Karnataka Election Exit Poll Results 2023 Highlights: కర్ణాటకలో ఓటర్ల తీర్పు అదే.. ఉత్కంఠ రేపుతున్న ఎగ్జిట్ పోల్స్‌

వారం మధ్యలో పోలింగ్‌ నిర్వహిస్తే ఓటింగ్‌ శాతం పెరగవచ్చన్న ఎన్నికల సంఘం అంచనాలు కర్నాటకలో ఆశించిన ఫలితాన్ని ఇవ్వలేకపోయాయి. కర్నాటక అసెంబ్లీ పోలింగ్‌ ప్రాథమిక అంచనాల ప్రకారం 70 శాతం వరకు పోలింగ్‌ నమోదయ్యే సూచనలు కనిపిస్తున్నాయి. మొత్తంగా ఇప్పటి వరకు అందిన లెక్కల ప్రకారం కర్నాటక అసెంబ్లీ ఎన్నికల్లో 66 శాతం పోలింగ్‌ నమోదైంది. ఐదేళ్ల క్రితం జరిగిన కర్నాటక అసెంబ్లీ ఎన్నికల్లో 72 శాతం పోలింగ్‌ రికార్డైంది.

జీ మాట్రిజ్ ఎగ్జిట్ పోల్స్ సర్వే.. బీజేపీ 79-94, కాంగ్రెస్ 103-118, జేడీఎస్ 25-33, ఇతరులు 2-5 దక్కించుకుంటాయని అంచనా వేసింది..

ఆత్మసాక్షి..

బీజేపీ: 83 – 94

కాంగ్రెస్: 117 – 124

జేడీఎస్: 23 – 30

ఇతరులు: 2 – 8

పొలిటికల్ ల్యాబరేటరీ..

బీజేపీ: 80

కాంగ్రెస్: 108

జేడీఎస్: 32

ఇతరులు: 04

జన్ కీ బాత్ సర్వే.. బీజేపీ 94-117, కాంగ్రెస్ 91-106, జేడీఎస్ 14-24, ఇతరులు 0-4 దక్కించుకుంటాయని అంచనా వేసింది..

రిపబ్లిక్ టీవీ సర్వే.. బీజేపీ 85-100, కాంగ్రెస్ 94-108, జేడీఎస్ 24-31, ఇతరులు 2-6 దక్కించుకుంటాయని అంచనా వేసింది..

పీపుల్స్ పల్స్ సర్వే.. బీజేపీ 78-90, కాంగ్రెస్ 107-119, జేడీఎస్ 23-29, ఇతరులు 0-3 దక్కించుకుంటాయని అంచనా వేసింది..

టీవీ9 కన్నడ సీ ఓటర్ ఎగ్జిట్ పోల్స్.. కర్ణాటకలో బీజేపీ 83-95, కాంగ్రెస్ 100-112, జేడీఎస్ 21-26, ఇతరులు 0-4 దక్కించుకుంటాయని అంచనా వేసింది..

కర్ణాటక ఎన్నికలు ముగిశాయి. ఈ క్రమంలో పలు సంస్థలు ఎగ్జిట్‌పోల్స్ ను విడుదల చేశాయి. 224 అసెంబ్లీ స్థానాల్లో బీజేపీ 88-98, కాంగ్రెస్ 99-109, జేడీఎస్ 21-26, ఇతరులు 0-4 స్థానాలు దక్కించుకుంటాయని టీవీ9 భారత్‌వర్ష్ అంచనా వేసింది.

కర్నాటక ఎన్నికల్లో అత్యంత కీలక ఘట్టం ముగిసింది.. ఇక ఫలితమే రావాల్సి ఉంది. కర్నాటక ఎన్నికల్లో 224 నియోజక వర్గాలలో 2 వేల 6 వందల 13 మంది హోరాహోరీగా తలపడ్డారు. అధికారం కోసం కాంగ్రెస్, బీజేపీ, జేడీఎస్‌లు పోటీ పడ్డాయి. మరి ఈ ఎన్నికల్లో ఓటర్ల తీర్పు ఎలా ఉంటుందనేది ఈనెల 13న తేలనుంది.

కర్ణాటకలో సాయంత్రం ఆరు గంటలతో పోలింగ్ ముగిసింది. సాయంత్రం ఐదు గంటల వరకు 65.69 శాతం పోలింగ్ నమోదైనట్లు ఎన్నికల సంఘం ప్రకటించింది. అయితే, క్యూలైన్లలో ఓటు వేసేందుకు నిలబడిన వారిని మాత్రమే ఓటు వేసేందుకు అధికారులు అనుమతిస్తున్నారు. చాలాచోట్ల పోలింగ్ ఎక్కువ సమయం పట్టే అవకాశం ఉంది.

కర్నాటక అసెంబ్లీ ఎన్నికల పోలింగ్ కొనసాగుతోంది. సాయంత్రం 5 గంటల వరకు 66 శాతం పోలింగ్‌ నమోదయ్యింది.

భారీ మెజార్టీతో గెలుస్తామని కర్ణాటక మాజీ సీఎం, కాంగ్రెస్ నేత జగదీశ్‌ షెట్టర్‌ పేర్కొన్నారు. హుబ్లి-ధార్వాడ్‌ సెంట్రల్‌ సీటు నుంచి కాంగ్రెస్‌ తరఫున బరిలో ఉన్న షెట్టర్ తన ఓటు హక్కు వినియోగించుకున్నారు.

కర్నాటక పోలింగ్‌లో ఉద్రిక్తత ఏర్పడింది. విజయపుర జిల్లా బస్వన్‌బాగేవాడీ నియోజకవర్గంలో ఓ గ్రామస్థులు VVPATలతోపాటు EVMలను పగులకొట్టారు. పోలింగ్‌ సిబ్బందితోపాటు పోలీసులపైనా స్థానికులు దాడిచేశారు. ఎన్నికల సిబ్బంది కారు కూడా ధ్వంసం చేశారు. దీంతో మసబినల్‌ గ్రామంలో తీవ్ర ఉద్రిక్తత ఏర్పడింది. పోలింగ్‌ మధ్యలో వీవీప్యాట్‌లు, ఈవీఎంలు మారుస్తున్నారని గ్రామస్థులు ఆగ్రహం వ్యక్తంచేస్తున్నారు.

కర్ణాటకలో పోలింగ్ కొనసాగుతోంది. మధ్యాహ్నం నుంచి వేగం పుంజుకుంది.. మధ్యాహ్నం మూడు గంటల వరకు 52.03 శాతం పోలింగ్ నమోదైంది.

కర్ణాటక ఎన్నికలు కొనసాగుతున్నాయి. కేంద్ర మంత్రి ప్రహ్లాద్‌ జోషి హుబ్లీలోని వివేకానందనగర్‌ రోటరీ స్కూల్ లో తన ఓటు హక్కును వినియోగించుకున్నారు.

మరో కేంద్రమంత్రి రాజీవ్‌ చంద్రశేఖర్‌ బెంగళూరులోని బీటీఎం లే అవుట్‌లో ఓటు హక్కు వినియోగించుకున్నారు.

ద్వేషాన్ని పారదోలండి. అభివృద్ధికి ఓటేయండి అంటూ.. ఎమ్మెల్సీ కల్వకుంట్ల కవిత ట్వీట్‌ చేశారు.

“సమస్యలు వ్యక్తిగతమైనవి.. వారి సమస్యలను దృష్టిలో ఉంచుకుని దానికి అనుగుణంగా ఓటు వేయాలి. నేను ఒక సెలబ్రిటీగా ఇక్కడకు రాలేదు, నేను భారతీయుడిగా ఇక్కడకు వచ్చాను.. ఇది నా బాధ్యత” అని కన్నడ నటుడు కిచ్చా సుదీప్ పేర్కొన్నారు. బెంగళూరులో సుదీప్ ఓటు హక్కు వినియోగించుకున్నారు.

కర్ణాటక రాష్ట్ర వ్యాప్తంగా పోలింగ్‌ ముమ్మరంగా కొనసాగుతోంది. మధ్యాహ్నం ఒంటి గంట సమయానికి సుమారుగా 37.25% పోలింగ్‌ నమోదైనట్లు ఎన్నికల అధికారులు వెల్లడించారు.

హసన్ జిల్లాలోని పడువలహిప్పే గ్రామంలోని పోలింగ్ బూత్ నంబర్ 251లో మాజీ ప్రధాని హెచ్‌డి దేవెగౌడ దంపతులు చన్నమ్మ ఓటు వేశారు.

కర్నాటక అసెంబ్లీ ఎన్నికల్లో ప్రముఖులు సందడి చేశారు. ఉత్సాహంగా వచ్చి ఓటేశారు. పోలింగ్‌ బూత్‌లకు నటీనటులు క్యూ కట్టారు.

కర్నాటక అసెంబ్లీ ఎన్నికల పోలింగ్‌ వేళ ఆసక్తికరమైన దృశ్యాలు కన్పిస్తున్నాయి. కర్నాటక పీసీసీ అధ్యక్షుడు డీకే శివకుమార్‌ తాను పోటీ చేస్తున్న కనకపుర నియోజకవర్గంలో ఆటో నడుపుతూ పోలింగ్‌ సరళిని పరిశీలించారు. కాంగ్రెస్‌ కార్యకర్తలతో కలిసి ఆయన నియోజకవర్గంలో పర్యటించారు. ఓటింగ్‌ సరళి చూస్తే కాంగ్రెస్‌కు అధికారం ఖాయమన్పిస్తోందన్నారు

కర్నాటకలో 224 స్థానాలకు జరుగుతున్న ఓటింగ్ నేపథ్యంలో యువతలో ఉత్కంఠ నెలకొంది. రాష్ట్రంలో తొలిసారిగా ఓటు వేసిన యువత పోలింగ్ బూత్ వద్దకు రావడంతో సెల్ఫీల యుగం కూడా నడుస్తోంది. కర్ణాటకలో యువ ఓటర్ల సంఖ్య 11,71,558 మంది ఉన్నారు.

చన్నగిరి తాలూకా అసెంబ్లీ నియోజకవర్గంలో 106 ఏళ్ల వృద్ధురాలు జాంకీబాయి పోలింగ్ బూత్‌కు వచ్చి ఓటు వేశారు. ఆమె ఫోటోను కర్ణాటక ఎన్నికల సంఘం షేర్ చేసింది.

ఓటు వేసి ఓ వ్యక్తి మృతి చెందిన సంఘటన జిల్లాలోని బేలూరు తాలూకా చిక్కోల్ గ్రామంలో చోటుచేసుకుంది. చిక్కోలు గ్రామానికి చెందిన జయన్న(49) దురదృష్టవశాత్తు మృతి చెందాడు. చిక్కోల్ గ్రామంలో ఓటు వేసిన అనంతరం పోలింగ్ కేంద్రం ఆవరణలోనే గుండెపోటుతో మృతి చెందాడు.

కర్ణాటకలో ఓటింగ్ కొనసాగుతుండగా ఉదయం నుంచి ప్రజలు క్యూలైన్లలో తమ ఓటు హక్కును వినియోగించుకున్నారు. మరోవైపు ఓటింగ్‌కు సంబంధించిన పలు చిత్రాలు బయటకు వస్తున్నాయి. మైసూరులోని ఓ పోలింగ్ బూత్‌లో వధూవరులు తమ ఓటు హక్కును వినియోగించుకున్నారు.

బీజేపీ ఎంపీ తేజస్వి సూర్య ఓటు వేసిన తర్వాత తన ఫోటోను పోస్ట్ చేశారు. ఇందులో సిరా గుర్తు చూపుతూ కనిపించారు. ఈ చిత్రంతోపాటు “ఓటు వేయండి, జై బజరంగ్ బలి”… కామెంట్‌ను జోడించారు.

కర్ణాటక ఎన్నికలపై కాంగ్రెస్ అధ్యక్షుడు మల్లికార్జున్ ఖర్గే మాట్లాడుతూ, ప్రజలు ఈ ప్రభుత్వాన్ని మార్చాలని కోరుకుంటున్నారని.. అవినీతిని పారద్రోలి అభివృద్ధిని తీసుకొచ్చే ప్రభుత్వం కావాలి.. అందుకే ప్రజలు కాంగ్రెస్ పార్టీ రావాలన్నారు. కాంగ్రెస్ పార్టీ సంపూర్ణ మెజారిటీతో 130-135 సీట్లు గెలుచుకుంటుంది.

కర్నాటక అసెంబ్లీ ఎన్నికల ఓటింగ్ కొనసాగుతోంది. అన్ని రంగాల్లోని ప్రముఖులు తమ ఓటు హక్కును వినియోగించుకుంటున్నారు. వీరితోపాటు పెద్ద ఎత్తున యువకులు తరలి వస్తుండటంతో  పెద్ద ఎత్తున క్యూ లైన్లు కనిపిస్తున్నాయి. ఎన్నికల సంఘం లెక్కల ప్రకారం ఉదయం 11 గంటల వరకు మొత్తం 20.94 శాతం పోలింగ్‌ నమోదైంది.

మైసూరు నగరంలోని కేఆర్ మొహల్లాలోని శ్రీకాంత పాఠశాలలో యదువీర కృష్ణదత్త చామరాజ వడయార్, త్రిషికా కుమారి ఓటు వేశారు.

ఓటు వేసిన అనంతరం కర్ణాటక మాజీ ముఖ్యమంత్రి, కాంగ్రెస్ సీనియర్ నేత సిద్ధరామయ్య మీడియాతో మాట్లాడారు. ఓటర్ల నుంచి విశేష స్పందన వస్తోందన్నారు. తనకు 60% కంటే ఎక్కువ ఓట్లు వస్తాయన్నారు. కాంగ్రెస్ సొంతంగా ప్రభుత్వాన్ని ఏర్పాటు చేస్తుంది. నేను పదవీ విరమణ చేయను కానీ ఎన్నికల్లో పోటీ చేయను. ఇదే నా చివరి ఎన్నికలు.

ఎన్నికల అనంతరం జేడీఎస్‌తో పొత్తు పెట్టుకునే అవకాశాలపై కర్ణాటక కాంగ్రెస్‌ అధ్యక్షుడు డీకే శివకుమార్‌ను ప్రశ్నించగా.. ఎలాంటి అవకాశం లేదని, మేమే సొంతంగా ప్రభుత్వాన్ని ఏర్పాటు చేస్తామని చెప్పారు.

కర్ణాటక మాజీ ముఖ్యమంత్రి, హుబ్లీ-ధార్వాడ్ సెంట్రల్ అసెంబ్లీ నియోజకవర్గం నుంచి కాంగ్రెస్ అభ్యర్థి జగదీష్ షెట్టర్ ఓటు వేశారు. ఎన్నికలకు ముందు బీజేపీని వీడి కాంగ్రెస్‌తో చేతులు కలిపారు.

కర్నాటకలో గత ఐదు సార్లు జరిగిన ఎన్నికల్లో ఓటింగ్ శాతం ఇలా ఉంది..

•  1999 – 67.65%
• 2004 – 65.17%
• 2008 – 64.68%
• 2013 – 71.45%
• 2018 – 72.10%

కర్నాటక అసెంబ్లీ ఎన్నికల ఓటింగ్ కొనసాగుతోంది. ఎన్నికల సంఘం అందించిన సమాచారం ప్రకారం.. ఉదయం 9 గంటల వరకు 8.26 శాతం పోలింగ్ నమోదైంది.

కర్ణాటక ఎన్నికల్లో ఉదయం 7 గంటల నుంచి 9 గంటల వరకు 8.11 శాతం పోలింగ్ నమోదైనట్లు అధికారులు ప్రకటించారు.

కేంద్ర ఆర్థిక మంత్రి నిర్మలా సీతారామన్‌ బెంగళూరులో ఓటేశారు. జయనగర్‌లోని పోలింగ్‌బూత్‌కు వెళ్లిన ఆమె ఓటర్లతో కలిసి క్యూలో నిల్చున్నారు. కాసేపు అక్కడున్న వారితో సరదాగా ముచ్చటించారు.

కర్నాటకలో అసెంబ్లీ పోలింగ్‌ జోష్‌ కొనసాగుతోంది. పెద్ద ఎత్తున యువకులు క్యూ లైన్ లో నిలుచుని ఓటు హక్కును వినియోగించుకుంటున్నారు. చిక్కమగళూరులో ఓ వధువు కూడా ఓటు వేసేందుకు పెళ్లి బట్టలతో వచ్చి మరీ తన ఓటు హక్కును వినియోగించుకున్నారు.

షిగావ్‌లోని పోలింగ్ బూత్‌కు చేరుకున్న కర్ణాటక ముఖ్యమంత్రి బసవరాజ్ బొమ్మై ..తన ఓటు హక్కును వినియోగించుకున్నారు. ఓటు వేసేందుకు క్యూ లైన్‌లో నిలబడి వారి టైమ్‌ వచ్చే వరకూ వేచి ఉండి ఓటు వేశారు. అంతకుముందు బొమ్మై హనుమాన్ ఆలయానికి వెళ్లి పూజలు చేశారు.

కర్ణాటక ఎన్నికల్లో అత్యధిక సంఖ్యలో ఓటు వేయాలని కాంగ్రెస్ అధినేత్రి ప్రియాంక గాంధీ ప్రజలకు విజ్ఞప్తి చేశారు. కర్ణాటకలోని నా సోదరీమణులందరికీ ఓటు వేయండి.. మార్పు కోసం ఓటు వేయాలని కోరుతున్నాను అని ఆమె అన్నారు.

ప్రముఖ రచయిత్రి సుధా మూర్తి జయనగర్‌లో ఓటు వేశారు. దీని తర్వాత ఆమె మాట్లాడుతూ, “ఓటు వేయడం నా కర్తవ్యంగా నేను భావిస్తున్నాను, ఓటు వేయడం ప్రజాస్వామ్యంలో ముఖ్యమైన భాగం, ఏ ప్రజాస్వామ్యంలోనైనా ఓటర్లు లేకుంటే అది ప్రజాస్వామ్యం కాదు, కాబట్టి ప్రతి ఒక్కరూ ఓటు వేయాలని నేను అభ్యర్థిస్తున్నాను.

బెంగళూరులో ఓటు వేసిన ఇన్ఫోసిస్ వ్యవస్థాపకుడు నారాయణ మూర్తి. ఓటు వేసిన అనంతరం ఆయన మాట్లాడుతూ.. ముందు ఓటు వేయండి.. ఆ తర్వాతే ప్రశ్నించండి. ఓటు వేయని వారికి విమర్శించే హక్కు లేదన్నారు.

ఇన్ఫోసిస్ వ్యవస్థాపకుడు నారాయణ మూర్తి తన ఓటు వేయడానికి బెంగళూరులోని పోలింగ్ బూత్‌కు చేరుకున్నారు. కుటుంబంతో కలిసి ఎక్కడ ఓటు వేశారు.

కర్ణాటకలో 10 మంది మాజీ సీఎంల కుమారులు పోటీలో ఉన్నారు. ఇందులో బీఎస్‌ యడ్యూరప్ప కుమారుడు విజయేంద్ర, మాజీ సీఎం ఎస్‌ఆర్‌ బొమ్మై కుమారుడు బసవరాజ్‌ బొమ్మై సహా పలువురు ప్రముఖులు ఉన్నారు. 

బెంగళూరులోని పోలింగ్ బూత్‌లో మొదటిసారిగా భారత ఎన్నికల సంఘం ఫేషియల్ రికగ్నిషన్ టెక్నాలజీని ఉపయోగిస్తోంది. ఫేషియల్ రికగ్నేషన్‌ కోసం మొబైల్ అప్లికేషన్‌లో ఓటర్లు తమ ఎలక్టర్స్ ఫొటో ఐడెంటిటీ కార్డ్ నంబర్, మొబైల్ నంబర్‌ను ఎంటర్ చేసి OTPని జనరేట్ చేయాలి. జనరేట్ అయిన తర్వాత ఓటర్లు యాప్ ద్వారా సెల్ఫీని అప్‌లోడ్ చేయాలి. ఓటరు పోలింగ్ బూత్‌కు చేరుకున్నప్పుడు, వెరిఫికేషన్ కోసం వారి ఫేస్‌ని ఫేషియల్ రికగ్నిషన్ టెక్నాలజీని ఉపయోగించి స్కాన్ చేస్తారు. ఓటరు EPICలోని ఫొటో, EC డేటాబేస్‌లోని ఫొటోతో మ్యాచ్ అయితే.. ఓటరు ఎలాంటి ఎక్స్‌ట్రా డాక్యుమెంట్స్‌ అందించకుండానే ఓటు వినియోగించుకోవచ్చు. ఓటింగ్‌లో ఉపయోగించే ఫేషియల్ రికగ్నిషన్ టెక్నాలజీ క్యూలను తగ్గించడం.. తక్కువ సిబ్బందిని నియమించుకోవడం లాంటి ప్రయోజనాలను అందిస్తుంది.

• ఒక్కో సీటుకు సగటున 12 మంది అభ్యర్థులు
• బెల్గాంలోని 18 స్థానాల్లో గరిష్టంగా 187 మంది అభ్యర్థులు ఉన్నారు
• కొడగులోని 2 స్థానాల్లో కనీసం 24 మంది అభ్యర్థులు
• అభ్యర్థుల సగటు ఆస్తులు 12 కోట్లు
• 7 శాతం మహిళా అభ్యర్థులు ఎన్నికల్లో పోటీ చేస్తున్నారు

ఈసారి కర్ణాటక ఎన్నికల్లో చాలా మంది సంపన్న అభ్యర్థులు కూడా బరిలో ఉన్నారు. ఇందులో అత్యంత ధనిక స్వతంత్ర అభ్యర్థి యూసుఫ్ షరీఫ్, అతని ఆస్తులు 1,633 కోట్లు. సంపన్న అభ్యర్థుల జాబితాలో బీజేపీకి చెందిన ఎన్ నాగరాజు (1,609 కోట్లు), కాంగ్రెస్ అభ్యర్థి డీకే శివకుమార్ (1,413 కోట్లు) తర్వాతి స్థానాల్లో ఉన్నారు.

తాలూకా 134వ పోలింగ్‌ స్టేషన్‌లో మాజీ ముఖ్యమంత్రి బీఎస్‌ యడ్యూరప్ప కుటుంబ సమేతంగా ఓటు వేశారు. ఇంతలో ఎంపీ బీవై రాఘవేంద్ర, బీవై విజయేంద్ర ఓటు వేశారు.

జయనగర్‌లోని బీఈఎస్‌ పోలింగ్‌ కేంద్రంలో కేంద్రమంత్రి నిర్మలా సీతారామన్‌ ఓటు వేశారు.

మైసూరులోని చాముండిపురం పోలింగ్ కేంద్రంలో 96 ఏళ్ల బామ్మ ఓటు వేసింది. గుండూరావు నగరానికి చెందిన బంగారమ్మ పోలింగ్ స్టేషన్ నంబర్ 233లో ఓటు వేశారు.

శిడ్లఘాట్ నగరంలోని సెరికల్చర్ ఎగ్జిబిషన్ బూత్ అందరినీ ఆకర్షిస్తోంది. ఓటర్లు ఉచితంగా పట్టు మొక్కలు పొందవచ్చు. సెరికల్చర్ దశలతో సహా సెరికల్చర్ గురించి అవగాహన కల్పిస్తున్నారు. పట్టు గూళ్ల నుంచి వివిధ అలంకరణ వస్తువుల తయారీపై కూడా అవగాహన కల్పిస్తున్నారు.

శాంతినగర్‌లోని సెయింట్ జోసెఫ్ పాఠశాలలో నటుడు ప్రకాష్ రాజ్ ఓటు వేశారు.

పోలింగ్ రోజున, కర్ణాటకలోని మా సోదరులు, సోదరీమణులు పెద్ద సంఖ్యలో పాల్గొని రాష్ట్రంలో సుపరిపాలన, అభివృద్ధి, శ్రేయస్సు కోసం ఓటు వేయాలని అభ్యర్థిస్తున్నాను. మీ ఒక్క ఓటు రాష్ట్రాన్ని కొత్త శిఖరాలకు తీసుకెళ్తున్న ప్రజానుకూలమైన, ప్రగతిశీల ప్రభుత్వాన్ని నిర్ధారిస్తుందని కేంద్ర హోంమంత్రి అమిత్ షా ట్వీట్ చేశారు.

కర్ణాటక అసెంబ్లీ సార్వత్రిక ఎన్నికల నేపథ్యంలో రాష్ట్రంలోని 224 అసెంబ్లీ నియోజకవర్గాల్లో ఓటింగ్ ప్రారంభం కాగా, తుమకూరులోని సిద్దగంగా మఠానికి చెందిన సిద్దలింగ శ్రీ సిద్దగంగా మఠంలోని సీనియర్ ప్రాథమిక పాఠశాలలో ఓటు వేశారు.

కర్ణాటక అసెంబ్లీ సార్వత్రిక ఎన్నికల్లో ఓటు వేయాలని ప్రధాని నరేంద్ర మోదీ రాష్ట్ర ప్రజలకు ట్వీట్‌ ద్వారా విజ్ఞప్తి చేశారు.

కర్నాటక అసెంబ్లీలోని 224 స్థానాలకు ఒకే విడతలో పోలింగ్‌ నిర్వహిస్తున్నారు. బరిలో 16 పార్టీలు ఉన్నా ప్రధాన పోటీ మాత్రం BJP, కాంగ్రెస్‌,JDS మధ్యే నెలకొంది. మొత్తం 2615 మంది అభ్యర్థులు బరిలో ఉన్నారు.