Breaking News
  • కర్నూలు: ప్రమాదంలో శ్రీశైలం డ్యామ్‌. పగుళ్లు వచ్చి డ్యామ్‌ ప్రమాదంలో ఉందని రాజేంద్రసింగ్‌ హెచ్చరిక. పగుళ్లతో వాటర్‌ లీకేజీలు ఎక్కువగా ఉన్నాయన్న రాజేంద్రసింగ్‌. గంగాజల్‌ సాక్షరత యాత్రలో భాగంగా శ్రీశైలం డ్యామ్‌ పరిశీలన. ప్రధాన డ్యామ్‌ ఎదురుగా భారీ గొయ్యి ఏర్పడింది. డ్యామ్‌ గేట్లు ఎత్తిన ప్రతీసారి మరింత పెద్దదవుతుంది. ఆ గొయ్యి విస్తరిస్తూ డ్యామ్‌ పునాదుల వరకు వెళ్తోంది. చాలా కాలం నుంచి లీకేజీలు వస్తున్నా పట్టించుకోలేదు. డ్యామ్‌ నిర్వహణ సరిగా లేకపోవడంతో ప్రమాదంగా మారింది.
  • శ్రీశైలం డ్యామ్‌కు పగుళ్లు వాస్తవమేనంటున్న అధికారులు. పరిస్థితిపై ప్రభుత్వానికి వివరించాం. డ్యామ్‌ కొట్టుకుపోయేంత ముప్పులేదంటున్న అధికారులు.
  • కాకినాడ: వైద్యం వికటించి యువకుడి పరిస్థితి విషమం. కడుపు నొప్పి రావడంతో ఫౌండేషన్‌ ఆస్పత్రిలో చేరిన యువకుడు. మూడు రకాల ఇంజెక్షన్‌లు చేసిన ఆస్పత్రి వైద్యులు. యువకుడి పరిస్థితి విషమించడంతో ట్రస్ట్‌ ఆస్పత్రికి తరలింపు.
  • కొలిక్కి రాని మహారాష్ట్ర పంచాయితీ. ముంబైలో నేడు వేర్వేరుగా కాంగ్రెస్‌, ఎన్సీపీ నేతల సమావేశం.
  • కొమురంభీంఆసిఫాబాద్‌: కాగజ్‌నగర్‌లో దారుణం. తల్లి సంధ్య గొంతు కోసిన కొడుకు. తల్లి పరిస్థితి విషమం, మంచిర్యాల ఆస్పత్రికి తరలింపు. అంగన్‌వాడీ టీచర్‌గా పనిచేస్తున్న సంధ్య.
  • ప్రకాశం: అద్దంకిలో రెండు ఇళ్లలో చోరీ. 7 సవర్ల బంగారం, రూ.10వేల నగదు, 2 సెల్‌ఫోన్లు అపహరణ.
  • నేడు జనగామ, మహబూబాద్‌ జిల్లాల్లో మంత్రి ఎర్రబెల్లి పర్యటన. పలు అభివృద్ధి కార్యక్రమాలలో పాల్గొననున్న ఎర్రబెల్లి దయాకర్‌రావు.
  • చిత్తూరు: రామకుప్పం మండలం ననియాలతండాలో దారుణం. వేటగాళ్లు అమర్చిన విద్యుత్‌ తీగలు తగిలి రవి అనే వ్యక్తి మృతి. రవి మృతదేహాన్ని రహస్యంగా కాల్చివేసిన వేటగాళ్లు. రవిని హత్య చేశారంటున్న ననియాల గ్రామస్తులు. పలువురిని అదుపులోకి తీసుకొని విచారిస్తున్న పోలీసులు. ననియాల, ననియాలతండా గ్రామాలలో ఉద్రిక్తత.

జగన్ చదువుకున్న స్కూల్ ఇదే..!

YS Jagan Mohan Reddy, జగన్ చదువుకున్న స్కూల్ ఇదే..!

హైదరాబాద్ పబ్లిక్ స్కూల్. ఇక్కడ చదువుకున్న విద్యార్థులు ప్రపంచ వ్యాప్తంగా అనేక కీలక పదవుల్లో ఉన్నారు. ఇప్పుడు జగన్ ఏపీ సీఎం కావడంతో హెచ్‌పీఎస్ మరో ఘనతను సొంతం చేసుకుంది. తమతో పాటు చదువుకున్న జగన్ సీఎం కావడంతో తోటి మిత్రులు ఆనందం వ్యక్తం చేశారు. హైదరాబాద్ నగరమంతా ఫ్లెక్సీలు ఏర్పాటు చేశారు.

తన చిన్ననాటి స్నేహితుడు జగన్.. ఏపీ సీఎం కావడం పట్ల హైదరాబాద్ పబ్లిక్ స్కూల్ విద్యార్థులు హర్షం వ్యక్తం చేస్తున్నారు. హెచ్‌పీఎస్‌లో 1979లో ఒకటో తరగతిలో చేరి ప్లస్‌ 2వరకు అక్కడే పూర్తి చేశారు వైఎస్ జగన్మోహన్ రెడ్డి. సినీ నటుడు సుమంత్, సియానత్ పత్రిక మేనేజింగ్ ఎడిటర్ అమీర్ అలీఖాన్, కోటంరెడ్డి వినయ్ రెడ్డి ఆయన క్లాస్‌మేట్స్. జగన్ అన్నింటిలో ముందుండే వారని వారంతా గర్వంగా చెప్తున్నారు. త్వరలో వైఎస్ జగన్‌తో కలిసి ఓల్డ్ స్టూడెంట్ మీట్ ఏర్పాటు చేస్తామంటున్నారు.