పందెం పొట్టేలు చోరీ చేసి మటన్ మార్కెట్లో రెండున్నర లక్షలకు బేరం.. అంతలో ఊహించని ట్విస్ట్!
ఫైటర్ పొట్టేలును కొందరు ఓ యువకుడు చోరీ చేశాడు. అనంతరం దానిని మటన్ మార్కెట్ కు తరలించి సొమ్ము చేసుకునే యత్నం చేశారు. ఇంతలో రంగంలోకి దిగిన పోలీసులు కేటుగాళ్ల బారీ నుంచి పొట్టేలును రక్షించి యజమానికి వద్దకు తరలించారు. ఈ షాకింగ్ ఘటన..
బెళగావి, ఆగస్టు 30: ఫైటర్ పొట్టేలును కొందరు ఓ యువకుడు చోరీ చేశాడు. అనంతరం దానిని మటన్ మార్కెట్ కు తరలించి సొమ్ము చేసుకునే యత్నం చేశారు. ఇంతలో రంగంలోకి దిగిన పోలీసులు కేటుగాళ్ల బారీ నుంచి పొట్టేలును రక్షించి యజమానికి వద్దకు తరలించారు. ఈ షాకింగ్ ఘటన కర్ణాటక రాష్ట్రంలోని బెళగావి జిల్లాలో వెలుగు చూసింది. పోలీసులు తెలిపిన వివరాల ప్రకారం..
బెళగావి జిల్లా గోకాక్ తాలూకాలోని తలకటనాల గ్రామానికి చెందిన అజయ్ కనీల్దార్ అనే వ్యక్తి రాకీ టగరు అనే ఫైటర్ పొట్టేలు పెంచుకుంటున్నాడు. అక్కడి స్థానికులకు రాకీ టగరు అంటే మహా ఇష్టం.. ఎక్కడ పొట్టేలు పోటీలు జరిగినా రాకీ టగరు పొట్టేలు గెలిచేంది. దీంతో నిండా ఐదేళ్లు కూడా లేని రాకీ టగరు అక్కడ చాలా ఫేమస్ అయ్యింది. ఎక్కడున్న దానిని గుర్తించేవారు. ఇక అజయ్ కూడా పొట్టేలును కొనేందుకు ఎంతమంది వచ్చి అధిక ధర ఆశ చూపినా దానిని విక్రయించేందుకు నిరాకరించేవాడు. రాకీ టగరు పొట్టేలును తన సొంత కొడుకులా చూసుకుంటున్నానని, ఎవరికీ అమ్మబోనని తెగేసి చెప్పేవాడు. ఈ క్రమంలో ఖదీమ్ అనే వ్యక్తి శనివారం రాత్రి ఇంటి వద్ద కట్టేసి ఉన్న పొట్టేలును దొంగిలించాడు. దీంతో యజమాని అజయ్ స్థానిక పోలీస్ స్టేషన్లో ఫిర్యాదు చేశాడు. కేసు నమోదు చేసుకున్న పోలీసులు నిందితుడి ఆచూకీ కోసం గాలించసాగారు.
ఇక దొంగిలించిన పొట్టేలు అకవకుండా నిందితుడు దానికి మూతికి తొడుగు తొడిగాడు. దొంగిలించిన పొట్టేలును స్థానికంగా ఉన్న ఓ మటన్ మార్కెట్కు అమ్మకానికి తీసుకువచ్చాడు. ఇంట్లో కట్టిన పొట్టేలును ఖదీం దొంగిలించి రెండున్నర లక్షలు డిమాండ్ చేయసాగాడు. ఆ పొట్టేలు ఎవరిదని తెలిసిన వ్యక్తి ఆరా తీయగా ఖదీం భయాందోళనకు గురై పొట్టేలును వదిలి పరారయ్యాడు. దీంతో రాకీ క్షేమంగా యజమాని ఇంటికి తిరిగొచ్చింది.
మరిన్ని జాతీయ వార్తల కోసం క్లిక్ చేయండి.