశారు. అందులో “జీవితం ఒక అద్దం, మనం నవ్వినప్పుడే అది నవ్వుతుంది” అని రాసుకున్నారు.

గురువారం సాయంత్రం రాష్ట్రపతి ఎన్నికల ఓట్ల లెక్కింపు అనంతరం బీజేపీ జాతీయ అధ్యక్షుడు జేపీ నడ్డా నేతృత్వంలో ‘అభినందన్ యాత్ర’ చేపట్టాలని ప్లాన్ చేస్తున్నారు. ఇందులో వేలాది మంది నాయకులు, కార్యకర్తలు పాల్గొంటారు.

ప్రస్తుత రాష్ట్రపతి రామ్‌నాథ్ కోవింద్ పదవీకాలం జూలై 24తో ముగియనుంది. జూలై 25న కొత్త రాష్ట్రపతి ప్రమాణ స్వీకారం జరగనుంది.

రాష్ట్రపతి ఎన్నికల్లో ఎన్డీయే అభ్యర్థికి భారీ ఆధిక్యం వచ్చే అవకాశం ఉంది. ఎందుకంటే.. విపక్షాల అభ్యర్థి, కేంద్ర మాజీ మంత్రి యశ్వంత్ సిన్హాకు 34 పార్టీలు మద్దతు ప్రకటించగా.. జార్ఖండ్ మాజీ గవర్నర్ ద్రౌపది ముర్ముకు 44 పార్టీలు మద్దతు ప్రకటించాయి.

రాష్ట్రపతి ఎన్నికల ఓట్ల లెక్కింపు ఈరోజు ఉదయం 11 గంటలకు పార్లమెంట్ హౌస్‌లో ప్రారంభం కానుంది. ఫలితాలు సాయంత్రం 4 గంటలకు వచ్చే అవకాశం ఉంది.

భారతీయ జనతా పార్టీ ఎంపీలు సన్నీ డియోల్, సంజయ్ ధోత్రే సహా ఎనిమిది మంది ఎంపీలు ఓటు వేయలేకపోయారు. పోలింగ్ సమయంలో డియోల్ చికిత్స కోసం విదేశాలకు వెళ్లగా, ధోత్రే ఐసీయూలో ఉన్నారు. బీజేపీ, శివసేన, బహుజన్ సమాజ్ పార్టీ (BSP), కాంగ్రెస్, సమాజ్ వాదీ పార్టీ (SP), ఏఐఎంఐఎంలకు చెందిన ఇద్దరు ఎమ్మెల్యేలు సోమవారం ఓటు వేయలేదు.

సోమవారం జరిగిన రాష్ట్రపతి ఎన్నికల్లో 99 శాతంకుపైగా పోలింగ్‌ నమోదైంది. 10 రాష్ట్రాల్లో 100 శాతం పోలింగ్‌ జరిగింది. ఎంపీలు, ఎమ్మెల్యేలు మొత్తం 4,809 మంది ఓటు వేశారు. వీరిలో ఎంపీలు 776 మంది. ఎమ్మెల్యేలు 4,033 మంది ఉన్నారు.

మరోవైపు ద్రౌపది ముర్ము సొంతూరు ఒడిశాలోని తరనిసేన్ తుడులో సందడి వాతావరణం కనిపిస్తోంది. ఊరు ఊరంతా ఆనందంగా ఉంది. పోలీసులు కూడా బందోబస్తు పెంచారు. ఒక గిరిజన మహిళ ఆ స్థాయికి వెళ్లడం ఆనందంగా ఉందన్నారు ద్రౌపది ముర్ము సోదరుడు.

776 మంది ఎంపీలు, 4,033 మంది ఎమ్మెల్యేలు సహా మొత్తం 4,809 మంది ఓటర్లు రాష్ట్రపతి ఎన్నికల్లో ఓటు వేసేందుకు అర్హులు. నామినేటెడ్ ఎంపీలు, ఎమ్మెల్యేలు, శాసనమండలి సభ్యులు ఇందులో ఓటు వేయలేరు. రాష్ట్రపతి ఎన్నికకు సోమవారం ఉదయం 10 గంటల నుంచి సాయంత్రం 5 గంటల వరకు పార్లమెంట్‌ హౌస్‌తో పాటు 31 చోట్ల, అసెంబ్లీ పరిధిలోని 30 కేంద్రాల్లో ఓటింగ్‌ జరిగింది. అనేక రాష్ట్రాల్లో ముర్ముకు అనుకూలంగా క్రాస్ ఓటింగ్ జరిగినట్లు కూడా వార్తలు వచ్చాయి.

ఇవాళ దేశ 15వ రాష్ట్రపతి నిర్ణయం జరుగనుంది. పార్లమెంట్‌ హౌస్‌లో రాష్ట్రపతి ఎన్నికల కౌంటింగ్కు సర్వం సిద్ధమైంది. గురువారం ఉదయం 11 గంటలకు ఓట్ల లెక్కింపు ప్రారంభం కానుంది. ముందుగా బ్యాలెట్ పేపర్లను క్రమపద్దతిలో అమర్చనున్నారు. అనంతరం రిటర్నింగ్ అధికారులు వాటిని పరిశీలించనున్నారు.