Home Loan: మొదటిసారి ఇల్లు కొంటున్నారా.. 5 లక్షల పన్ను మినహాయింపు..?
Home Loan: ఆదాయపు పన్ను చట్టం ప్రకారం.. గృహ రుణంపై వడ్డీ, అసలు రెండింటిపై పన్ను మినహాయింపు అందుబాటులో ఉంటుంది. ఈ ప్రయోజనాన్ని
Home Loan: ఆదాయపు పన్ను చట్టం ప్రకారం.. గృహ రుణంపై వడ్డీ, అసలు రెండింటిపై పన్ను మినహాయింపు అందుబాటులో ఉంటుంది. ఈ ప్రయోజనాన్ని ఆదాయపు పన్నులోని వివిధ విభాగాలలో చూడవచ్చు. గృహ రుణంపై రూ.5 లక్షల వరకు పన్ను మినహాయింపును సులభంగా పొందవచ్చు . సెక్షన్ 80C కింద లభించే రూ. 1.5 మినహాయింపు ఉన్నప్పటికీ ఇది కాకుండా గృహ రుణ వడ్డీ, అసలుపై పన్నును ఆదా చేసే కొన్ని విభాగాలు ఉన్నాయి.
ఒక వ్యక్తి గృహ రుణం తీసుకుని అసలు మొత్తాన్ని తిరిగి చెల్లిస్తే అతను దానిపై పన్ను మినహాయింపు పొందుతాడు. షరతు ఏంటంటే రిజర్వ్ బ్యాంక్ అధికార పరిధిలోకి వచ్చే సంస్థ నుంచి మాత్రమే రుణం తీసుకోవాలి. ఇల్లు నిర్మాణంలో ఉన్నట్లయితే దానిపై పన్ను మినహాయింపు ఉండదని గుర్తుంచుకోండి. మీరు లోన్ తీసుకున్న ఇంటిని లోన్ తీసుకున్న 5 సంవత్సరాలలోపు అమ్మలేరు. మీరు విక్రయిస్తే మీ మొత్తం ఆదాయంపై పన్ను విధిస్తారు.
వడ్డీ రాయితీ
సెక్షన్ 24 ప్రకారం గృహ రుణంపై చెల్లించే వడ్డీపై రూ.2 లక్షల రాయితీ ఉంటుంది. ఈ రుణం మీ ఆస్తిపై తీసుకోవాలి. ఆస్తిని అద్దెకు ఇచ్చి దానిపై గృహ రుణం తీసుకుంటే మొత్తం వడ్డీకి మినహాయింపు ఉంటుంది. ఇంటి నిర్మాణం మొత్తం పూర్తయినప్పుడే ఈ పన్ను మినహాయింపు లభిస్తుంది. ఇంటి నిర్మాణ సమయంలో రుణంపై వడ్డీని చెల్లించినట్లయితే ఇంటి నిర్మాణం తర్వాత దానిని 5 వేర్వేరు వాయిదాలలో క్లెయిమ్ చేసుకోవచ్చు.
ఎంత తగ్గింపు పొందుతారు
మీరు 5 లక్షల వరకు పన్ను మినహాయింపు పొందుతారు. మీరు గృహ రుణం తీసుకొని మొదటిసారిగా ఇంటిని కొనుగోలు చేస్తున్నారని అనుకుందాం. అంటే ఇంటి నిర్మాణానికి గృహ రుణం తీసుకోవడం లేదు. రెడి-టు-మూవ్ సెక్షన్ 80C కింద అసలు మొత్తంపై రూ. 1.5 లక్షల పన్ను మినహాయింపు తీసుకోవచ్చు. సెక్షన్ 24 కింద హోమ్ లోన్ అసలు రీపేమెంట్‌పై రూ. 2 లక్షల రాయితీని పొందవచ్చు. సెక్షన్ 80EEA కింద వడ్డీపై రూ. 1.5 లక్షల అదనపు మినహాయింపు తీసుకోవచ్చు. ఈ విధంగా మొత్తం మినహాయింపు మొత్తం 5 లక్షలు అవుతుంది.
సెక్షన్ 80EEA నిబంధన 2019 సంవత్సరపు బడ్జెట్‌లో ప్రవేశపెట్టారు. రుణంపై పన్ను మినహాయింపు షరతు ఏంటంటే రుణాన్ని ఏదైనా బ్యాంకు, బ్యాంకింగ్ కంపెనీ లేదా హౌసింగ్ ఫైనాన్స్ కంపెనీ నుంచి తీసుకోవాలి. ఈ లోన్ 1 ఏప్రిల్ 2019 నుంచి 31 మార్చి 2022 మధ్య తీసుకోవాలి. ఆస్తి స్టాంపు డ్యూటీ 45 లక్షలకు మించకూడదు. గృహ రుణం మంజూరు చేసిన తేదీ వరకు రుణదాతకు ఇతర నివాస గృహ రుణం ఉండకూడదు.