Raw Banana: అరటి కాయలతో అదిరిపోయే లాభాలు.. తెలిస్తే తొక్కను కూడా వేస్ట్ చేయరు!
Raw Banana Benefits: అరటి పండ్లు తినడం వల్ల మనకు అనేక ఆరోగ్య ప్రయోజనాలు ఉన్నాయని అందరికి తెలుసు. ఇది అందదికీ ఈజీగా లభించే పండు. ఇది ఎడాది పొడవునా ఏ సీజన్లోనైనా దొరుకుతుంది. వీటిని చాలా మంది అనేక రకాలుగా ఆహరంలో చేర్చుకుంటారు. కొంతమంది వీటిని కూరల్లో కూడా తింటారు. అయితే అరటి పండ్లు అనేక రకాలు ఉన్నాయి. వాటిలో ఒకటి పచ్చి అరటిపండు. సాధారణంగా అందరికి పండిన అరటి పండ్ల ప్రయోజనాలు మాత్రమే తెలుసు. కానీ పచ్చి అరటి పండ్ల వల్ల ఎలాంటి ప్రయోజనాలు ఉన్నాయో చాలా మందికి తెలియదు. కాబట్టి ఇప్పుడు మనం వాటి గురించి తెలుసుకుందాం.
బరువు నియంత్రణలో: పచ్చి అరటిపండ్లలో ఫైబర్ పుష్కలంగా ఉంటుంది. ఇది మిమ్మల్ని ఎక్కువసేపు కడుపు నిండి ఉండేలా చేస్తుంది. ఇది మిమ్మల్ని అతిగా తినకుండా నిరోధిస్తుంది. దీని వల్ల మీరు త్వరగా బరువు తగ్గేందుకు సహాయపడుతుంది. కడుపు నిండుగా ఉండటం వల్ల అనారోగ్యకరమైన ఆహారాలను నివారించవచ్చు. అంటే ఇది అనేక విధాలుగా బరువు తగ్గడానికి మీకు సహాయపడుతుంది.
కొంతమంది తరచుగా విరేచనాలతో బాధపడుతున్నారు. అలాంటి వారు పచ్చి అరటిపండ్లు తినడం చాలా ప్రయోజనకరంగా ఉంటుంది. ఎందుకంటే వాటిలో ఉండే పోషకాలు ఈ సమస్య నుండి బయటపడటానికి సహాయపడతాయి. అంతేకాకుండా, వాంతులు, అలసట, వికారం, తలనొప్పిని తగ్గించడంలో ఇది చాలా ప్రభావవంతంగా పనిచేస్తుంది.
పచ్చి అరటిపండ్లను వివిధ వంటకాలు తయారు చేయడానికి ఉపయోగించవచ్చు. వాటిని తినడం వల్ల జీర్ణవ్యవస్థ కూడా మెరుగుపడుతుంది. మీరు అజీర్ణం, గ్యాస్, ఆమ్లత్వం లేదా మలబద్ధకంతో బాధపడుతుంటే, ఈ పచ్చి అరటి కాయలను మీ ఆహారంలో చేర్చుకోవడం మంచిది. ఇది ఆహారాన్ని వేగంగా జీర్ణం చేయడంలో సహాయపడుతుంది. మీ కడుపులో భారమైన అనుభూతిని తగ్గిస్తుంది.
పచ్చి అరటిపండ్లు మధుమేహ వ్యాధిగ్రస్తులకు ఔషధమని తెలిస్తే మీరు ఆశ్చర్యపోతారు. వాటి గ్లైసెమిక్ ఇండెక్స్ తక్కువగా ఉండటం వల్ల, ఇన్సులిన్ హార్మోన్ నెమ్మదిగా విడుదల అవుతుంది. ఇది చక్కెర స్థాయిలను నియంత్రించడంలో సహాయపడుతుంది.
Banana