బీహార్లో ‘కన్యాదానం’ మూవీ సీన్ రిపీట్

కన్యాదానం సినిమాను తలపించే ఈ సంఘటన బీహార్‌లో జరిగింది. బీహార్‌లోని భాగల్పూర్‌‌ సమీపంలోని సాలెపూర్‌కు చెందిన ఓ వ్యక్తికి వివాహమయ్యింది. ఈ దంపతులకు ఓ బాబు కూడా ఉన్నాడు. భర్త ఓ కేసులో అరెస్ట్ కావడంతో జైలు శిక్ష విధించారు. తర్వాత భార్య కొడుకుతో అద్దె ఇంట్లోనే నివాసం ఉంది. ఈ క్రమంలో ఆమె ఇంటి యజమాని కుమారుడితో పరిచయం పెంచుకోగా.. ఇద్దరి మధ్య ప్రేమ ఏర్పడింది.

ఈలోపు భర్త జైలు నుంచి విడుదలయ్యాడు. కొద్దిరోజుల తర్వాత తన భార్య యజమాని కుమారుడితో ప్రేమలో ఉందని తెలుసుకున్నాడు. ఆమె ప్రేమను అర్ధం చేసుకొని ఆ యువకుడికి ఇచ్చి వివాహం చేశాడు. అంతేకాదు రెండున్నరేళ్ల బాలుడ్ని కూడా వారికే అప్పగించాడు. తానే పెళ్లి పెద్దగా మారి దగ్గరుండి వివాహాన్ని జరిపించాడు.