Lifestyle: టిఫిన్‌లో ఇవి తీసుకుంటే.. గుండెపోటు ప్రమాదం తగ్గుతుంది..

ఇటీవల గుండె పోటు సమస్య బారిన పడుతోన్న వారి సంఖ్య రోజురోజుకీ పెరుగుతోంది. తీసుకుంటున్న ఆహారంలో మార్పుల కారణంగా గుండె సంబంధిత సమస్యల బారిన పడుతున్నారు. అయితే పలు అధ్యయనాల్లో తేలిన అంశాల ఆధారంగా భారతీయుల్లో గుండెపోటు ఎక్కువగా రావడానికి ప్రధాన కారణాల్లో తగిన శారీరక వ్యాయామం లేకపోవడం ఒకటైతే, ఉదయం బ్రేక్‌ఫాస్ట్‌ తీసుకోకపోవడం మరొక కారణమని నిపుణులు చెబుతున్నారు. ఉదయం టిఫిన్‌ స్కిప్‌ చేసే వారిలో హృద్రోగాలు ఎక్కువగా వచ్చే అవకాశం ఉన్నట్లు అధ్యయనాల్లో వెల్లడైంది.

అందుకే ఉదయం 8 గంటలలోపు కచ్చితంగా టిఫిన్‌ తీసుకోవాలని చెబుతున్నారు. అయితే తీసుకునే ఫుడ్‌ విషయంలో కూడా చాలా జాగ్రత్తగా ఉండాలని నిపుణులు చెబుతున్నారు. ఉదయం పూట నూనె ఎక్కువగా ఉండే ఆహార పదార్థాలను తీసుకోవడం వల్ల గుండె సంబంధిత సమస్యల బారిన పడే అవకాశాలు ఉన్నాయని అంటున్నారు. అందుకే ఉదయం తీసుకునే ఆహారం విషయంలో కొన్ని జాగ్రత్తలు తీసుకోవాలని చెబుతున్నారు. ఉదయం ఎలాంటి ఆహారం తీసుకుంటే గుండెపోటు రాకుండా అడ్డుకోవచ్చో ఇప్పుడు తెలుసుకుందాం.

టిఫిన్‌లో భాగంగా హోల్ గ్రెయిన్ శాండ్‌విచ్ తింటే ఎంతో మేలు చేస్తుంది. దీనివల్ల శరీరానికి అధిక ఫైబర్, తక్కువ కేలరీలు మరియు విటమిన్లు వంటి అనేక పోషకాలు అందుతాయి. బరువు తగ్గడానికి ఉపయోగకరంగా ఉంటుంది. బాదం పాలు ఆరోగ్యానికి ఎంతో మేలు చేస్తాయి. ఇందులో మెగ్నీషియం, ఫైబర్, మంచి కొవ్వులు ఉంటాయి. దీంతో శరీరంలో చెడు కొలెస్ట్రాల్‌ తగ్గడంతో పాటు గుండె జబ్బుల నుంచి రక్షించుకోవచ్చు. వేరుశెనగలో మోనోఅన్‌శాచురేటెడ్, పాలీఅన్‌శాచురేటెడ్ కొవ్వులు ఉంటాయి.

ఉదయం అల్పహారంలో పెరుగును భాగం చేసుకోవడం వల్ల ఎంతో మేలు జరుగుతుంది. ఇందులో ప్రోబయోటిక్స్ పుష్కలంగా ఉంటాయి. ఇది జీర్ణక్రియను మెరుగుపరచడంలో ఉపయోగపడుతుంది. ఇది చెడు కొలెస్ట్రాల్‌ను నియంత్రించడంలో సహాయపడుతుంది. ఇక ఉదయం ఓట్స్‌ తీసుకోవడం వల్ల కూడా గుండె ఆరోగ్యం మెరుగుపడుతుంది. ఇందులోని ఫైబర్ జీర్ణవ్యవస్థలో ఉన్న LDL కొలెస్ట్రాల్‌ను తగ్గిస్తుంది. చెడు కొలెస్ట్రాల్‌ను శరీరరం నుంచి సులభంగా తొలగిపోతుంది.

మరిన్ని లైఫ్ స్టైల్ న్యూస్ కోసం క్లిక్ చేయండి..