Heart Care Tips: గుండె జబ్బులు ఉన్నవారు వీటిని అస్సలు తీసుకోకూడదట.. గుర్తుపెట్టుకోండి!
ప్రస్తుత కాలంలో చాలా మంది ఇబ్బంది పడే సమస్యల్లో గుండె జబ్బులు కూడా ఒకటి. గుండె నొప్పి, రక్త పోటు, గుండెకు ఆక్సిజన్ సరిగ్గా అందకపోవడం, రక్త సరఫరా జరగకపోవడం వంటి సమస్యల్ని ఎదుర్కొంటున్నారు. సరైన ఆహారాలు తీసుకుంటే.. గుండె ఆరోగ్యాన్ని మెరుగుపరచుకునే అవకాశాలు ఉన్నాయి. అయితే గుండె సమస్యలు ఉన్నవారు నెయ్యి, వెన్న అస్సలు తీసుకోకూడదనే గందరగోళం ఉంది. ఎందుకంటే వీటిల్లో సంతృప్త కొవ్వులు..
ప్రస్తుత కాలంలో చాలా మంది ఇబ్బంది పడే సమస్యల్లో గుండె జబ్బులు కూడా ఒకటి. గుండె నొప్పి, రక్త పోటు, గుండెకు ఆక్సిజన్ సరిగ్గా అందకపోవడం, రక్త సరఫరా జరగకపోవడం వంటి సమస్యల్ని ఎదుర్కొంటున్నారు. సరైన ఆహారాలు తీసుకుంటే.. గుండె ఆరోగ్యాన్ని మెరుగుపరచుకునే అవకాశాలు ఉన్నాయి. అయితే గుండె సమస్యలు ఉన్నవారు నెయ్యి, వెన్న అస్సలు తీసుకోకూడదనే గందరగోళం ఉంది. ఎందుకంటే వీటిల్లో సంతృప్త కొవ్వులు ఉంటాయి. దీంతో గుండె జబ్బులు ఎక్కువ అవ్వొచ్చని అనుకుంటూ ఉంటారు. మరి నిజంగానే గుండె సమస్యలు ఉన్నవారు నెయ్యి, వెన్న తీసుకోకూడదా? దీనికి పోషకాహార నిపుణులు ఏం అంటున్నారో ఇప్పుడు తెలుసుకుందాం.
చెడు కొలెస్ట్రాల్ పెరుగుతుంది..
నెయ్యి, వెన్న ఎక్కువగా తీసుకుంటే.. ఖచ్చితంగా శరీరంలో చెడు కొలెస్ట్రాల్ లెవల్స్ అనేవి పెరుగుతాయి. వీటి వల్ల గుండె జబ్బులు ప్రమాదం అనేది పెరుగుతుంది. కానీ నెయ్యిలో మాత్రం ఆరోగ్యకరమైన లక్షణాలు అనేవి ఉన్నాయి. నెయ్యిలో విటమిన్లు ఎ, డి, కెలతో పాటు కాంజుగేటెడ్ లినోలిక్ యాసిడ్ అనే యాంటీ ఆక్సిడెంట్ల కూడా లభ్యమవుతుంది. ఇది గుండెకు ఎంతో మేలు చేస్తుంది.
మితంగా తీసుకోవాలి..
ఆరోగ్య నిపుణులు చెబుతున్న దాని ప్రకారం నెయ్యిని మితంగా తీసుకోవడం.. ఆరోగ్యానికి చాలా మంచిది. ప్రతిరోజూ ఒక టేబుల్ స్పూన్కి మించి ఎక్కువగా తీసుకోవాలి. ఎక్కువగా తీసుకుంటే గుండె సమస్యలు పెరిగే అవకాశాలు ఎక్కువగా ఉంటాయి. గేదె పాలతో తయారు చేసే నెయ్యి కంటే.. ఆవుపాలతో తయారు చేసే నెయ్యి తీసుకోవడం మంచిది.
వెన్న కంటే నెయ్యి బెస్ట్..
గుండె సమస్యలు ఉన్నవారు వెన్న కంటే నెయ్యి తీసుకోవడం ఉత్తమం. వెన్నలో కొవ్వు అనేది ఎక్కువగా ఉంటుంది. వెన్నలో సంతృప్త కొవ్వులే కాకుండా ట్రాన్స్ కొవ్వులు కూడా ఉంటాయి. ఇవి గుండె ఆరోగ్యానికి అస్సలు మంచిది కాదు. కాబట్టి నెయ్యి మంచి ఎంపిక.
హెల్దీ ఫ్యాట్స్ తీసుకోవాలి..
గుండె సమస్యలు ఉన్నవారు ఆరోగ్యకరమైన కొవ్వులను తీసుకోవడం చాలా మంచిది. వీటిని తీసుకోవడం వల్ల గుండె జబ్బులు అనేవి కంట్రోల్ అవుతాయి.
(NOTE: ఇంటర్నెట్లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు TV9 Telugu.com బాధ్యత వహించదు.)
మరిన్ని లైఫ్ స్టైల్ న్యూస్ కోసం క్లిక్ చేయండి..