PM Modi: కచ్‌లో సైనికులతో కలిసి దీపావళి.. స్వయంగా మిఠాయిలు తినిపించిన ప్రధాని మోదీ
"దేశప్రజలకు దీపావళి శుభాకాంక్షలు. ఈ దివ్య దీపాల పండుగ సందర్భంగా, ప్రతి ఒక్కరూ ఆరోగ్యంగా, సంతోషంగా, అదృష్టవంతంగా జీవించాలని కోరుకుంటున్నాను. ప్రతి ఒక్కరూ తల్లి లక్ష్మి, శ్రీ గణేశుడి ఆశీర్వాదం ఉండాలని కోరుకుంటున్నాను" అని ప్రధాని మోదీ ట్వీట్‌లో రాశారు.
దేశవ్యాప్తంగా దీపావళి పండుగను ఘనంగా జరుపుకుంటున్నారు. ఈ క్రమంలో ప్రధాని నరేంద్ర మోదీ గుజరాత్‌లోని కచ్‌లో సైనికులతో కలిసి దీపావళి జరుపుకున్నారు. ఈ సందర్భంగా సైనికులకు మిఠాయిలు తినిపించారు. ఈ సమయంలో ప్రధాని మోదీ ఆర్మీ డ్రెస్‌లో కనిపించడం విశేషం. అనంతరం సర్ క్రీక్ ప్రాంతాన్ని ప్రధాని మోదీ పరిశీలించారు. ఈ సందర్భంగా బీఎస్ఎఫ్ జవాన్లపై ప్రధాని ప్రశంసలు కురిపించారు. ప్రధాని మోదీ సైనికులతో కలిసి దీపావళి జరుపుకోవడం అనవాయితీ వస్తోంది. ఇంతకు ముందు కూడా ఇలాగే చేశారు
గతేడాది హిమాచల్ ప్రదేశ్‌లోని లెప్చాలో సైనికులతో కలిసి ప్రధాని మోదీ దీపావళి జరుపుకున్నారు. అదే విధంగా 2022లో ప్రధాని మోదీ కార్గిల్‌లో సైనికులతో కలిసి దీపావళి జరుపుకున్నారు. ఈ సందర్భంగా 1999 కార్గిల్ యుద్ధంలో అమరులైన జవాన్లకు నివాళులర్పించారు. ప్రధాని మోదీ ఈ ఏడాది వరుసగా 11వ సారి దీపావళిని సైనికులతో జరుపుకున్నారు.
Prime Minister Narendra Modi celebrates Diwali with jawans in Kachchh, Gujarat. pic.twitter.com/u59xqH1QYf
— ANI (@ANI) October 31, 2024
ప్రధాని మోదీ ఇప్పటి వరకు ఎక్కడెక్కడ దీపావళి జరుపుకున్నారంటే..?
2014: ప్రధాని మోదీ సియాచిన్‌లో సైనికులతో కలిసి దీపావళి జరుపుకున్నారు.
2015: పాకిస్తాన్ సరిహద్దు (పంజాబ్ సరిహద్దు)లో సైనికులతో కలిసి దీపావళిని జరుపుకున్నారు.
2016: హిమాచల్ ప్రదేశ్‌లో సైనికులతో కలిసి దీపావళిని జరుపుకున్నారు.
2017: జమ్మూ, కాశ్మీర్‌లోని బందిపొరాలో సైనికులతో కలిసి దీపావళిని జరుపుకున్నారు.
2018: ఉత్తరాఖండ్‌లోని ఉత్తరకాశీలో ITBPతో దీపావళిని జరుపుకున్నారు ప్రధాని మోదీ.
2019: జమ్మూ, కాశ్మీర్‌లోని రాజౌరీలో సైనికులతో కలిసి దీపావళిని జరుపుకున్నారు.
2020లో రాజస్థాన్‌లోని జైసల్మేర్‌లో సైనికులతో కలిసి దీపావళి జరుపుకున్నారు.
2021: జమ్మూ కాశ్మీర్‌లోని నౌషేరా సెక్టార్‌లో సైనికులతో కలిసి దీపావళి జరుపుకున్నారు.
2022: ప్రధాని మోదీ కార్గిల్‌లో సైనికులతో కలిసి దీపావళి జరుపుకున్నారు.
2023: హిమాచల్ ప్రదేశ్‌లోని లెప్చాలో సైనికులతో కలిసి దీపావళి జరుపుకున్నారు.
ఇక ఈ సందర్భంగా ప్రధాని మోదీ ట్వీట్ ద్వారా దేశ ప్రజలకు దీపావళి శుభాకాంక్షలు తెలిపారు. “దేశప్రజలకు అనేక దీపావళి శుభాకాంక్షలు. ఈ దివ్య దీపాల పండుగ సందర్భంగా, ప్రతి ఒక్కరూ ఆరోగ్యంగా, సంతోషంగా మరియు అదృష్టవంతంగా జీవించాలని కోరుకుంటున్నాను. ప్రతి ఒక్కరూ తల్లి లక్ష్మి, శ్రీ గణేశుడి ఆశీర్వాదం ఉండాలని కోరుకుంటున్నాను” అని ఆయన ట్వీట్‌లో రాశారు.
కేవడియాలో సర్దార్ పటేల్‌కు ఘన నివాళి
అంతకుముందు భారత తొలి హోంమంత్రి సర్దార్ వల్లభాయ్ పటేల్ జయంతి సందర్భంగా ప్రధాని మోదీ ఆయనకు నివాళులర్పించారు. గుజరాత్‌లోని నర్మదా జిల్లాలోని ఏక్తా నగర్‌లోని ‘స్టాట్యూ ఆఫ్ యూనిటీ’ దగ్గర జరిగిన సభలో ఆయన ప్రసంగించారు. భారతదేశవ్యాప్తంగా యువతలో శక్తి, సామర్థ్యాలు పెరుగుతున్నాయన్నారు. అయితే కొన్ని శక్తులు దేశాన్ని అస్థిరపరచడానికి, అరాచకాలను వ్యాప్తి చేయడానికి ప్రయత్నిస్తున్నాయి. వారు భారతదేశానికి హాని చేయాలని చూస్తున్నారు. ఆర్థిక ప్రయోజనాలు, దేశ ప్రతికూల అంశాలతో విదేశీ పెట్టుబడిదారులకు తప్పుడు సందేశాలు వెళ్తాయన్నారు.
భారత ప్రజాస్వామ్యం, రాజ్యాంగంపై అధికార బీజేపీపై కొన్ని శక్తులు దాడి చేస్తున్నాయని, ముఖ్యంగా కాంగ్రెస్ నేతృత్వంలోని ప్రతిపక్షాలు ప్రధాని మోదీని పదే పదే లక్ష్యంగా చేసుకున్నాయి. ఈ ‘అర్బన్ నక్సలైట్ల’ అనుబంధాన్ని దేశ ప్రజలు గుర్తించాలని ఆయన కోరారు. ఈ వ్యక్తులు దేశాన్ని విచ్ఛిన్నం చేయడానికి ప్రయత్నిస్తున్నారని ఆరోపించారు. అడవుల్లో నక్సలిజం అంతం అవుతున్న కొద్దీ అర్బన్ నక్సలైట్ల కొత్త మోడల్ తల ఎత్తుకుంటోందని ప్రధాని అన్నారు. దేశాన్ని విచ్ఛిన్నం చేయాలని కలలు కంటున్న ఇలాంటి వారిని గుర్తించాలని ఆయన అన్నారు. ఈ శక్తులతో పోరాడాలని పిలుపునిచ్చారు.
వీడియో చూడండి..
మరిన్ని జాతీయ వార్తల కోసం ఇక్కడ క్లిక్ చేయండి..