షాకింగ్.! జాతీయ రహదారిపై కుప్పలు తెప్పలుగా కండోమ్స్.. అసలు ఏమైందంటే.?

Condoms

నిత్యం వేలాది వాహనాలు తిరుగుతూ రద్దీగా ఉండే ఓ జాతీయ రహదారిపై కుప్పలు తెప్పలుగా కండోమ్స్ పడి ఉండటం కలకలం రేపింది. ఇందుకు సంబంధించిన దృశ్యాలు ప్రస్తుతం సోషల్ మీడియాలో వైరల్ అవుతున్నాయి. అసలు ఆ రహదారి ఎక్కడుంది.? ఆ కథేంటో ఇప్పుడు తెలుసుకుందాం పదండి.. వివరాల్లోకి వెళ్తే..

కర్ణాటకలోని తుంకూర్ శివారులో కత్సంద్రా-బట్వాది జాతీయ రహదారి 48 పక్కన కుప్పలు తెప్పలుగా కండోమ్స్ దర్శనమిచ్చాయి. నిత్యం రద్దీగా ఉండే ఈ రహదారిపై ఇలా వందల సంఖ్యలో కండోమ్స్ కనిపించడం స్థానికంగా కలకలం రేగింది. అటుగా వెళ్లే వాహనదారులు ఈ దృశ్యాన్ని చూసి ఆశ్చర్యపోయారు.

వీటిని ఎవరైనా పారేసి ఉంటారా.? లేదా ఏదైనా వాహనంలో తరలిస్తుండగా పడిపోయాయా.? అనే వివరాలు తెలియాల్సి ఉంది. ఇక వాటిల్లో కొన్ని వినియోగించిన కండోమ్స్ కాగా, మరికొన్ని కండోమ్ ప్యాకెట్లు ఉన్నాయి. ఈ విషయంపై అధికారుల నుంచి ఇంకా ఎలాంటి స్పందన రాలేదు. ప్రస్తుతం దీనికి సంబంధించిన దృశ్యాలు నెట్టింట హల్చల్ చేస్తున్నాయి. కాగా, నిత్యం రద్దీగా ఉండే ప్రదేశాలలో ఇలా ఉంటే.. నిర్జన ప్రాంతాల పరిస్థితి ఏంటని అక్కడ స్థానికులు ప్రశ్నిస్తున్నారు.