PM Modi Interview Highlights: ప్రధాని నరేంద్ర మోదీ ప్రత్యేక ఇంటర్యూ.. లైవ్ అప్‌డేట్స్ మీకోసం..

పాలనలో అవినీతిని ఎట్టి పరిస్థితుల్లో సహించబోనని ప్రధాని నరేంద్ర మోదీ అన్నారు. కులాల వారీగా అసెంబ్లీ టికెట్లు ఇవ్వకుండా సబ్ కా సాథ్, సబ్‌ కా వికాస్ దిశగా సాగుతామని అన్నారు.

నూతన వ్యవసాయ చట్టాలపై ప్రధాని నరేంద్ర మోదీ స్పందించారు. రైతులకు మేలు చేసేందుకే వ్యవసాయ చట్టాలను తీసుకువచ్చామని అన్నారు. కానీ, దేశ ప్రయోజనాల దృష్ట్యా వాటిని వెనక్కి తీసుకున్నామని ప్రధాని మోదీ చెప్పుకొచ్చారు.

పేదల కోసమే మా ప్రభుత్వం ఉందని ప్రధాని నరేంద్ర మోదీ అన్నారు. పేదలకు ఆహారం, ఇళ్లు, టాయిలెట్లు, మంచినీరు, రోడ్లు, మెరుగైన వైద్యం అందించడమే మా లక్ష్యం అని పేర్కొన్నారు. చిన్న సన్నకారు రైతులకు మేలు చేయడమే తన బాధ్యత అని అన్నారు.

రాజకీయ పార్టీ ఓ కుటుంబం చేతిలో ఉండటం ప్రమాదకరం అని ప్రధాని నరేంద్ర మోదీ అన్నారు. వారసత్వ రాజకీయాలు దేశానికి ప్రమాదకరమన్నారు. తాను, వాజ్‌పేయి తప్ప దేశాన్ని పాలించింది కాంగ్రెస్సే అని అన్నారు. కాంగ్రెస్ పాలన అంతా అవినీతిమయం అని విమర్శించారు. అభివృద్ధిపై దృష్టి పెడితే చాలా ముందుకెళ్లేవాళ్లం అని అన్నారు.

ఎన్నికలు జరిగే 5 రాష్ట్రాల్లోనూ బీజేపీకే అనుకూల ప్రభావం ఉందని ప్రధాని మోదీ విశ్వాసం వ్యక్తం చేశారు. పాత సిద్ధాంతాలను యూపీ ప్రజలు ఎప్పుడో దూరంగా విసిరేశారని అన్నారు. గత ప్రభుత్వాలు ఓటు బ్యాంకుపైనే దృష్టి పెట్టాయని అన్నారు. ప్రజలకు సేవ చేయడంలో బీజేపీ ఎప్పుడూ ముందుంటుందని పేర్కొన్నారు. అధికారంలో ఉన్నా లేకున్నా ప్రజా సంక్షేమమే తమ నినాదం అన్నారు.

గత ప్రభుత్వాలు అభివృద్ధిపై ఏ రోజూ దృష్టి పెట్టలేదని ప్రధాని నరేంద్ర మోదీ విమర్శించారు. తాను కార్యకర్తల కంటే పెద్ద వ్యక్తిని కాదని, తానూ కార్యకర్తనే అని పేర్కొన్నారు. ప్రజలకు సేవ చేయడమే తమ లక్ష్యం అని, రాష్ట్రాల ఆకాంక్షలు నెరవేరినప్పుడే దేశాభివృద్ధి సాధ్యమవుతుందన్నారు. ఒకప్పటి సీఎంగా రాష్ట్రాల ఆకాంక్షలను అర్థం చేసుకోగలుగుతానని అన్నారు. అన్ని రాష్ట్రాలకు ప్రపంచ గుర్తింపు తెచ్చామని మోదీ పేర్కొన్నారు.

దేశంలో కొందరు విభజించు పాలించు పాలసీని అమలు చేశారని విపక్ష పార్టీలపై ప్రధాని మోదీ విమర్శలు గుప్పించారు. తాము మాత్రం భిన్నత్వంలో ఏకత్వాన్ని నమ్ముతున్నామని అన్నారు.

ఉత్తరప్రదేశ్‌లోని లఖీంపూర్ కేరీలో రైతులను కార్లతో తొక్కించడంపై ప్రధాని నరేంద్ర మోదీ స్పందించారు. సుప్రీంకోర్టు విచారణకు యూపీ సర్కార్ సహకరిస్తుందన్నారు. రాష్ట్ర ప్రభుత్వం పారదర్శకంగా పని చేస్తోందన్నారు.

పార్లమెంట్‌లో తాను చేసిన వ్యాఖ్యలకు ప్రధాని నరేంద్ర మోదీ వివరణ ఇచ్చారు. తాను ఎవరినీ కించపరిచే ఉద్దేశ్యంతో వ్యాఖ్యలు చేయలేదన్నారు. తాను ఎవరి తండ్రిని, తాతను కించపరచలేదన్నారు. మాజీ ప్రధాని అన్న వ్యాఖ్యలనే తాను చెప్పానని మోదీ పేర్కొన్నారు. అప్పటి పరిస్థితులు, ఇప్పటి పరిస్థితులను వివరించే ప్రయత్నం చేశానన్నారు. నెహ్రూను ఎప్పుడూ గుర్తు చేసుకోలేదంటారు. మాట్లాడితే చాలు ఏదో రకంగా కాంట్రవర్సీ చేస్తారని విపక్షాల తీరును తప్పుపట్టారు. అంత భయం ఎందుకు వారికి అంటూ ప్రశ్నించారు.

ప్రస్తుతం జరుగనున్న ఐదు రాష్ట్రాల ఎన్నికల్లో కమలం వికసిస్తుందని ప్రధాని నరేంద్ర మోదీ విశ్వాసం వ్యక్తం చేశారు. బీజేపీ డబుల్ ఇంజన్ సర్కారుపై ప్రజలకు పూర్తి విశ్వాసం ఉందన్నారు.

దీపక్ హుడా బౌలింగ్‌లో బ్రూక్స్(44) సూర్యకుమార్‌కు క్యాచ్ ఇచ్చి పెవిలియన్ చేరాడు. 30.5 ఓవర్లలో 117 పరుగుల వద్ద 6వ వికెట్‌ను కోల్పోయింది.