ఉరుకులు పరుగుల నేటి కాలంలో.. చాలామంది పేలవమైన జీవనశైలి, అనారోగ్యకరమైన ఆహారం తింటూ ఆరోగ్యాన్ని చెడగొట్టుకుంటున్నారని వైద్య నిపుణులు చెబుతున్నారు. విలాసవంతమైన జీవితానికి అలవాటుపడినా.. ఆహారం విషయంలో మాత్రం రాజీ పడకుడదంటున్నారు. అటువంటి పరిస్థితిలో, మీరు ఏదైనా తినడానికి ముందు ఆరోగ్యంపై దాని ప్రభావాల గురించి ఆలోచించకపోతే మీరు ఇబ్బందుల్లో పడే అవకాశం ఉందంటున్నారు.
ఆరోగ్యాన్ని కాపాడుకోవాలనుకుంటే ఈ తెల్లని ఆహార పదార్థాలను దూరంగా ఉంచాలని వైద్య నిపుణులు చెబుతున్నారు. ఇవి రుచికరంగా ఉండవచ్చు.. కానీ ఆరోగ్యానికి విషం కంటే తక్కువ కాదంటున్నారు. ఈ 5 వైట్ ఫుడ్స్ ను దూరం చేస్తే సగానిపైగా సమస్యలు దూరమవుతాయని.. ఆరోగ్యం కూడా మీ చేతుల్లోనే ఉంటుందని చెబుతున్నారు. అటువంటి 5 వైట్ ఫుడ్స్ గురించి ఇప్పుడు తెలుసుకోండి..
తెల్ల చక్కెర: శరీరంలో మంట, కేలరీలు, లిపిడ్లు, చక్కెర స్థాయిని పెంచడానికి తెల్ల చక్కెర బాధ్యత వహిస్తుంది. దీన్ని అధికంగా తీసుకోవడం వల్ల మధుమేహం నుంచి గుండె జబ్బుల వరకు అనేక ప్రాణాంతక వ్యాధుల ప్రమాదాన్ని పెంచుతుంది. ఇది అతి తక్కువ ఆరోగ్య ప్రయోజనాలతో కూడిన సాధారణ స్వీటెనర్. కేలరీలు తో పాటు అవి పోషకాలు తక్కువ, మధుమేహం,బరువు పెరడగం,గుండె జబ్బుల ప్రమాదానికి మరియు ఇతర ఆరోగ్య సమస్యల ప్రమాదాన్ని కూడా పెంచుతాయి.
తెల్ల రొట్టె: వైట్ బ్రెడ్ ఆరోగ్యానికి సురక్షితం కాదు. ఇందులో ఫైబర్ లేదు, ఇది జీర్ణక్రియకు హాని కలిగిస్తుంది. అంతే కాకుండా దీన్ని తినడం వల్ల షుగర్ కూడా పెరుగుతుంది.వైట్ బ్రెడ్‌ను రిఫైన్ చేసిన పిండితో తయారు చేస్తారు, పైన పొట్టు తొలగించడం ద్వారా ఫైబర్, విటమిన్లు ఇతర ఖనిజాలు పోతాయి. ఇలా అనేక ముఖ్యమైన పోషకాలు కోల్పోయిన ఒక కార్బ్-రిచ్ ఫుడ్ ఐటెమ్‌ అవుతుంది..
తెల్ల బియ్యం: తెల్ల బియ్యం, ముఖ్యంగా పాలిష్ చేయడం వల్ల చాలా పోషకాలు కోల్పోతాయి. ఇందులో అత్యధిక కార్బోహైడ్రేట్లు ఉంటాయి. ఇది ఊబకాయం, గుండె జబ్బులు, మధుమేహం ప్రమాదాన్ని పెంచుతుంది.
తెల్ల ఉప్పు: అధిక మోతాదులో తెల్ల ఉప్పు తీసుకోవడం వల్ల అధిక రక్తపోటు, గుండె జబ్బులు వస్తాయి. బదులుగా, సముద్రపు ఉప్పు లేదా పింక్ ఉప్పును ఉపయోగించండి.. ఇవి మరింత సహజమైనవి..
తెలుపు వెన్న: వైట్ బటర్ వంటి ప్రాసెస్ చేయబడిన కొవ్వులు గుండెకు హానికరం. బదులుగా ఆలివ్ నూనె లేదా కొబ్బరి నూనె ఆరోగ్యకరమైన ప్రత్యామ్నాయాలని వైద్య నిపుణులు చెబుతున్నారు.
మరిన్ని వీడియోస్ కోసం:
Videos
Viral: అతను 180 మంది పిల్లలకు తండ్రి.! ఒక్క మహిళ కూడా ప్రేమగా ముద్దివ్వలేదట.!
Copper items: రాగి వస్తువులు ధరించడం వల్ల కలిగే లాభాలు తెలిస్తే బంగారం జోలికి పోరు.!
Leaves: ఉద్యోగులకు బంపర్‌ ఆఫర్‌.. మనసు బాలేదా? సెలవు తీసుకోండి.!.