Garlic Benefits: ఒక్క వెల్లుల్లి రెబ్బతో ఆ సమస్యలన్నీ దూరం చేసుకోవచ్చు.. ఎప్పుడు, ఎలా తింటే మంచిదో తెలుసుకోండి..

Garlic

వెల్లుల్లిలో ఆరోగ్యానికి మేలు చేసే అనేక ఔషధ గుణాలు ఉన్నాయి. దీనిని తినడం వల్ల అనేక ఆరోగ్య ప్రయోజనాలు కలుగుతాయని నిపుణులు పేర్కొంటున్నారు. అయితే.. వెల్లుల్లిని సరిగ్గా తీసుకుంటే చాలా సమస్యలను అధిగమించవచ్చని చెబుతున్నారు. దీనిలో ఉన్న పోషకాలు, ఔషధ గుణాలు శరీరానికి చేరాలంటే.. రోజూ డైట్ లో చేర్చుకోవచ్చని సూచిస్తున్నారు. అయితే.. వెల్లుల్లిని ఎలా తినాలి..? ఇది ఏయే రోగాల నుంచి ఉపశమనం కలిగిస్తుందో ఇప్పడు తెలుసుకుందాం..

వెల్లుల్లి పోషకాలు..

వెల్లుల్లిలో ఫైబర్, ప్రొటీన్లు, విటమిన్లు, అనేక ఖనిజాలు ఉన్నాయి. ఇది యాంటీ బాక్టీరియల్, యాంటీవైరల్ లక్షణాలను కలిగి ఉంటుంది. వెల్లుల్లిలో యాంటీ ఆక్సిడెంట్లు పుష్కలంగా ఉంటాయి. విటమిన్ బి1, విటమిన్ సి, విటమిన్ బి6 వంటి పోషకాలు ఇందులో ఉన్నాయి. వెల్లుల్లిలో మాంగనీస్, కాల్షియం, ఐరన్ వంటి ఖనిజాలు కూడా పుష్కలంగా ఉన్నాయి. ఈ పోషకాలు ఆరోగ్యానికి చాలా మేలు చేస్తాయి. ప్రతిరోజూ ఉదయం ఖాళీ కడుపుతో వెల్లుల్లి తినడం చాలా మంచిది. ఇంకా వెల్లుల్లి రెబ్బలను వేయించిన తర్వాత కూడా తినవచ్చు.

జీర్ణక్రియలో ప్రయోజనకరంగా ఉంటుంది: వెల్లుల్లి జీర్ణక్రియను మెరుగుపరిచే ఫైబర్ కలిగి ఉంటుంది. వెల్లుల్లి తినడం వల్ల అజీర్ణం, మలబద్ధకం, పుల్లని త్రేనుపు, కడుపు ఉబ్బరం వంటి జీర్ణ సమస్యలు రావు. దీన్ని తినడం వల్ల కడుపు ఉబ్బరం, నొప్పి సమస్య ఉండదు. జీర్ణక్రియను సరిగ్గా ఉంచడానికి ప్రతిరోజూ ఒక రెబ్బ వెల్లుల్లిని తినవచ్చు.

రోగనిరోధక శక్తిని పెంచుతుంది: వెల్లుల్లి రోగనిరోధక శక్తిని బలోపేతం చేయడానికి పనిచేస్తుంది. ఇది యాంటీ ఫంగల్, యాంటీవైరల్, యాంటీ బాక్టీరియల్ లక్షణాలను కలిగి ఉంది. ఇది వ్యాధులతో పోరాడడంలో సహాయపడుతుంది. ఎవరైనా తరుచూ అనారోగ్యానికి గురవుతుంటే.. అలాంటి వారికి ప్రతిరోజూ వెల్లుల్లి తినిపించాలి. దీన్ని తినడం వల్ల జలుబు, దగ్గు వంటి సమస్యలు దూరమవుతాయి.

కిడ్నీకి మేలు చేస్తుంది: వెల్లుల్లిని మూత్రపిండాల ఆరోగ్యానికి ప్రయోజనకరంగా పరిగణిస్తారు. వెల్లుల్లిలో అల్లిసిన్ అనే పోషకం మూత్రపిండాల సమస్యల నుంచి ఉపశమనం కలిగిస్తాయి.

రక్తపోటును నియంత్రిస్తాయి: వెల్లుల్లిలో ఉండే మూలకాలు రక్తాన్ని పల్చగా ఉంచుతాయి. దీని కారణంగా రక్తపోటు అదుపులో ఉంటుంది. ఇందులో ఉండే అల్లిసిన్ సమ్మేళనం గుండెకు ప్రయోజనకరంగా ఉంటుంది.

(నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.)

మరిన్ని ఆరోగ్య వార్తల కోసం..