Cardamom: యాలకుల పెంపకంతో లక్షలు సంపాదించవచ్చు..! సాగు ఎలా చేయాలో తెలుసుకోండి..
Cardamom: సుగంధ ద్రవ్యాల రాణిగా యాలకులను పిలుస్తారు. దాదాపుగా భారతీయ వంటకాలలో ఎక్కువగా వాడుతారు. ఆహార రుచిని, వాసనను పెంచడానికి ఉపయోగిస్తారు.
Cardamom: సుగంధ ద్రవ్యాల రాణిగా యాలకులను పిలుస్తారు. దాదాపుగా భారతీయ వంటకాలలో ఎక్కువగా వాడుతారు. ఆహార రుచిని, వాసనను పెంచడానికి ఉపయోగిస్తారు. యాలకులు ఒక ఆయుర్వేద ఔషధమొక్క. దీని సాగుతో కొంతమంది రైతులు లక్షలు సంపాదిస్తున్నారు. మహారాష్ట్రలోని కొంకన్‌లో వివిధ రకాల సుగంధ ద్రవ్యాలు పండిస్తారు. అందులో యాలకులను ఎక్కువగా పండిస్తారు. అయితే యాలకుల సాగు నుంచి గరిష్ట దిగుబడి పొందాలంటే దానిని శాస్త్రీయంగా ఒక పద్దతి ప్రకారం పండించడం అవసరం. అది ఎలాగో తెలుసుకుందాం.
వ్యవసాయ శాస్త్రవేత్తల ప్రకారం.. కనిష్ట ఉష్ణోగ్రత 10°C గరిష్టంగా 35°C ఉండే ప్రాంతాల్లో యాలకులు పండించవచ్చు. యాలకులు ఒక నీడ చెట్టు. ఈ కారణంగా కొబ్బరి, తమలపాకుల తోటలలో పెంచడం మంచిది. సూర్యకాంతి నేరుగా ఈ మొక్కపై పడకుండా జాగ్రత్తలు తీసుకోవాలి. తమలపాకును 3 x 3 మీటర్ల దూరంలో నాటితే ప్రతి రెండు చెట్ల మధ్య ఒక యాలకుల చెట్టును నాటవచ్చు.అయితే యాలకుల మొక్కలు నీటి ఒత్తిడిని ఏమాత్రం తట్టుకోలేవు. అందువల్ల నేలలో క్రమం తప్పకుండా తేమ ఉండేలా జాగ్రత్తలు తీసుకోవాలి. నాలుగు రోజులకు ఒకసారి నీరు పెడితే సరిపోతుంది.
యాలకులను ఎప్పుడు కోయాలి
వ్యవసాయ శాఖ ప్రకారం.. యాలకులు కోతకు సిద్ధంగా ఉన్నప్పుడు ఆకుపచ్చ, పసుపు రంగులోకి మారుతాయి. అప్పుడు వాటిని చిన్న కత్తెరతో కట్ చేసి కొమ్మతో పాటు సేకరించాలి. 5 నుంచి 6 రోజుల వరకు ఆరబెట్టడం ముఖ్యం. అప్పుడప్పుడు వాటిని కదిలించుతూ ఉండాలి. ఇక ఈ మొక్క ప్రధానంగా శిలీంధ్ర వ్యాధుల బారిన పడుతుంది. వ్యాధి కనిపించిన వెంటనే పండ్లు, తీగలు కుళ్ళినట్లుగా కనిపిస్తాయి. అటువంటి పరిస్థితిలో వ్యవసాయ అధికారుల సలహాలు తీసుకొని వారు సూచించిన మందును పిచికారీ చేయాలి.