Wedding Video: పెళ్లి వేడుక‌లో డ్యాన్స్ చేస్తూ కుప్పకూలిన వ్యక్తి.. నెట్టింట వీడియో వైరల్‌
పెళ్లి అంటే ఆనందాల వేడుక. డప్పు చప్పుళ్లు, మేళ తాళాలు, బరాత్ లతో ఆద్యంతం ఉర్రూతలూగించే అపురూప కార్యక్రమం. అయితే.. సంతోషం నింపాల్సిన పెళ్లి వేడుక ఆ కుటుంబంతో దుఖాన్ని మిగిల్చింది. పెళ్లి వేదికపై...
పెళ్లి అంటే ఆనందాల వేడుక. డప్పు చప్పుళ్లు, మేళ తాళాలు, బరాత్ లతో ఆద్యంతం ఉర్రూతలూగించే అపురూప కార్యక్రమం. అయితే.. సంతోషం నింపాల్సిన పెళ్లి వేడుక ఆ కుటుంబంతో దుఖాన్ని మిగిల్చింది. పెళ్లి వేదికపై బంధు మిత్రులతో కలిసి ఆనందంగా డాన్స్‌ చేస్తున్న వ్యక్తి ఒక్కసారిగా కుప్పకూలిపోయాడు. దాంతో ఆనంద సమయం కాస్తా విషాదంగా మారిపోయింది. ఉత్తర ప్రదేశ్ లోని వార‌ణాశి పిప్లాని క‌త్రా ప్రాంతంలో ఈ దుర‌దృష్టక‌ర ఘ‌ట‌న చోటుచేసుకుంది. నవంబరు 25న జ‌రిగిన ఓ పెళ్లి వేడుక‌లో 40 ఏళ్ల వ్యక్తి డ్యాన్స్ చేస్తూ గుండె పోటుతో కుప్పకూలి ప్రాణాలు విడిచాడు. దాంతో పెల్లింట విషాదం నిండిపోయింది. ఈ ఘ‌ట‌న‌కు సంబంధించిన వీడియో ప్రస్తుతం సోష‌ల్ మీడియాలో వైర‌ల్‌గా మారింది.
వైరల్‌ అవుతున్న ఈ వీడియోలో వ్యక్తి అప్పటి వరకూ తమతో కలిసి ఆడిపాడిన అతను ఒక్కసారిగా విగతజీవిగా మారడంతో అక్కడున్నవారందరినీ కలిచివేసింది. బాధితుడిని మ‌నోజ్ విశ్వక‌ర్మగా గుర్తించారు. పిప్లాని క‌త్రాలో ఓ పెండ్లి వేడుకకు వెళ్లిన మ‌నోజ్ అక్కడ డ్యాన్స్ చేస్తూ మర‌ణించారు. కాగా ఇటీవల ఇలాంటి ఘటనలు చాలానే జరుగుతున్నాయి. అంతవరకూ ఆరోగ్యంగా ఉన్న వ్యక్తులు ఒక్కసారిగా స్ట్రోక్‌తో కుప్పకూలిపోతున్నారు. ఈ హఠాత్‌ పరిణామాలతో ప్రజలు తీవ్ర ఆందోళన చెందుతున్నారు. కోవిడ్‌ మహమ్మారి నుంచి ఇప్పుడిప్పుడే కాస్త ఉపశమనం పొందుతున్న తరుణంలో ఈ మహమ్మారి ప్రభావం ఇలా చూపిస్తుందా అని అనుమానిస్తున్నారు.
మరిన్ని జాతీయ వార్తల కోసం