చెల్లిని కాపాడ్డానికి కుక్క‌తో అన్న పోరాటం..ప్రపంచ బాక్సింగ్ ఛాంప్గా ఘనత
అమెరికాలోని వ్యోమింగ్కు చెందిన బ్రిడ్జర్ వాకర్ అనే ఆరేళ్ల చిన్నోడు ఇప్పుడు ఇంట‌ర్నెట్ లో సెన్సేష‌న్ మారాడు. ఇతడు చేసిన ఓ ప‌ని తెలిస్తే మీరు కూడా మెచ్చుకోకుండా ఉండరు.
అమెరికాలోని వ్యోమింగ్కు చెందిన బ్రిడ్జర్ వాకర్ అనే ఆరేళ్ల చిన్నోడు ఇప్పుడు ఇంట‌ర్నెట్ లో సెన్సేష‌న్ మారాడు. ఇతడు చేసిన ఓ ప‌ని తెలిస్తే మీరు కూడా మెచ్చుకోకుండా ఉండరు. ఇంటి ద‌గ్గ‌ర్లో తన చెల్లితో కలిసి వాకర్ ఆడుకుంటుండగా.. ఓ కుక్క ఒక్క‌సారిగా అటాక్ చేసింది. దీంతో తన బుజ్జి సోద‌రిని కాపాడానికి అత‌డు వీరోచితంగా పోరాడాడు. కుక్క దాడి చేస్తోన్నా.. ఓ యోధుడిలా దానిని ఎదిరించి నిల‌బ‌డ్డాడు. ఈ స‌మ‌యంలో తన ముఖం చిట్లి రక్తం దార‌లుగా కారుతున్నా..అత‌డు పోరాటం ఆప‌లేదు. ఆఖరుకు అరుపులు విని వారి పేరెంట్స్ అక్క‌డికి చేరుకున్నారు. అప్పటికే ముఖం క‌న‌ప‌డ‌కుండా ర‌క్తంతో నిండిపోయింది. తన సోద‌రిని కాపాడ‌టానికి…అత‌డు ప్రాణాలే ప‌ణంగా పెట్టాడు. ఆ త‌ర్వాత బ‌డ‌త‌డిని ఆస్ప‌త్రికి తీసుకెళ్ల‌గా… ఏకంగా 90 కుట్లు పడ్డాయి. ఆపరేషన్ చేసేందుకు వైద్యులు రెండు గంటలు శ్రమించారట.
ఈ విషయాన్ని బాల‌డి అత్త సామాజిక మాధ్య‌మాల్లో పెట్టగా.. విపరీతంగా ట్రెండింగ్ అయింది. బాలుడి పోరాట పటిమను అందరూ ప్రైజ్ చేస్తున్నారు. విషయం తెలుసుకున్న ప్రపంచ బాక్సింగ్ కౌన్సిల్ చిన్నోడిని ప్రపంచ బాక్సింగ్ ఛాంపియన్(గౌరవార్థం)గా అనౌన్స్ చేసింది. బ్రిడ్జర్కు అవార్డు ఇవ్వడాన్ని హెవీవెయిట్ ఛాంపియన్ టైసన్ ఫ్యూరీ వంటి వారు చాలామంది స్వాగతించారు. కమిలిపోయిన ముఖంతో ఉన్న బ్రిడ్జర్ ఫొటోకు భారీగా లైక్లు, లక్షల సంఖ్య‌లో లైకులు, షేర్లు వ‌స్తున్నాయి.
కుక్క దాడికి య‌త్నించిన‌ప్పుడు ఎందుకు పారిపోలేదని తండ్రి.. బ్రిడ్జర్ను అడ‌గ్గా.. మ‌న‌సు హత్తుకునే సమాధానం ఇచ్చాడట. “కుక్క చేతిలో ఎవరైనా చ‌నిపోవాల్సి వస్తే.. అది నేను మాత్రమే అయి ఉండాలి అనుకున్నా” అని చెప్పేస‌రికి తండ్రి కన్నీళ్లు పెట్టుకున్నాడ‌ట. ఇప్పుడు చెప్పండి ఈ బుడ్డోడిని మీరు ప్ర‌శంసించ‌కుండా ఉండ‌గ‌లారా..!
