ఖరీదైన క్రీములు వద్దు.. ఇంట్లో దొరికే వీటితో ఫేస్ ప్యాక్ చేసి రాసుకుంటే.. ముఖం మిళమిళా మెరవాల్సిందే!
అందంగా కనిపించాలని ప్రతి ఒక్కరూ అనుకుంటారు. ఇందుకోసం రకరకాల బ్యూటీ ప్రాడక్ట్స్‌, ఖరీదైన ఫేస్ క్రీమ్‌లు వాడుతూ ఉంటారు. అయినా కూడా వారు ఆశించిన ఫలితాలు పొందలేకపోతారు. అలాంటి వారికి ఈ ఇంటి చిట్కా చాలా బాగా ఉపయోగపడుతుంది. కేవలం మన ఇంట్లో ఉండే బియ్యం పిండితోనే ముఖాన్ని అందంగా మార్చుకోవచ్చు. అదెలానో ఇక్కడ తెలుసుకుందాం.
అందంగా కనిపించాలని ప్రతి ఒక్కరూ కోరుకుంటారు. ఇందుకోసం రకరకాల బ్యూటీ ప్రొడక్ట్స్, ఖరీదైన ఫేస్ క్రీమ్‌లు వాడుతుంటారు. అలాగే పార్లర్లకు వెళ్లి ఖరీదైన ఫేషియల్స్ చేయించుకుంటారు. అయినప్పటికీ చాలామంది ఆశించిన ఫలితాలను పొందలేకపోతుంటారు. అయితే ఎలాంటి ఖరీదైన ఉత్పత్తులు లేకుండా, కేవలం వంటింట్లో దొరికే బియ్యం పిండితోనే మచ్చలు లేని మెరిసే చర్మాన్ని సులభంగా పొందవచ్చని సౌందర్య నిపుణులు సూచిస్తున్నారు. బియ్యం పిండి, పచ్చి పాలు, కొద్దిగా తేనె కలిపి ముఖానికి రాసుకోవడం వల్ల మొండి టానింగ్, మచ్చలు, మృత చర్మ కణాలు తొలగిపోయి ముఖం లోపలి నుంచి కాంతివంతంగా మారుతుంది. మరీ ఈ బియ్యం పిండి ఫేస్ ప్యాక్ ఇంట్లోనే ఎలా తయారు చేసుకోవాలో ఇక్కడ చూద్దాం.
ఫేస్ ప్యాక్‌కు కావాల్సిన పదార్థాలు
-
మెత్తటి బియ్యం పిండి: 2 టేబుల్ స్పూన్లు
-
పచ్చి పాలు: 2 నుంచి 3 టేబుల్ స్పూన్లు
-
స్వచ్ఛమైన తేనె: 1 టీస్పూన్
-
రోజ్ వాటర్: 1/2 టీస్పూన్ (ఐచ్ఛికం)
తయారీ మరియు వినియోగించే విధానం
-
మిశ్రమం తయారీ: ఒక గిన్నెలో రెండు టేబుల్ స్పూన్ల బియ్యప్పిండి తీసుకుని, అందులో పచ్చి పాలు, తేనె వేసి చిక్కటి పేస్ట్‌లా అయ్యేంత వరకు బాగా కలపాలి.
-
ముఖం శుభ్రత: ప్యాక్ వేసుకునే ముందు ముఖంపై ఉన్న దుమ్ము, మురికి తొలగిపోయేలా సాధారణ నీటితో లేదా రోజ్ వాటర్‌తో శుభ్రం చేసుకోవాలి.
-
అప్లై చేయడం: తయారు చేసుకున్న ఫేస్ ప్యాక్‌ను బ్రష్ లేదా వేళ్ల సాయంతో ముఖం, మెడ భాగంలో సమానంగా పూయాలి. అనంతరం 10 నుంచి 20 నిమిషాల పాటు ఆరనివ్వాలి.
-
మసాజ్ , క్లీనింగ్: ప్యాక్ కొద్దిగా ఆరిన తర్వాత చేతివేళ్లకు కొన్ని నీటి చుక్కలు అద్దుకుని ముఖంపై నిదానంగా వృత్తాకారంలో మసాజ్ చేయాలి. దీనివల్ల డెడ్ స్కిన్, బ్లాక్‌హెడ్స్ సులభంగా తొలగిపోతాయి. ఆ తర్వాత స్వచ్ఛమైన నీటితో ముఖాన్ని కడిగి తుడుచుకోవాలి.
మొదటిసారి వాడినప్పటి నుంచే ముఖం మృదువుగా మారి, వెండిలా మెరుస్తుందని ఈ చిట్కా స్పష్టం చేస్తోంది. సహజసిద్ధమైన మెరుపును కోరుకునే వారికి ఈ వంటింటి చిట్కా చక్కటి పరిష్కారంగా ఉపయోగపడుతుంది.
Note: పైన పేర్కొన్న అంశాలు ఇంటర్నెట్, నివేదికల ఆధారంగా మాత్రమే అందించబడినవి.. వీటిని TV9 దృవీకరించడం లేదు. వీటిని వాడే ముందు కచ్చితంగా వైద్యులు సలహా తీసుకోండి.
మరిన్ని లైఫ్‌స్టైల్ వార్తల కోసం ఇక్కడ క్లిక్ చేయండి.