Breaking News
  • 'మా' అసోసియేషన్‌లో ముసలం. నిన్నటి నుంచి తెరుచుకోని ఆఫీస్‌ తలుపులు. అధ్యక్ష, కార్యదర్శుల మధ్య విభేదాలతో ఆఫీస్‌కు రాని సిబ్బంది. మాట్లాడేందుకు నిరాకరించిన కార్యవర్గ సభ్యులు.
  • బిల్లులపై చర్చ జరగకుండానే ఏపీ మండలి వాయిదా పడే అవకాశం. బిల్లుపై చర్చకు ఒప్పించేందుకు వైసీపీ సభ్యుల ప్రయత్నాలు. అంగీకరించని విపక్ష సభ్యులు. రూల్‌ 71పై చర్చ జరగాలని పట్టుబట్టిన విపక్ష సభ్యులు.
  • హైదరాబాద్‌: ధరమ్‌ కరం రోడ్‌లో పిచ్చికుక్కల స్వైరవిహారం. 10 మంది చిన్నారులకు తీవ్రగాయాలు, ఆస్పత్రికి తరలింపు.
  • తిరుమల: రథసప్తమి సందర్భంగా అన్ని ఏర్పాట్లు చేస్తున్నాం. రథసప్తమి సందర్భంగా శ్రీవారి ఆలయంలో ఆర్జిత సేవలు రద్దు. మాడ వీధుల్లో షెడ్లు ఏర్పాటు-టీటీడీ అడిషనల్ ఈవో ధర్మారెడ్డి.
  • హైదరాబాద్‌: రాష్ట్రంలో రాజకీయాలను డబ్బు శాసిస్తోంది. రాజ్యాధికారం సాధిస్తేనే విద్య, ఉద్యోగాలు వస్తాయి-లక్ష్మణ్‌. డబ్బుతో రాజకీయాలు నడపడం అప్రజాస్వామికం. దళితుల హక్కుల కోసం చేసే పోరాటంలో బీజేపీ ముందుంటుంది -తెలంగాణ బీజేపీ అధ్యక్షుడు లక్ష్మణ్‌.

తప్ప తాగి.. రచ్చ చేసిన టీమిండియా క్రికెటర్…

Case Files Against Indian Cricketer, తప్ప తాగి.. రచ్చ చేసిన టీమిండియా క్రికెటర్…

టీమిండియా మాజీ క్రికెటర్ ప్రవీణ్ కుమార్ వివాదంలో చిక్కుకున్నాడు. తనను, తన కొడుకును దుర్భాషలాడటమే కాకుండా దాడి కూడా చేశాడని దీపక్ శర్మ అనే వ్యక్తి పోలీసులకు ఫిర్యాదు చేశాడు. అంతేకాకుండా ఆ సమయంలో ప్రవీణ్ మద్యం మత్తులో తూలుతున్నాడని ఆయన ఫిర్యాదులో పేర్కొన్నాడు. సుమారు మధ్యాహ్నం 3 గంటలకు తాను కొడుకు స్కూల్ బస్సు కోసం వేచి చూస్తుండగా.. ప్రవీణ్ కారుకు స్కూల్ బస్సు అడ్డు రావడంతో.. అతడు బస్సు డ్రైవర్‌‌తో గొడవకి దిగి దుర్భషలాడటం మొదలుపెట్టాడు.  ఇక తాను అడ్డు చెప్పేందుకు ప్రయత్నించగా.. ప్రవీణ్ తనపై దాడి చేశాడని దీపక్ శర్మ తెలిపారు. ఈ గొడవలో తన చెయ్యికి ఫ్రాక్చర్ కావడమే కాకుండా.. తన ఏడేళ్ల కొడుకును కూడా తోసేయడంతో అతనికి గాయాలు అయ్యాయని పేర్కొన్నాడు.

అయితే ప్రవీణ్ దాడికి పాల్పడ్డాడని పోలీసులకు ఫిర్యాదు చేస్తే వారు పట్టించుకోలేదని దీపక్ వాపోయాడు. అంతేకాక తనను చంపేస్తామంటూ బెదిరింపులు వస్తున్నాయని ఆయన తెలిపాడు. ఇకపోతే ఈ వ్యవహారంపై స్థానిక ఎస్పీ మాట్లాడుతూ.. ప్రవీణ్, దీపక్ మధ్య జరిగిన గొడవపై దర్యాప్తు ప్రారంభించామని.. ప్రవీణ్ తప్పు చేసినట్లు తెలిస్తే కఠినంగా శిక్షిస్తామని చెప్పారు.