పవన్ ‘పింక్’ రీమేక్‌కు.. ఆ ముగ్గురూ ఫిక్స్..?

రాజకీయాల నుంచి కొంత గ్యాప్ తీసుకుని పవర్ స్టార్ పవన్ కళ్యాణ్ మళ్ళీ వెండితెరపై సందడి చేసేందుకు సిద్దమైన సంగతి తెలిసిందే. హిందీ, తమిళ భాషల్లో సూపర్ హిట్ కొట్టిన ‘పింక్’ తెలుగు రీమేక్‌కు గ్రీన్ సిగ్నల్ ఇచ్చారు. దీనికి వేణు శ్రీరామ్ దర్శకత్వం వహిస్తుండగా.. దిల్ రాజు శ్రీ వెంకటేశ్వర బ్యానర్‌పై నిర్మిస్తున్నాడు. ఇటీవలే ఈ సినిమా పూజా కార్యక్రమాలు దిల్ రాజు కార్యాలయంలో జరిగాయి. అయితే తాజాగా ఈ సినిమాలో నటించే హీరోయిన్లపై ఓ వార్త ఇప్పుడు సోషల్ మీడియాలో హల్చల్ చేస్తోంది.

‘జెంటిల్‌మాన్’, ‘జై లవ కుశ’, ‘118’ సినిమాలతో బెస్ట్ పెరఫార్మర్‌గా పేరు తెచ్చుకున్న హీరోయిన్ నివేదా థామస్ ఈ సినిమాలో.. హిందీ వెర్షన్‌లోని  తాప్సీ రోల్ చేయనున్నట్లు తెలుస్తోంది. అలాగే తెలుగమ్మాయి అంజలి, ‘మల్లేశం’ ఫేమ్ అనన్యలను చిత్ర యూనిట్ ఫైనల్ చేశారని ఫిల్మ్‌నగర్ టాక్. ప్రస్తుతం ఈ వార్త సోషల్ మీడియాలో విపరీతంగా చక్కర్లు కొట్టడమే కాకుండా పవన్ కళ్యాణ్ ఫ్యాన్స్ ట్విట్టర్‌లో కూడా షేర్ చేయడంతో వీళ్ళు ముగ్గురూ దాదాపు ఖరారు అయినట్లు సమాచారం. కాగా, దీనిపై ఇంకా అధికారిక ప్రకటన రావాల్సి ఉంది.