01 May 2024
TV9 Telugu
ప్రస్తుతం మార్కెట్లో ఎలక్ట్రిక్‌ కార్ల హవా కొనసాగుతోంది. రకరకాల కార్లు అందుబాటులోకి వస్తున్నాయి.
సింగిల్‌ చార్జింగ్‌తో వందలకొద్ది కిలోమీటర్ల మైలేజీ ఇచ్చే కార్లు అందుబాటులోకి వస్తున్నాయి. సరికొత్త మోడళ్లు విడుదల అవుతున్నాయి.
జర్మనీకి చెందిన లగ్జరీ కార్ల తయారీ సంస్థ బీఎండబ్ల్యూ దేశీయ మార్కెట్‌కు ఎలక్ట్రిక్‌ సెడాన్‌ ఐ5ని పరిచయం చేసింది.
ఎలక్ట్రిక్‌ 5 సిరీస్‌లో భాగంగా విడుదల చేసిన తొలి మాడల్‌ ఇదే కావడం విశేషం. ఈ కారు ధర రూ.1.20 కోట్లుగా నిర్ణయించింది.
సింగిల్‌ చార్జింగ్‌తో 516 కిలోమీటర్లు ప్రయాణించే ఈ కారు.. కేవలం 3.8 సెకండ్లలోనే 100 కిలోమీటర్ల వేగాన్ని అందుకోనుంది.
అలాగే ఈ ఎలక్ట్రిక్‌ కారు గంటకు 230 కిలోమీటర్ల వరకు ప్రయాణించనున్నట్లు కంపెనీ వర్గాలు వెల్లడించాయి.
205కిలోవాట్ల ఏసీ చార్జర్‌ కలిగిన ఈ కారు బ్యాటరీ కేవలం అరగంటలోనే 10 శాతం నుంచి 80 శాతం వరకు చార్జికానుంది.
14.9 అంగుళాల టచ్‌స్క్రీన్‌ డిస్‌ప్లే, 360 డిగ్రీల్లో కెమెరా, ఎలక్ట్రికల్‌ అడ్జస్టబుల్‌ సీట్లతో రూపొందించింది.