Andhra Pradesh: పోలీసుల్లో వెల్లువిరిసిన మానవత్వం.. సగం కాలిన అనాథ శవాన్ని మోసుకెళ్లిన మహిళా ఎస్ఐ
గుర్తు తెలియని ఓ అనాథ శవాన్ని స్వయంగా తన భుజాలపై మోసుకెళ్లారు.. దీంతో మహిళా SIపై ప్రశంసలు కురిపిస్తున్నారు ఉన్నతాధికారులు.
Prakasam District: ఓ లేడీ సబ్ ఇన్స్పెక్టర్(Sub-Inspector) మానవత్వాన్ని చాటుకున్నారు. ప్రకాశం జిల్లాలో ఓ లేడీ ఎస్ఐ(Lady SI) అందరిచేత శభాష్ అనిపించుకున్నారు. గుర్తు తెలియని ఓ అనాథ శవాన్ని స్వయంగా తన భుజాలపై మోసుకెళ్లారు.. దీంతో మహిళా SIపై ప్రశంసలు కురిపిస్తున్నారు ఉన్నతాధికారులు. ప్రకాశం జిల్లాలోని హనుమంతునిపాడు మండలం హాజీపురం సమీపంలోని ఫారెస్ట్లో ఓ మృతదేహాన్ని కనుగొన్నారు పోలీసులు. పశువుల కాపరి ఇచ్చిన సమాచారంతో అక్కడికి చేరుకుని డెడ్బాడీని స్వాధీనం చేసుకున్నారు. పూర్తిగా కాలిపోయి, గుర్తు పట్టలేని విధంగా ఉంది ఆ మృతదేహం.
అయితే డెడ్బాడీకి పోస్ట్మార్టమ్ నిర్వహించడానికి ఆసుపత్రికి తీసుకెళ్లాలి.. కానీ మృతదేహాన్ని తీసుకెళ్లేందుకు తగినంత సిబ్బంది లేకపోవడంతో మరో వ్యక్తి సాయంతో స్వయంగా శవాన్ని తన భూజాలపై మోసుకెళ్లారు లేడీ SI కృష్ణ పావని. మామూలుగా చనిపోయిన వ్యక్తి దగ్గరకు వెళ్లాలంటే సంకోచించే పరిస్థితి. అలాంటిది సగం కాలిన మృతదేహాన్ని భూజాన మోసిన లేడీ ఎస్ఐను స్థానికులతో పాటు ఉన్నతాధికారులు ప్రశంసలు కురిపించారు.
మరోవైపు మృతుడి వయసు 65 సంవత్సరాలు ఉండొచ్చని పోలీసులు భావిస్తున్నారు. అయితే, ఎలా చనిపోయాడు అనేది ప్రాథమికంగా నిర్థారణ కాలేదని పోలీసులు తెలిపారు. అతడు అడవిలోకి ఎలా వచ్చాడు ? లేదా ఎవరైనా తీసుకొచ్చారా ? ఆత్మహత్యా ? హత్యా? అనే దానిపై దర్యాప్తు చేస్తున్నామని పోలీసులు తెలిపారు. ఓ మహిళా SI తన భుజాలపై శవాన్ని మోసుకుని పోస్ట్మార్టానికి తరలించడంతో ప్రశంసల జల్లు కురుస్తోంది. SI కృష్ణపావనిని ఉన్నతాధికారులు అభినందించారు.
Read Also…. Balakrishna PA Arrest: ఎమ్మెల్యే నందమూరి బాలకృష్ణ పీఏ అరెస్ట్.. రెడ్హ్యాండెడ్గా పట్టుకున్న పోలీసులు..!