గుట్టు చప్పుడు కాకుండా పెళ్లి చేసుకున్న.. మిర్చి భామ!
లీడర్, మిరపకాయ్, మిర్చీ వంటి పలు చిత్రాల్లో హీరోయిన్‌గా నటించిన రిచా గంగోపాధ్యాయ గుట్టు చప్పుడు కాకుండా పెళ్లి చేసుకుంది. ప్రస్తుతం ఈ వార్త వైరల్‌గా మారింది. టాలీవుడ్‌తో పాటు కోలీవుడ్‌లోనూ నటిగా మెరిసిన ఈ భామ కొన్నాళ్లుగా సినిమాలకు దూరంగా ఉంది. హయర్ స్టడీస్ కోసం వాషింగ్టన్ వెళ్లిన ఈ భామ అక్కడ తన సహ విద్యార్థి అయిన జోను ప్రేమించింది. అంతేకాకుండా.. 2019 జనవరిలోనే ఆమె నిశ్చితార్థం అయినట్టు ట్విట్టర్‌లో తెలిపింది రిచా. అలానే.. […]
లీడర్, మిరపకాయ్, మిర్చీ వంటి పలు చిత్రాల్లో హీరోయిన్‌గా నటించిన రిచా గంగోపాధ్యాయ గుట్టు చప్పుడు కాకుండా పెళ్లి చేసుకుంది. ప్రస్తుతం ఈ వార్త వైరల్‌గా మారింది. టాలీవుడ్‌తో పాటు కోలీవుడ్‌లోనూ నటిగా మెరిసిన ఈ భామ కొన్నాళ్లుగా సినిమాలకు దూరంగా ఉంది. హయర్ స్టడీస్ కోసం వాషింగ్టన్ వెళ్లిన ఈ భామ అక్కడ తన సహ విద్యార్థి అయిన జోను ప్రేమించింది. అంతేకాకుండా.. 2019 జనవరిలోనే ఆమె నిశ్చితార్థం అయినట్టు ట్విట్టర్‌లో తెలిపింది రిచా. అలానే.. తనకు కాబోయే భర్త ఫొటోలు కూడా షేర్ చేసింది.
అయితే.. ఇప్పుడు తాజాగా వైరల్ అయిన ఫొటోలను చూస్తుంటే.. వారిద్దరికీ పెళ్లినట్టు తెలుస్తోంది. హిందూ, క్రిస్టియన్ పద్దతుల్లో ఆమె వివాహం జరిగినట్టు ఫొటోల్లో కనిపిస్తోంది. ఈ ఫొటోలను చూస్తుంటే ఎంతో సింపుల్‌గా వీరి మ్యారేజ్ అయినట్టు తెలుస్తోంది. పెద్దలు, స్నేహితుల సమక్షంలో వీరిద్దరూ ఒక్కటయ్యారు. కానీ.. రిచా మాత్రం ఇప్పటివరకూ ఆమె పెళ్లిపై స్పందించలేదు.
రానా నటించిన మొదటి చిత్రం ‘లీడర్’ సినిమాతో రిచా.. తెలుగు ప్రేక్షకులకు పరిచయమైంది. అనంతరం నాగవల్లి, మిరపకాయ్, సారొచ్చారు, మిర్చీ, భాయ్ సినిమాల్లో నటించింది. 2013 నుంచి రిచా సినిమాకు దూరంగా ఉంది.
