Viral Video: పెళ్లి ఏముంది బుజ్జిగా..10 రోజుల తర్వాత చేసుకోవచ్చు.. ప్రాణాలు రిస్క్ పెట్టి థర్మకోల్ షీట్తో
మహారాష్ట్ర నాందేడ్ జిల్లాలో కురుస్తున్న భారీ వర్షాలకు నదులు పొంగిపొర్లుతున్నాయి. దీంతో అనేక గ్రామాలకు రాకపోకలు నిలిచిపోయాయి. ఈ క్రమంలో తన పెళ్లి కోసం ఓ యువకుడు సాహసం చేశాడు.
Nanded Rains: మహారాష్ట్ర(Maharashtra)లోని నాందేడ్ జిల్లాలో ఐదు రోజులుగా భారీ వర్షాలు కురుస్తున్నాయి. దీంతో నదులు పొంగిపొర్లుతున్నాయి. దీంతో అనేక గ్రామాలకు నగరంతో సంబంధాలు తెగిపోయి రవాణా వ్యవస్థ కుప్పకూలింది. ఈ క్రమంలోనే హడ్గావ్ తాలూకాలోని కొర్రీకి చెందిన వరుడు.. పెళ్లి మండపానికి చేరుకునేందుకు పెద్ద సాహాసం చేశాడు. థర్మకోల్ షీట్ సాయంతో 7 కిలోమీటర్ల దూరంలోని ఉమర్ఖేడ్ మండలం సంగమ్ చించోలి వరకు నీటిలో ప్రయాణించాడు. అతడితో పాటు బంధువులు సైతం థర్మకోల్ షీట్ల సాయంతోనే వివాహానికి వెళ్లారు. తమ జీవితాలను రిస్క్‌లో పెట్టి వరదలో ప్రయాణించి వివాహ వేడుకకు చేరుకున్నారు. భారీ వర్షాల కారణంగా ప్రస్తుతం మహారాష్ట్రలోని పంగంగ, కయాధు నదులు ప్రమాద స్థాయిలో ప్రవహిస్తున్నాయి. ఈ రెండు నదుల సంగమ ప్రాంతంలో ఉన్న చించోలి గ్రామానికి నగరంతో సంబంధాలు తెగిపోయి గ్రామాన్ని వరద నీరు చుట్టుముట్టింది. దీంతో అనుకున్న ముహూర్తానికే అక్కడ పెళ్లి జరిపేందుకు వారు ఈ ప్రమాదకర స్టంట్ చేశారు.
మరిన్ని జాతీయ వార్తల కోసం ఇక్కడ క్లిక్ చేయండి