Millets: అన్నం బదులు వీటిని తింటే షుగర్ మాయం! డయాబెటిస్ పేషెంట్లకు ఈ గింజలు సంజీవని!

Best Millets For Diabetic Patients

చిరుధాన్యాలు అంటే ఏమిటి? వీటిని ఎలా వాడాలి? అనే విషయాలపై చాలామందికి అవగాహన ఉండదు. వీటిలో ఉండే ఫైబర్ అమైనో ఆమ్లాలు శరీరానికి ఎంతో మేలు చేస్తాయి. కేవలం మధుమేహమే కాకుండా, కొలెస్ట్రాల్ తగ్గడానికి, బరువు నియంత్రణకు ఎముకల బలానికి చిరుధాన్యాలు సంజీవనిలా పనిచేస్తాయి. బాలీవుడ్ నటీమణుల నుండి ఫిట్‌నెస్ ఫ్రీక్స్ వరకు అందరూ ఇప్పుడు వీటినే ఎంచుకుంటున్నారు. చిరుధాన్యాల వల్ల కలిగే ఆ అద్భుత ప్రయోజనాలు ఏంటో ఇప్పుడు వివరంగా మీకోసం.

చిరుధాన్యాలు అంటే ఏమిటి?

చిరుధాన్యాలు అనేవి నీటి ఎద్దడి ఉండే ప్రాంతాల్లో కూడా సులభంగా పెరిగే మొక్కలు. వీటిలో ప్రధానంగా ఏడు రకాలు ఉన్నాయి:

కొర్రలు (Foxtail Millet)

సామలు (Little Millet)

అరిగెలు (Kodo Millet)

సజ్జలు (Pearl Millet)

ఆండు కొర్రలు (Browntop Millet)

ఊదలు (Barnyard Millet)

రాగులు (Finger Millet)

వీటిలో తొమ్మిది రకాల అమైనో ఆమ్లాలు ఉంటాయి. ముఖ్యంగా చిరుధాన్యాల గ్లైసెమిక్ ఇండెక్స్ కేవలం 53 మాత్రమే ఉండటం వల్ల రక్తంలో చక్కెర స్థాయిలు అదుపులో ఉంటాయి.

ఆరోగ్య ప్రయోజనాల గని!

కొలెస్ట్రాల్ నియంత్రణ: చెడు కొలెస్ట్రాల్ సమస్యతో బాధపడేవారికి ఇది గొప్ప ఔషధం. ఇందులోని పీచు పదార్థం (Fiber) కొలెస్ట్రాల్‌ను తగ్గించి గుండెను ఆరోగ్యంగా ఉంచుతుంది.

బలమైన జీవక్రియ: చిరుధాన్యాలు తినడం వల్ల మెటబాలిజం పెరిగి ఆహారం త్వరగా జీర్ణమవుతుంది. ఇది అజీర్ణం, ఊబకాయం కీళ్ల వాపులను నివారిస్తుంది.

ఎముకల బలం: ఇందులో పొటాషియం, కాల్షియం మెగ్నీషియం పుష్కలంగా ఉంటాయి. ఇవి దంతాలు ఎముకలకు గట్టిదనాన్ని ఇస్తాయి.

ఎలా వినియోగించాలి?

చిరుధాన్యాలను కిచిడీ, ఇడ్లీ, దోశ, పొంగలి లేదా గంజి రూపంలో తీసుకోవచ్చు. వీటి పిండితో బిస్కెట్లు, ఉప్మా లేదా రోటీలు కూడా చేసుకోవచ్చు. మంచి ఫలితాల కోసం వీటిని ఉదయం పూట తీసుకోవడం ఉత్తమమని నిపుణులు చెబుతున్నారు.

గమనిక: ఇది కేవలం సమాచారం మాత్రమే. సంస్థ దీనికి బాధ్యత వహించదు. మీ డైట్‌లో మార్పులు చేసే ముందు వైద్యుడిని లేదా పోషకాహార నిపుణుడిని సంప్రదించండి.