Rahul Gandhi: రాహుల్ గాంధీకి షాక్ ఇచ్చిన ఫేస్‌బుక్, ఇన్‌స్టాగ్రామ్.. ఆయన పెట్టిన పోస్ట్ తొలగింపు.. ఎందుకంటే?
కాంగ్రెస్ పార్టీ నేత రాహుల్ గాంధీకి ప్రముఖ సోషల్ మీడియా దిగ్గజం ఫేస్‌బుక్, ఇన్‌స్టాగ్రామ్ భారీ షాక్ ఇచ్చింది. మైనర్ బాలిక కుటుంబసభ్యుల వివరాలను ఫేస్‌బుక్ వేదికగా రాహుల్ గాంధీ చేసిన పోస్ట్..
Facebook removes Rahul Gandhi’s post: కాంగ్రెస్ పార్టీ నేత రాహుల్ గాంధీకి ప్రముఖ సోషల్ మీడియా దిగ్గజం ఫేస్‌బుక్, ఇన్‌స్టాగ్రామ్ భారీ షాక్ ఇచ్చింది. రాహుల్ గాంధీ పెట్టిన పోస్ట్‌ను తొలగించింది. ఢిల్లీలో అత్యాచారం చేసి దారుణహత్యకు గురైన మైనర్ బాలిక కుటుంబసభ్యుల వివరాలను ఫేస్‌బుక్ వేదికగా రాహుల్ గాంధీ.. సోషల్ మీడియా సైట్‌లు Instagram, Facebook పోస్ట్ చేశారు. ప్రజల అభ్యంతరకర దృశ్యాలను చిత్రాలను పోస్ట్ చేసినందుకు తొలగించామని, అధికారిక వర్గాలు శుక్రవారం వెల్లడించాయి.
“ఇన్‌స్టాగ్రామ్ మరియు ఫేస్‌బుక్ రాహుల్ గాంధీ పోస్ట్‌ను తొలగించాయి, అది మైనర్ బాధితురాలి తల్లిదండ్రుల గుర్తింపును వెల్లడించింది” అని వర్గాలు తెలిపాయి. అంతకుముందు మంగళవారం, ఫేస్‌బుక్ ఇన్‌స్టాగ్రామ్‌లో పోస్ట్ చేసిన వీడియోకు సంబంధించిన ఫిర్యాదులో రాహుల్ గాంధీకి ఫేస్‌బుక్ నోటీసు జారీ చేసింది. బాధితుడి వివరాలను వెల్లడించినందుకు వివరణ ఇవ్వాలని కోరింది. ఈ నేపథ్యంలో ఆయన నుంచి ఎలాంటి స్పందన లేకపోవడంతో పోస్ట్‌ను తొలగిస్తున్నట్లు పేర్కొంది.
నోటీసు ప్రకారం, వీడియోను పోస్ట్ చేయడం “జువెనైల్ జస్టిస్ యాక్ట్ 2015 సెక్షన్ 74, లైంగిక నేరాల నుండి పిల్లల రక్షణ (POCSO) చట్టం సెక్షన్ 23 మరియు భారతీయ శిక్షాస్మృతి (IPC) లోని సెక్షన్ 288A కింద” చట్టవిరుద్ధం “గా పరిగణించి, పోస్టును తొలగిస్తున్న పేస్‌బుక్, ఇన్‌స్టాగ్రామ్ అధికారులు పేర్కొన్నారు. అటు రాహుల్ గాంధీ పోస్ట్ చేసిన వీడియోపై యాక్షన్ రిపోర్టుతో కావాలని నేషనల్ కమిషన్ ఫర్ ప్రొటెక్షన్ ఆఫ్ చైల్డ్ రైట్స్ (NCPCR) ఫేస్‌బుక్‌ను కోరిన తర్వాత ఇది జరిగింది. కాగా, జువైనల్ జస్టిస్ (పిల్లల సంరక్షణ, రక్షణ) చట్టం, 2015 ని ఉల్లంఘించినందుకు అతని ప్రొఫైల్‌పై ‘తగిన చర్యలు’ తీసుకోవాలని బాలల హక్కుల సంస్థను కోరింది.
అంతకు ముందు, ట్విట్టర్ రాహుల్ గాంధీ ఖాతాను తాత్కాలికంగా లాక్ చేసింది. దీనిపై, రాహుల్ గాంధీ మైక్రోబ్లాగింగ్ సైట్ “పక్షపాత వేదిక” అని ఆరోపించారు. కేంద్ర ప్రభుత్వ ఆదేశాలను అనుసరిస్తూ ఇలా ఖాతాలను తొలగిస్తున్నారని ఆయన ఆరోపించారు.
ఇదిలావుంటే, ఆగస్టు 1వ తేదీన, నైరుతి ఢిల్లీలోని ఢిల్లీ కంటోన్మెంట్ సమీపంలో ఒక శ్మశానవాటికలో పూజారితో సహా ముగ్గురు ఉద్యోగులు తొమ్మిదేళ్ల బాలికపై అత్యాచారం చేసి చంపినట్లు ఆరోపణలు వచ్చాయి. అయితే, తన కుమార్తెపై అత్యాచారం, హత్య చేయడమే కాకుండా, వారి సమ్మతి లేకుండా దహనం చేసినట్లు పేర్కొంటూ మైనర్ బాలిక తల్లి పోలీసులకు ఫిర్యాదు చేసింది. దీంతో ఢిల్లీ పోలీసులు నలుగురు నిందితులపై కేసు నమోదు చేశారు. ఈ నేపథ్యంలో వారికి సంఘీభావం తెలిపేందుకు వెళ్లిన రాహుల్ గాంధీ ఇందుకు సంబంధించి దృశ్యాలను సోషల్ మీడియా వేదికగా పంచుకున్నారు. దీంతో NCPCR సీరియస్ కావడంతో ఫేస్‌బుక్, ఇన్‌స్ట్రాగ్రామ్ చర్యలు చేపట్టింది.