Snoring Tips: నిద్రపోయే సమయలో గురక పెట్టే అలవాటు చాలా మందిలో ఉంటుంది. వీరు గురకపెట్టడం వల్ల చాలా మంది ఇబ్బందులకు గురవుతుంటారు. ఎదుటి వారికి నిద్రపట్టదు. నిద్రపోయేవారు గురక నుంచి బయటపడాలంటే కొన్ని చిట్కాలు పాటిస్తే మేలంటున్నారు వైద్య నిపుణులు. గురక రావడానికి ప్రధాన కారణాలు, వారు తీసుకోవాల్సిన జాగ్రత్తలు ఏమిటో వైద్య నిపుణులు సూచిస్తున్నారు.
గురక సమస్యను అధికమించడానికి చిట్కాలు..
☛ ప్రతిరోజూ రాత్రి నిద్రపోయేముందు గుప్పెడు పచ్చి అటుకులను తింటే గురక రాకుండా కంట్రోల్ అవుతుందట.
☛ అర టీ స్పోన్ తేనె, అర టీ స్పూన్ ఆలివ్ ఆయిల్ కలిపి రాత్రి నిద్రపోయే ముందు తాగితే మంచి ఫలితం కనిపిస్తుంది.
☛ ఒక గ్లాసు నీటిలో ఒకటి లేదా రెండు పిప్పర్మెంట్ ఆయిల్ చుక్కలు వేసి రాత్రి నిద్రపోయే ముందు నోటిలో పోసుకుని బాగా పుక్కిలించాలి. దీని వల్ల మంచి ఫలితం ఉంటుంది.
☛ ద్దిగా పిప్పర్మెంట్ ఆయిల్ను చేతివేళ్లకు రాసుకుని వాసన చూస్తుంటే గురక తగ్గుతుంది.
☛ ఒక గ్లాసు వేడి నీటిలో అర టీ స్పూన్ యాలకుల చూర్ణం కలిపి రాత్రి నిద్రపోయే ముందు తాగి నిద్రపోతే మంచి ఫలితం కనిపిస్తుంది.
☛ రాత్రి పడుకునే ముందు మరిగే నీటిలో 4, 5 చుక్కలు యూకలిప్టస్ ఆయిల్ వేసి ఆవిరి పట్టాలి. తద్వారా చాలా కంట్రోల్ అవుతుందట.
ఇలాంటి చిట్కాలు పాటించడం వల్ల గురకను తగ్గించుకోవచ్చని వైద్య నిపుణులు చెబుతున్నారు.
(నోట్: ఇందులోని అంశాలు కేవలం అవగాహన కోసం మాత్రమే. నిపుణుల సలహాలు, సూచనల మేరకు అందించడం జరుగుతుంది. ఏవైనా ఆరోగ్య సమస్యలపై నిర్ణయాలు తీసుకునే ముందు వైద్యులను సంప్రదించండి.)
మరిన్ని హెల్త్ వార్తల కోసం ఇక్కడ క్లిక్ చేయండి