
ప్రముఖ డైరెక్టర్ రామ్ గోపాల్ వర్మ ఎప్పుడూ ఏదో ఒక వివాదంతో వార్తల్లో నిలుస్తూంటారు. అందులోనూ ఈ మధ్య మరీ కాంట్రవర్సీలను ఎదుర్కొంటున్నారు. ఈ మధ్య అమృత-ప్రణయ్ల లవ్ స్టోరీ మీద ‘మర్డర్’ అనే సినిమా తీస్తున్న విషయం తెలిసిందే. ఇక ఇటీవలే ఆయన ప్రకటించిన ‘పవర్ స్టార్’ అనే సినిమాను కూడా ఆర్జివి వరల్డ్ థియేటర్లోనే విడుదల చేస్తున్నట్టు ప్రకటించాడు. తాజాగా వర్మ పవర్ స్టార్ సినిమా నుంచి ఓ లుక్ పోస్టర్ను విడుదల చేశాడు. ‘పోస్టర్లో ఎన్నికల తర్వాత కథ అంటూ రాసి ఉంది. పోస్టర్లో ఉన్న నటుడు నల్లని దుస్తులు ధరించి ఉన్నాడు. అంతేకాకుండా పోస్టర్లో ఒక టీ గ్లాస్’ కూడా ఉంది. ఇవన్నీ చూస్తుంటే వర్మ మరోసారి వివాదాల్లోకి రాబోతున్నాడని అర్థమవుతోంది. దీంతో అసలు ఈ సినిమాలో వర్మ ఏం చూపించనున్నాడో అని ఆసక్తిగా ఎదురు చూస్తున్నారు సినీ అభిమానులు.
అలాగే మరో పోస్టర్ కూడా రిలీజ్ చేశాడు వర్మ. అందులో మెగాస్టార్ చిరంజీవి, పవన్ లుక్లు ఉన్నాయి. పవర్ స్టార్ సినిమాలో ఈ ఇద్దరు బ్రదర్స్ కూడా ఓ సన్ని వేశంలో ఉంటారని ట్వీట్ చేశాడు వర్మ. కాగా ఈ పోస్టర్లపై పవర్ స్టార్ పవన్ కల్యాణ్ ఫ్యాన్స్ ఎలా రియాక్ట్ అవుతారో చూడాలి. ఇక ఆర్జీవి లాక్ డౌన్ కారణంగా థియేర్స్ అన్ని బంద్ అయిన సంగతి తెలిసిందే కదా. దీంతో వర్మ ఆర్ జి వి వరల్డ్ థియేటర్ పేరుతో ఓ యాప్ను డెవలప్ చేసి తన సినిమాలను అందులోనే విడుదల చేస్తున్నారు.