Longevity Diet: ఈ డైట్‌ ఫాలో అయితే 120 ఏళ్లు బతకొచ్చట? ఇందులో ఏమేం తినాలంటే..

Longevity Diet

లాంజెవిటీ అంటే ‘దీర్ఘాయువు’ అని అర్థం. అంటే ఈ డైట్.. ఎక్కువకాలం జీవించడం కోసం డిజైన్ చేశారన్న మాట.  అయితే ఈ డైట్ ప్రత్యేకంగా వయసుపై బడిన వాళ్ల కోసం రూపొందించినట్టు వాల్టర్ లాంగో చెప్తున్నాడు. ఈ డైట్ లో ఎక్కువ ఆకుకూరలు, తక్కువ ప్రొటీన్స్, ఉపవాసం.. అనే మూడు ముఖ్యమైన రూల్స్ ఉంటాయి. ఈ డైట్ శరీరం ఏజింగ్ ప్రాసెస్‌ను స్లో చేసి ఎక్కువకాలం జీవించేలా చేస్తుందట. ఇంతకీ ఈ డైట్ లో ఏమేం తినాలంటే..

రూల్స్ ఇవే..

ఈ డైట్‌ లో ఆకుకూరలు, ఫ్రూట్స్, బీన్స్‌, నట్స్‌, ఆలివ్‌ నూనె, సీ ఫుడ్ లాంటివి తినాలి. మాంసం, పాల ఉత్పత్తులు చాలా తక్కువగా తీసుకోవాలి. అలాగే ఫ్యాట్స్, షుగర్స్‌ను తీసుకోకూడదు. ఈ డైట్‌లో బరువుని బట్టి ప్రొటీన్లు తీసుకోవాలి. ఒక రోజులో ఒక కిలో బరువుకు 0.68 నుంచి 0.80 గ్రాముల కంటే ఎక్కువ ప్రొటీన్‌ తీసుకోకూడదు. ఉదాహరణకు ఒక వ్యక్తి 60 కిలోల బరువుంటే.. రోజుకు 40.8 నుంచి 48 గ్రాములకు మించి ప్రొటీన్లు తీసుకోకూడదు. ఈ డైట్‌లో మరో రూల్ ఏంటంటే.. ఆహారాన్ని విడతల వారీగా తీసుకోవాలి.  రోజులో తీసుకునే మొత్తం ఆహారాన్ని కేవలం 12 గంటల్లోనే తినాలి. ఉదాహరణకు ఉదయం 7 గంటలకు మొదటి మీల్ తీసుకుంటే సాయంత్రం 7 గంటల లోపు రెండు లేదా మూడవ మీల్‌ తినేయాలి. అలా 12 గంటల్లోపు  తినేలా ప్లాన్ చేసుకోవాలి. మిగతా టైం అంతా ఉపవాసం ఉండాలి.

ఈ సమస్యలు ఉండవు

ఇకపోతే ఈ డైట్ లో భోజనానికి నిద్రకు మధ్య కనీసం నాలుగు గంటల గ్యాప్ ఉండాలి. అలాగే వారంలో రెండు రోజులు మాత్రం రెండు వేల కంటే తక్కువ క్యాలరీలుండే ఆహారాన్ని తీసుకోవాలి.  ఈ డైట్‌లో  ఉడికించిన, గ్రిల్ చేసిన ఆహారాన్ని కూడా తీసుకోవచ్చు.  బేకింగ్ ఫుడ్స్, వేగించిన ఫుడ్ తినకూడదు. విటమిన్, మినరల్ సప్లిమెంట్లు లేదా ఇతర మందులు వాడుతున్నవాళ్లు వాటిని కంటిన్యూ చేయొచ్చు. ఈ డైట్‌ను పాటించడం వల్ల రక్తంలో గ్లూకోజ్‌ లెవల్స్ కంట్రోల్‌లో ఉంటాయి.  టైప్‌2 డయాబెటిస్, ఒబెసిటీ, గుండె సమస్యల ప్రమాదం తగ్గుతుంది. ఇవన్నీ ఎక్కువ కాలం జీవించేందుకు సాయం చేస్తాయని లాంగో చెప్తున్నారు.

నోట్: ఇందులో అందించిన సమాచారం, పరిష్కారాలు కేవలం సాధారణ అవగాహన కోసం మాత్రమే. మేము వాటిని నిర్ధారించడం లేదు. వాటిని అనుసరించే ముందు దయచేసి ఆరోగ్య నిపుణుడిని సంప్రదించండి.

మరిన్ని ఆరోగ్య కథనాల కోసం ఇక్కడ క్లిక్‌ చేయండి.