భారీ శబ్దం చేస్తోన్న భూ వాతావరణం.. మనకు వినపడటం లేదంతే..

భూమి పైనున్న వాతావరణం భారీ గంట మోగినట్లు శబ్దం చేస్తోందట. ఈ శబ్దం భూమి మొత్తం వినపడుతున్నట్లు శాస్త్రవేత్తలు చెబుతున్నారు. ఈ మేరకు హవాయి యూనివర్సిటీ, క్యోటో యూనివర్సిటీలకు చెందిన పరిశోధకులు వెల్లడించారు. భూమిపై ఉన్న మొత్తం వాతావరణం భారీ శబ్దం చేస్తోందని, కానీ ఆ శబ్ద తీవ్రత అత్యంత ఎక్కువగా ఉండడం వల్ల జీవరాశికి వినపడడం లేదని చెప్పారు.

గత 20 సంవత్సరాలుగా దీనికి సంబంధించి అనేక థియరీలు వెలుగులోకి వచ్చాయని, అయితే వాటిపై తాము మరింత పరిశోధనలు చేసి ఈ విషయాన్ని కనుగొన్నట్లు వెల్లడించారు. ఈ శబ్దం వాతావరణ ఒత్తిడి రూపంలో భారీ తరంగాలుగా భూమధ్య రేఖ మీదుగా ప్రయాణిస్తోందని తెలిపారు. ఈ తరంగాలలో కొన్ని తూర్పు నుంచి పడమరకు ప్రయాణిస్తుండగా, మరికొన్ని పడమర నుంచి తూర్పుకు ప్రయాణిస్తున్నాయి.

ఈ పరిశోధనల కోసం గత 38 ఏళ్లుగా వాతావరణంలో సంభవిస్తున్న అనేక మార్పులను పరిగణలోకి తీసుకునట్లు శాస్త్రవేత్తలు తెలిపారు. ఇదిలా ఉంటే ఈ పరిశోధన భూ వాతావరణంపై మరింతగా దృష్టిపెట్టేలా చేసిందని, ప్రపంచానికి తెలియని ఎన్నో విషయాలు చుట్టూ ఉన్నాయని రుజువు చేసిందని శాస్త్రవేత్తలు వెల్లడించారు.

Also Read: అంబానీ, బఫెట్‌లను దాటేసి.. ప్రపంచ కుబేరుల జాబితాలో ఎలాన్ మస్క్..