ఇటీవల కాలంలో అడవుల్లో ఉండాల్సిన చిరుతపులులు జన సంచారంలోకి వస్తున్నాయి. గత కొన్ని రోజుల క్రితం తెలంగాణలోని ఆదిలాబాద్ జిల్లాలోని ప్రజలకు చిరుత కంటిమీద కునుకు లేకుండా చేసింది. పొలాల్లో ఉన్నవారిని లాక్కెళ్లి చంపేసిన ఘటన మరువక ముందే మరోసారి జనసంచారంలోకి చిరుత ప్రవేశించింది. ఈసారి ఏకంగా లేడిస్ హాస్టల్లోకి ప్రవేశించిన ఘటన కర్నాటక రాష్ట్రంలో జరిగింది. ఇందుకు సంబంధించిన వీడియో సోషల్ మీడియాలో వైరల్ అయ్యింది.
కర్నాటక రాష్ట్రంలోని చామరాజ్నగర్ పట్టణంలోని ఓ మెడికల్ కాలేజీలో ఉన్న లేడిస్ హాస్టల్లోకి బుధవారం రాత్రి వేళలో చిరుతపులి ప్రవేశించింది. ఫస్ట్ఫ్లోర్లోకి వెళ్ళిన చిరుత అక్కడ ఉన్న గదుల దగ్గరకు వెళ్ళి చూసింది. చిరుత వచ్చిన సమయంలో విద్యార్థులంతా గదులకు తలుపులు వేసి పడుకున్నారు. ఎవరు కనిపించకపోవడంతో అటు ఇటూ చూసి ఆ చిరుత తిరిగి వెళ్ళిపోయింది. ఆ సమయంలో ఎవరు బయటకు రాకపోవడంతో పెద్ద ప్రమాదం తప్పింది. ఈ సన్నివేశాలు మొత్తం అక్కడున్న సీసీ కెమెరాలో రికార్ట్ అయ్యాయి. ప్రస్తుతం ఆ వీడియో సోషల్ మీడియాలో వైరల్ అవుతోంది.
#OMG! Students at a medical college watch a #CCTV grab of a #leopard that entered their #hostel campus in Chamarajanagar, #Karnataka last night. #animal #conflict @IFS_Karnataka @ParveenKaswan @Amitsen_TNIE #AnimalCrossingNewHorizons @BoskyKhanna @aranya_kfd pic.twitter.com/vY5c8nbFMw
— anil lulla (@anil_lulla) January 7, 2021
Also Read: Leopard: నిర్మల్ జిల్లాలో చిరుతపులి సంచారం.. ఆవు దూడపై దాడి.. భయాందోళనలో ప్రజలు..