Knowledge: తేనెటీగలు ఒక వ్యక్తిని కుట్టిన తర్వాత చనిపోతాయా.. నిజం ఏంటో తెలుసుకోండి..!

Bees Die

Knowledge: ఒక వ్యక్తిని కుట్టిన తర్వాత తేనెటీగ చనిపోతుందని చాలా మంది నమ్ముతారు. ఇందులో ఎంతవరకు నిజం ఉందో ఒక పరిశోధకుడు కనుగొన్నాడు. ప్రపంచవ్యాప్తంగా దాదాపు 20 వేల రకాల తేనెటీగలు ఉన్నాయని వాటిలో కొన్ని మనుషులను కుట్టలేవని ఆయన తెలిపాడు. సాధారణ భాషలో చెప్పాలంటే అన్ని తేనెటీగలు మనుషులను కుట్టవు. కొన్ని జాతులు మాత్రమే కుడుతాయి. వివిధ తేనెటీగల మధ్య వ్యత్యాసం ఎందుకుందో పరిశోధన చేయగా ఆశ్చర్యకరమైన విషయాలు వెలుగులోకి వచ్చాయి.

1. గత రెండు దశాబ్దాలుగా తేనెటీగలపై పరిశోధనలు చేస్తున్న వాషింగ్టన్ స్టేట్ యూనివర్శిటీకి చెందిన మాలిక్యులర్ బయాలజిస్ట్ నికోలస్ నేగర్ ప్రపంచవ్యాప్తంగా 500 కంటే ఎక్కువ జాతుల తేనెటీగలు ఉన్నాయని అవి మానవులను కుట్టలేవని పేర్కొన్నారు. ఈ తేనెటీగల సమూహాన్ని ‘స్టింగ్‌లెస్ బీస్’ అంటే కుట్టలేని తేనెటీగలు అంటారు.

2. స్టింగ్‌లెస్ బీస్ మనుషులను కుట్టలేవు. ఎందుకంటే అవి మానవులకు హాని కలిగించేంత శక్తివంతంగా ఉండవు. ఒక వ్యక్తిని కుట్టిన తర్వాత అన్ని తేనెటీగలు చనిపోవు. కొన్ని జాతుల తేనెటీగలు మాత్రం చనిపోతాయని తేల్చారు.

3. అలిసన్ మాట్లాడుతూ.. తేనెటీగలు మనుషులను, కీటకాలను కుడుతాయి. అయితే కీటకాల చర్మం మానవుల కంటే చాలా మెత్తగా ఉంటుంది. కాబట్టి తేనెటీగలకు ఎటువంటి హాని ఉండదు. అదే ఒక తేనెటీగ మనిషిని కుట్టాలంటే చాలా శక్తిని వినియోగించాల్సి ఉంటుంది.

4. మనిషిని కుట్టిన దాదాపు 200 తేనెటీగలను అతను అనుసరించాడు. అవి మరుసటి రోజు ఉదయం వరకు జీవించి లేవని అతను కనుగొన్నాడు.

5. మనిషిని కుట్టిన తర్వాత కూడా చాలా తేనెటీగలు సజీవంగా ఉంటాయని పరిశోధకులు చెబుతున్నారు.

మరిన్ని నాలెడ్జ్‌ వార్తలకి ఇక్కడ క్లిక్ చేయండి