అమీన్పూర్ ఘటనలో అదిరిపోయే ట్విస్ట్.. బాలిక అల్లిన కట్టుకథ ఇదే!
అమీన్పూర్లో మైనర్ బాలికపై గ్యాంగ్ రేప్ కేసు కీలక మలుపు తిరిగింది. బాలికపై అత్యాచారం జరగలేదని సంగారెడ్డి పోలీసులు స్పష్టం చేశారు. తనపై అత్యాచారం జరగలేదని బాలిక పోలీసు విచారణలో తెలిపిందని.. అంతేకాకుండా వైద్య పరీక్షల్లోనూ అత్యాచారం జరగలేదని తేలినట్లు వారు వెల్లడించారు. బాలిక తన బాయ్ఫ్రెండ్తో కలిసి సినిమాకు వెళ్లి.. తనపై అత్యాచారం జరిగిందంటూ కట్టుకథ సృష్టించిందని జిల్లా ఎస్పీ చంద్రశేఖర్రెడ్డి వెల్లడించారు. కుటుంబ సభ్యుల సమక్షంలో బాలికను విచారించడంతో భయపడి నిజం మొత్తం బయటపెట్టిందని […]
Updated on: Jan 24, 2020 | 2:17 PM
అమీన్పూర్లో మైనర్ బాలికపై గ్యాంగ్ రేప్ కేసు కీలక మలుపు తిరిగింది. బాలికపై అత్యాచారం జరగలేదని సంగారెడ్డి పోలీసులు స్పష్టం చేశారు. తనపై అత్యాచారం జరగలేదని బాలిక పోలీసు విచారణలో తెలిపిందని.. అంతేకాకుండా వైద్య పరీక్షల్లోనూ అత్యాచారం జరగలేదని తేలినట్లు వారు వెల్లడించారు. బాలిక తన బాయ్ఫ్రెండ్తో కలిసి సినిమాకు వెళ్లి.. తనపై అత్యాచారం జరిగిందంటూ కట్టుకథ సృష్టించిందని జిల్లా ఎస్పీ చంద్రశేఖర్రెడ్డి వెల్లడించారు. కుటుంబ సభ్యుల సమక్షంలో బాలికను విచారించడంతో భయపడి నిజం మొత్తం బయటపెట్టిందని పోలీసులు తెలిపారు.
బాలికను సినిమాకు తీసుకెళ్లిన ఆమె బాయ్ఫ్రెండ్ సందీప్ను అరెస్ట్ చేశాం. అంతేకాకుండా అతనిపై ఫోక్స్చట్టం కింద కేసును కూడా నమోదు చేశామని అన్నారు. అటు సోషల్ మీడియాలో తప్పుడు ప్రచారం చేసినందుకు బాలిక ఇంటి యజమానిపై కూడా కేసు నమోదు చేసినట్లు ఎస్పీ వెల్లడించారు.
