జమ్మూ కాశ్మీర్ పుల్వామా జిల్లాలో బ్రిడ్జ్ కింద బాంబు ! పసిగట్టి నిర్వీర్యం చేశారు
జమ్మూ కాశ్మీర్ లోని సోపోర్-కుప్వారా రోడ్ సమీపంలోని ఆరాం పురాలో ఓ బ్రిడ్జి కింద దాచిన పేలుడు పదార్థాలను పోలీసులు, జవాన్లు కనుగొన్నారు. ఈ వంతెన కింద ఇసుక బస్తాలో దాచిన వీటిని వారు నిర్వీర్యం చేశారు..
జమ్మూ కాశ్మీర్ లోని సోపోర్-కుప్వారా రోడ్ సమీపంలోని ఆరాం పురాలో ఓ బ్రిడ్జి కింద దాచిన పేలుడు పదార్థాలను పోలీసులు, జవాన్లు కనుగొన్నారు. ఈ వంతెన కింద ఇసుక బస్తాలో దాచిన వీటిని వారు నిర్వీర్యం చేశారు. పుల్వామాను బడ్గామ్ జిల్లాతో కలిపే ఈ రోడ్డు మార్గం ద్వారానే నిత్యం భద్రతా దళాలు ప్రయాణిస్తుంటాయి. ఉగ్రవాదులే ఈ బాంబును, ఇతర పేలుడు పదార్థాలను దాచి ఉంటారని భావిస్తున్నారు. ఇవి పేలిపోయి ఉంటే భారీగా ప్రాణ, ఆస్తినష్టం జరిగి ఉండేదని అధికారులు తెలిపారు. ఇటీవల పుల్వామా జిల్లాలోని తూజాన్ గ్రా మంలో కూడా ఓ బ్రిడ్జ్ కింద దాచి ఉంచిన బాంబును సెక్యూరిటీ దళాలు కనుగొని నిర్వీర్యం చేశాయి. తాజా ఘటనతో ఆ ప్రాంతంలో ఆణువణువూ గాలించే పనిలో జవాన్లు పడ్డారు.