Periods Problems : ఆ సమయం ఆలస్యంగా వస్తుందా? కారణం ఏంటో తెలిస్తే షాకవుతారు..

Women Periods

మారుతున్న జీవనశైలి కారణంగా ప్రస్తుత కాలంలో చాలా ఇబ్బందులు ఎదురవుతున్నాయి. ముఖ్యంగా ఆడవాళ్లల్లో ఆహార అలవాట్ల కారణంగా సక్రమంగా వచ్చే రుతుక్రమం కూడా సమయానికి రావడం లేదు. రుతుక్రమం ఆలస్యం కావడంలో ఆహారం ఎంత ప్రధాన పాత్ర పోషిస్తుందో? ఇతర సమస్యలు కూడా అంతే కీలక పాత్ర పోషిస్తాయి. ఒత్తిడి, బరువు హెచ్చుతగ్గుల నుంచి పాలిసిస్టిక్ ఓవరీ సిండ్రోమ్ వంటి వైద్య పరిస్థితుల కూడా పీరియడ్స్ ఆలస్యంగా రావడానికి కారణం కావచ్చు. పీరియడ్స్ ఆలస్యం వ్యవధి వెనుక సంభావ్య కారణాలను అర్థం చేసుకోవడం చాలా ముఖ్యం. పీరియడ్స్ ఆలస్యం కావడానికి కారణాల గురించి ఓ సారి తెలుసుకుందాం. ముఖ్యంగా కొత్తగా పెళ్లయిన ఆడవారికి పీరియడ్స్ సమస్య గర్భధారణపై ప్రభావం చూపిస్తుంది. ఇది వారిలో అత్యంత ఒత్తిడిని అభద్రతా భావాన్ని పెంపొందిస్తుంది.  పీరియడ్స్ ఆలస్యం కావడానికి వైద్యులు కొన్ని ఇబ్బందులను పేర్కొంటున్నారు. అవేంటో సారి తెలుసుకుందాం

ఒత్తిడి

పీరియడ్స్ ఆలస్యం కావడానికి ప్రధాన కారణాలలో ఒత్తిడి ఒకటి. మీరు ఒత్తిడిలో ఉన్నప్పుడు, మీ శరీరం కార్టిసాల్‌ను అధిక స్థాయిలో ఉత్పత్తి చేస్తుంది, ఇది మీ పునరుత్పత్తి వ్యవస్థ యొక్క సాధారణ పనితీరుతో జోక్యం చేసుకుంటుంది. దీంతో పీరియడ్స్ ఆలస్యం అవుతాయి. 

బరువు సమస్యలు

వేగవంతమైన బరువు పెరగడం లేదా తగ్గడం మీ శరీరంలోని హార్మోన్ల సమతుల్యతను దెబ్బతీస్తుంది. దీంతో పీరియడ్స్ కూడా ఆలస్యమయ్యే అవకాశం ఉంది.

థైరాయిడ్

హైపోథైరాయిడిజం లేదా హైపర్ థైరాయిడిజం వంటి థైరాయిడ్ రుగ్మతలు మీ రుతు చక్రంపై ప్రభావం చూపుతాయి. ఈ సమస్య ఉన్నప్పుడు వైద్యులను సంప్రదించడం ఉత్తమం.

పాలిసిస్టిక్ ఓవరీ సిండ్రోమ్(పీసీఓఎస్)

పీసీఓఎస్ అనేది హార్మోన్ల రుగ్మత. ఇది క్రమరహిత పీరియడ్స్‌తో ఆలస్యమైన అండోత్సర్గానికి దారితీస్తుంది. కాబట్టి వైద్యుల సూచన మేరకు మందులు వాడడం మంచిది.

జనన నియంత్రణ మాత్రలు

గర్భనిరోధక మాత్రలు తీసుకుంటే, అవి మీ రుతుచక్రాన్ని మార్చే అవకాశం ఉంది. దీంతో పీరియడ్స్ కూడా ఆలస్యంగా వస్తాయి. అలాగే యాంటిసైకోటిక్స్, యాంటిడిప్రెసెంట్స్ వంటి కొన్ని మందులు వల్ల మీ రుతు చక్రం ఆలస్యం కావచ్చు.

అధిక వ్యాయామం

తీవ్రమైన వ్యాయామాలు లేదా కఠినమైన శారీరక శ్రమ మీ హార్మోన్ల సమతుల్యతను ప్రభావితం చేస్తాయి. తద్వారా పీరియడ్స్ ఆలస్యం కావచ్చు.

పోషకాహార లోపం

అవసరమైన పోషకాలు లేని ఆహారం మీ రుతుచక్రంపై ప్రభావం చూపుతుంది. దీంతో పీరియడ్స్ కూడా ఆలస్యం అవుతాయి.

పెరిమోనోపాజ్

పెరిమెనోపాజ్ అనేది మెనోపాజ్‌కు దారితీసే పరివర్తన దశ. ఈ దశలో, మీ పీరియడ్స్ సక్రమంగా మారవచ్చు లేదా ఆలస్యం కావచ్చు. కాబట్టి వైద్యులను సంప్రదించడం ఉత్తమం.

అనారోగ్యం

మధుమేహం, పీసీఓఎస్, థైరాయిడ్ రుగ్మతలు వంటి అనారోగ్యాలు మీ రుతు చక్రంపై ప్రభావం చూపుతాయి. ముఖ్యంగా క్రమరహిత పీరియడ్స్‌కు కారణం అవుతాయి. 

మరిన్ని హెల్త్ వార్తల కోసం ఇక్కడ క్లిక్ చేయండి..