బాలీవుడ్ నవ్వుల రాజు జగదీప్ ఇకలేరు

Actor Jagdeep passes away : ప్రముఖ బాలీవుడ్ నవ్వుల రాజు జగదీప్ (81) కన్నుమూశారు. ముంబైలోని ఆయన నివాసంలో వయసు సంబంధిత ఆరోగ్య సమస్యలతో తుదిశ్వాస విడిచారు. మధ్యప్రదేశ్‌లోని దాటియాలో మార్చి 29, 1939న జన్మించారు. జగదీప్ అసలు పేరు సయ్యద్ ఇష్తియాక్ అహ్మద్ జాఫ్రీ.. అయితే సినిమాల్లోకి ఎంట్రీ ఇచ్చిన తర్వాత ఆయన పేరును జగదీప్‌గా మార్చుకున్నారు.

బాలీవుడ్‌లో తనదైన హాస్యంతో ప్రేక్షకులను మెప్పించారు. దాదాపు 500 సినిమాల్లో నటించిన జగదీప్  బాలనటుడిగా బాలీవుడ్‌లోకి ఎంట్రీ ఇచ్చారు. అద్భుతమైన నటనతో రాణించిన జగదీప్.. షోలే, పురానా మందిర్, అందాజ్ అప్నా అప్నా వంటి సినిమాల్లో ఆయన పోషించిన పాత్రలను ప్రేక్షకులు మరిచిపోలేరు.

ప్రముఖ నటుడు, డ్యాన్సర్ జావేద్ జాఫ్రీ ఆయన కుమారుడు. షోలే చిత్రంలో ఆయన పోషించిన సూర్మా భోపాలీ పాత్ర ఆయనకు మంచి పేరు తెచ్చి పెట్టింది. అందాజ్ అప్నా అప్నాలో సల్మాన్ ఖాన్ తండ్రిగా ఆయన నటించి మెప్పించారు. జగదీప్ చివరి చిత్రం గల్లీ గల్లీ చోర్ హై. ఇందులో ఆయన పోలీస్ కానిస్టేబుల్ పాత్రలో నటించారు.

జగదీప్ మ‌ృతికి అజయ్ దేవగన్, మధుర్ భండార్కర్, అనీల్ కపూర్ తోపాటు బాలీవుడ్ చిత్ర పరిశ్రమ సంతాపం ప్రకించింది.