Breaking News
  • ఆస్ట్రేలియాలో ధూళి తుఫాన్‌ బీభత్సం. న్యూసౌత్‌ వేల్స్‌ టౌన్‌లో ధూళి తుఫాన్‌తో పాటు వడగళ్ల వాన. పలు ప్రాంతాల్లో నిలిచిపోయిన విద్యుత్‌ సరఫరా. భయంతో పరుగులు తీసిన స్థానికులు.
  • పశ్చిమ బెంగాల్‌ నుంచి రాజ్యసభకు సీతారాం ఏచూరి. ఫిబ్రవరిలో బెంగాల్‌లోని 5 రాజ్యసభ స్థానాలకు జరగనున్న ఎన్నికలు. కాంగ్రెస్‌ సహకారంతో ఏచూరిని రాజ్యసభకు పంపాలని సీపీఎం నిర్ణయం.
  • తమ ర్యాంకులను పటిష్టం చేసుకున్న కోహ్లీ, రోహిత్‌. 886 పాయింట్లతో నెం.1 ర్యాంకులో ఉన్న కోహ్లీ. 868 పాయింట్లతో రెండో స్థానంలో నిలిచిన రోహిత్‌ శర్మ. మూడో స్థానంలో నిలిచిన పాకిస్తాన్‌ బ్యాట్స్‌మన్‌ బాబర్‌ ఆజామ్‌.
  • మాల్దీవుల ప్రాంతంలో బలహీనపడ్డ ఉపరితల ఆవర్తనం. ఆగ్నేయ భారతం నుంచి తెలంగాణ వైపు వీస్తున్న తేమ గాలులు. తెలంగాణలో క్రమంగా పెరుగుతోన్న ఉష్ణోగ్రతలు.
  • కేరళ వెళ్లిన తెలంగాణ అధికారులు. నేడు కేరళ ఉన్నతాధికారులతో భేటీకానున్న తెలంగాణ అధికారులు. కేరళ ప్రవాస సంక్షేమ విధానాలపై అధ్యయనం చేయనున్న అధికారులు.

ఏపీ మాజీ మంత్రి భర్తపై హైదరాబాద్‌లో మరో కేసు… ఎందుకో తెలుసా?

Hyderabad police filed case on AP former minister Akhilapriya husband Bhargavram, ఏపీ మాజీ మంత్రి భర్తపై హైదరాబాద్‌లో మరో కేసు… ఎందుకో తెలుసా?

ఏపీ మాజీ మంత్రి భూమా అఖిల ప్రియ భర్త భార్గవరామ్‌పై హైదరాబాద్ గచ్చిబౌలి పోలీస్ స్టేషన్‌లో మరో కేసు నమోదైంది. కర్నూలు జిల్లా ఆళ్లగడ్డ రూరల్ ఎస్సై ఇచ్చిన ఫిర్యాదు మేరకు ఆయనపై హైదరాబాద్‌లో కేసు నమోదు చేశారు. ఇప్పటికే భార్గవరామ్‌పై రెండు కేసులున్నాయి. ఈ రెండు కేసుల్లో ఆయన తప్పించుకుని తిరుగుతున్నందున ఆయనను పట్టుకునేందుకు సోమవారం హైదరాబాద్‌కు వచ్చారు ఆళ్ళగడ్డ ఎస్‌ఐ.

అయితే గచ్చిబౌలిలోని ఓక్ వుడ్ హోటల్ వద్ద ఏపీ పోలీసులను చూడగానే .. తన కారును ఆపినట్టే ఆపి వెంటనే వేగంగా ముందుకు పోనిచ్చి, అక్కడి నుంచి తప్పించుకునే ప్రయత్నంలో ఎస్‌ఐ రమేశ్ కుమార్‌ను గుద్దే ప్రయత్నం చేశాడు. దీంతో ఆళ్లగడ్డ ఎస్‌ఐ రమేశ్‌కుమార్ గచ్చిబౌలి పోలీసులకు ఫిర్యాదు చేశారు. అఖిలప్రియ భర్త భార్గవరామ్‌పై ఐపీసీ సెక్షన్ 353, 336 సెక్షన్ల కింద కేసు నమోదు చేసి గాలింపు చర్యలు చేపట్టారు. ఇప్పటికే రెండు కేసులున్న భార్గవరామ్‌పై తాజాగా మరోకేసు నమోదైంది.