Viral Video: డాడీ నువ్వు మాతో వచ్చెయ్.. యుద్ధ భూమిలో ఆ సంఘటన చూస్తే మీకు కన్నీళ్లు రాక మానవు..
Viral Video: దేశం కోసం తన తండ్రి యుద్ధం(Russia Ukraine War) చేస్తున్నట్లు ఆ బుడ్డోడికి తెలియదు పాపం. రష్యా సేనల నుంచి తన ప్రజలను, భూభాగాన్ని కాపాడటమే తన తక్షణ కర్తవ్యం అనుకున్న ఆ తండ్రి కుటుంబానికి వీడ్కోలు పలికాడు.
Viral Video: దేశం కోసం తన తండ్రి యుద్ధం(Russia Ukraine War) చేస్తున్నట్లు ఆ బుడ్డోడికి తెలియదు పాపం. రష్యా సేనల నుంచి తన ప్రజలను, భూభాగాన్ని కాపాడటమే తన తక్షణ కర్తవ్యం అనుకున్న ఆ తండ్రి కుటుంబానికి వీడ్కోలు పలికాడు. చివరి సారిగా ఉక్రెయిన్ నుంచి సురక్షిత ప్రదేశానికి వెళుతున్న తన కుటుంబాన్ని కలిశాడు ఆ సైనికుడు. తన తండ్రి తమతో రావటం లేదని అర్థమైన ఆ చిన్నోడు కన్నీరుమున్నీరయ్యాడు. తనతోపాటు నువ్వూ రా డాడీ అంటూ ప్రేమగా తనదైన శైలిలో అడిగాడు. తనతో పాటు తండ్రి రావడం లేదని తెలిసి తన చిట్టి చేతులతో అతడిని తడుతూ నాతో ఎందుకు రావంటూ తన బాధను వెళ్లగక్కాడు. ఆ పిల్లవాడికి సర్ధిచెప్పే క్రమంలో ఆ సైనిక తండ్రి అతడికి ఒక చాక్లెట్ ఇచ్చే ప్రయత్నం చేయగా.. నాకు అవేమీ వద్దు నువ్వు మాతో వస్తే చాలంటూ చేసిన ప్రయత్నం చూపరుల మనసును కలిచి వేసింది.
దేశం కోసం కుటుంబాలకు దూరంగా ఉండే ప్రతి సైనికుడి జీవితంలోనూ ఇలాంటి సంఘటనలు సర్వసాధారమేమోననే ఆలోచన చూసిన వారికి రాక మానదు.. ఎట్టకేలకు బిడ్డను తన భార్యకు అప్పగించి విధులకు వెళ్లేందుకు ఆ సైనికుడు వెనుదిరిగాడు. ఆ కుటుంబానికి అంతా మంచే జరగాలంటూ ఈ ట్వీట్ చూసినవారందరూ కోరుతున్నారు.. ప్రస్తుతం ఇంటర్నెట్ లో వైరల్ గా మారిన ఈ వీడియో మీకోసం..
ఇవీ చదవండి..
Viral Video: ఉత్తి చేతులతో బాంబు డిఫ్యూజ్ చేసిన ఉక్రేనియన్.. వీడియో చూస్తే మీకు ఫ్యూజులౌట్..!
Markets Rally: కాషాయ హవాతో పరుగులు తీస్తున్న దేశీయ స్టాక్ మార్కెట్లు.. ఇన్వెస్టర్లకు పండగే పండగ..